Fræðsluráð

235. fundur 13. mars 2019 kl. 08:00 - 10:30 í Upsa á 3. hæð í Ráðhúsi Dalvíkur
Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Sigríður Jódís Gunnarsdóttir aðalmaður
  • Dagbjört Sigurpálsdóttir aðalmaður
Starfsmenn
  • Fjóla Dögg Gunnarsdóttir starfsmaður
Fundargerð ritaði: Fjóla Dögg Gunnarsdóttir Kennsluráðgjafi
Dagskrá
Guðrún Halldóra Jóhannsdóttir, skólastjóri Krílakots, Arna Arngrímsdóttir, fulltrúi starfsmanna Krílakots og Telma Björg Þórarinsdóttir, fulltrúi foreldra leikskólabarna á Krílakoti sátu fundinn undir liðum 1-5.
Jónína Garðarsdóttir, skólastjóri Árskógarskóla og Bjarni Jóhann Valdimarsson, fulltrúi foreldra grunnskólabarna í Árskógarskóla sátu fundinn undir liðum 1-6.
Gísli Bjarnason, skólastjóri Dalvíkurskóla, Guðríður Sveinsdóttir, fulltrúi starfsmanna Dalvíkurskóla sátu fundinn undir liðum 1-8.

1.Starf sviðsstjóra fræðslu- og menningarsviðs - ráðning

201901056

Á 898. fundi byggðaráðs þann 28. febrúar 2019 var eftirfarandi bókað:
"Á 893. fundi byggðaráðs þann 17. janúar 2019 var meðal annars eftirfarandi bókað hvað varðar starf sviðsstjóra fræðslu- og menningarsviðs:
"Byggðaráð samþykkir samhljóða með 3 atkvæðum að starfið verði auglýst laust til umsóknar og samþykkir jafnframt að leita til Capacent hvað varðar aðstoð við ráðningarferlið. Byggðaráð samþykkir samhljóða með 3 atkvæðum að fela ráðningarnefnd að yfirfara starfslýsingu fyrir starfið og gera tillögu að auglýsingu um starfið."

Sveitarstjóri og Guðmundur St. Jónsson, aðalmaður í byggðaráði og sveitarstjórn, unnu að úrvinnslu og sátu viðtöl í ráðningarferlinu.

Katrín og Guðmundur leggja til að Gísli Bjarnason verði ráðinn í starf sviðsstjóra fræðslu- og menningarsviðs Dalvíkurbyggðar.

Byggðaráð samþykkir samhljóða með 2 atkvæðum að leggja til við sveitarstjórn að Gísli Bjarnason verði ráðinn í starf sviðsstjóra fræðslu- og menningarsviðs Dalvíkurbyggðar. "

Fræðsluráð óskar Gísla til hamingju með nýtt starf.
Fræðsluráð leggur jafnframt áherslu á að sviðsstjóri komi sem fyrst til starfa.

2.Frá Símenntunarmiðstöð Eyjafjarðar; Kynning á starfssemi Símey

201903028

Sif Jóhannesdóttir, nýráðin verkefnastjóri hjá Símey kynnti starfið sitt og starfsemina í námsveri SÍMEY hér á Dalvík.
Fræðsluráð þakkar Sif fyrir góða kynningu á starfsemi Símey og býður hana velkomna til starfa.

3.Frá leik-og grunnskólum; Ósk um breytingu á upplýsingakerfi skólanna

201902025

Gísli Bjarnason, skólastjóri Dalvíkurskóla fór yfir ósk frá skólunum um breytingar á upplýsingakerfum þeirra. Ósk um breytingar felst í því að fara úr því að nota kerfið Námfús og yfir í kerfin Mentor og Karellen.
Fræðsluráð samþykkir að stefnt verði að því að skipt verði um upplýsingakerfi í skólunum til að auka skilvirkni í skólastarfi og vísar málinu áfram til umræðu í UT-teymi Dalvíkurbyggðar.

4.Starfs- og fjárhagsáætlun Fræðslu- og menningarsviðs 2019

201809029

Gunnþór E. Gunnþórsson, formaður fræðsluráðs ræddi tillögu um að stjórnendur skóla færu yfir stöðu verkefna m.a. út frá starfsáætlun fræðslu-og menningarsviðs.
Fræðsluráð leggur til að á hverjum fundi kynni stjórnendur skólanna þau verkefni sem eru í gangi og það helsta sem er framundan.

5.Skóladagatal 2019-2020

201902103

Skólastjórnendur lögðu fram drög að skóladagatali fyrir skólaárið 2019-2020.

Lagt fram til kynningar og umræðu.
Guðrún Halldóra, Arna og Telma fóru af fundi kl.08:50

6.Niðurstöður foreldrakönnunar í Árskógarskóla og Dalvíkurskóla

201903013

Gísli Bjarnason, skólastjóri Dalvíkurskóla og Jónína Garðarsdóttir, skólastjóri Árskógarskóla fóru yfir helstu niðurstöður úr foreldrakönnun sem lögð var fyrir í febrúar.
Lagt fram til kynningar og umræðu.
Jónína og Bjarni fóru af fundi kl.09:15

7.Frá Dalvíkurskóla; Fundargerðir fagráðs

201903033

Gísli Bjarnason, skólastjóri Dalvíkurskóla fór yfir fundargerð fagráðs frá 4.mars 2019.
Lagt framt til kynningar og umræðu.

8.Frá Dalvíkurskóla; Umsókn í endurmenntunarsjóð grunnskóla 2019

201901092

Gísli Bjarnason, skólastjóri Dalvíkurskóla sagði frá umsókn Dalvíkurskóla í Endurmenntunarsjóð kennara. Umsóknin felur í sér námskeið fyrir kennara þar sem farið verður í leiðir til þess að efla og styrkja sjálfsmynd og sjálfsstraust barna og unglinga. Að auki er styrkurinn hugsaður fyrir fræðslu til foreldra sem og eftirfylgni við kennara.
Fræðsluráð fagnar þessari umsókn.
Gísli og Guðríður fóru af fundi kl. 09:20

9.Trúnaðarmál

201901038

Trúnaðarmál

Bókað í trúnaðarmálabók.

Fundi slitið - kl. 10:30.

Nefndarmenn
  • Gunnþór Eyfjörð Gunnþórsson formaður
  • Felix Rafn Felixson varaformaður
  • Þórhalla Karlsdóttir aðalmaður
  • Sigríður Jódís Gunnarsdóttir aðalmaður
  • Dagbjört Sigurpálsdóttir aðalmaður
Starfsmenn
  • Fjóla Dögg Gunnarsdóttir starfsmaður
Fundargerð ritaði: Fjóla Dögg Gunnarsdóttir Kennsluráðgjafi