Menningarráð

55. fundur 17. desember 2015 kl. 08:15 - 10:15 í Upsa á 3. hæð í Ráðhúsi Dalvíkur

Nefndarmenn

Valdemar Þór Viðarsson Formaður
Heiða Hilmarsdóttir Varaformaður
Kristján Hjartarson Aðalmaður

Starfsmenn

Gísli Rúnar Gylfason embættismaður

Fundargerð ritaði: Gísli Rúnar Gylfason Íþrótta- og æskulýðsfulltrúi

Dagskrá

1.Uppsögn á starfi sviðsstjóra fræðslu- og menningarsviðs

Málsnúmer 201511012 Vakta málsnúmer

Menningarráð færir Hildi Ösp bestu þakkir fyrir störf hennar að menningarmálum í Dalvíkurbyggð, þakkar henni samstarfið og óskar henni velfarnaðar í nýju starfi.

2.Listamaður Dalvíkurbyggðar

Málsnúmer 201510096 Vakta málsnúmer

Á síðasta fundi fól Menningarráð íþrótta- og æskulýðsfulltrúa að gera drög að reglum um tilnefningu bæjarlistamanns Dalvíkurbyggðar.

Lagt fram til kynningar.

3.Framtíðarnýting á Ungó og Sigtúni

Málsnúmer 201212038 Vakta málsnúmer

Á síðasta fundi óskaði Menningarráð eftir því við forstöðumann Byggðasafnsins að skoða með hvaða hætti væri best að varðveita sýningarvélar sem staðsettar eru í Ungó.

Forstöðumaður skoðaði aðstöðu og telur að um mikil menningarverðmæti sé að ræða. Leitaði hún eftir áliti frá Kvikmyndasafni Íslands. Þar kemur fram að í sögulegu tilliti sé best að hafa vélarnar á sínum upprunalega stað. Sýningarklefinn á Dalvík er sennilega einn elsti óbreytti sýningarklefi landsins.

Ljósmynda þyrfti klefann betur til að varðveita heimildir um hann ef svo færi að hann yrði tekinn niður. Kvikmyndasafn Íslands hefur mikinn áhuga á að fá að fylgjast með framvindu þessa merkilega menningarmálefnis á Dalvík.

Menningarráð tekur undir með því sem fram kemur í bréfi frá Kvikmyndasfni Íslands og vill skoða leiðir til að sýningarvélarnar getir verið áfram á upprunalegum stað.

4.Sjávarútvegssaga Dalvíkurbyggðar.

Málsnúmer 201510077 Vakta málsnúmer

Menningarráð felur íþrótta- og æskulýðsfulltrúa að auglýsa eftir áhugasömum einstaklingum til að taka að sér vinnu við að afla munnlegra heimilda vegna undirbúnings við ritun sjávarútvegssögu Dalvíkurbyggðar.

Í áætlun ársins 2015 er óráðstafað um 600.000 úr styrktarsjóði og vegna verkefna sem ekki verða á árinu og leggur til að þessir fjármunir verði notaðir vegna ofangreindrar heimildaröflunar.

5.Stöðuhlutfall á skjalasafni

Málsnúmer 201511127 Vakta málsnúmer

Héraðsskjalavörður óskar eftir því að stöðuhlutfall það sem nýtt hefur verið í verkefnið "Vísnavefurinn Haraldur" þ.e. 30 % staða verði áfram til staðar og sérstaklega með skráningu á ljósmyndum og meðferð þeirra í huga.

Stöðuhlutfallið er ekki inn í nýsamþykktri fjárhagsáætlun fyrir árið 2016 og samþykkir Menningarráð að vísa þessu til umfjöllunar við gerð fjárhagsáætlunar fyrir árið 2017.

6.Yfirferð og endurskoðun á erindisbréfum fagráða

Málsnúmer 201511132 Vakta málsnúmer

Farið var yfir núgildandi erindisbréf Menningarráðs.

Afgreiðslu frestað

7.jólasveinabúningar

Málsnúmer 201512067 Vakta málsnúmer

Bent hefur verið á að halda þurfi áfram að endurnýja jólasveinabúninga. Menningarráð samþykkir að keyptir verði 4 jólasveinabúningar. Kaupin rúmast innan fjárhagsáætlunar fyrir árið 2015.

Fundi slitið - kl. 10:15.