Byggðaráð

Samkvæmt fjárhagsáætlunarferli Dalvíkurbyggðar er eftirfarandi til umfjöllunar í byggðaráði í apríl - maí eða þegar ársreikningur liggur fyrir:

a)
Framkvæmdastjórn og byggðaráð ræða um og koma með hugmyndir að verkefnum, framkvæmdum, áherslum og stefnu.
b)
Umræða í byggðaráði um verklag, áherslur, markmið og tímaramma.
d)
Byggðaráð tekur formlega ákvörðun um markmið fjárhagsáætlunar og setur fram stefnu.

Til umræðu ofangreint.

Bókað í trúnaðarmálabók

Tekið fyrir aðalfundarboð frá Veiðifélagi Svarfaðardalsár, dagsett þann 31. maí 2017, þar sem boðað er til aðalfundar 2017 að Rimum miðvikudaginn 7. júní s.l.

Upplýst var á fundinum að sviðsstjóri umhverfis- og tæknisviðs sótti fundinn.

Tekið fyrir aðalfundarboð frá stjórn Gáskakaupstaðar ses., dagsett þann 30. maí 2017, þar sem boðað er til aðalfundar þriðjudaginn 13. júní 2017 kl. 15:00 á Akureyri.

Undir þessum lið kom á fund byggðaráðs Börkur Þór Ottósson, sviðsstjóri umhverfis- og tæknisviðs, kl. 13:00.

Fimmtudaginn 1. júní s.l. voru opnuð tilboð í breytingar og viðhald í Víkurröst.

Tvö tilboð bárust frá einum aðila:

Tréverk ehf. kr. 11.216.000
Tréverk ehf. frávikstilboð kr. 9.890.000 með skiladegi 15. desember 2017.

Til umræðu ofangreint.

Tekið fyrir erindi frá Vistorku, dagsett þann 29. maí 2017, til sveitarstjórna sem tengjst umsókn Vistorku í Orkusjóði um uppbyggingu innviða fyrir rafbíla á Norðurlandi.

Til umræðu ofangreint.

Börkur vék af fundi kl. 13:32.

Tekin fyrir umsókn frá Ungmennafélaginu Atla, dagsett þann 04.06.2017, um styrk á móti fasteignaskatti vegna samkomuhússins Höfða í Svarfaðardal.

Samkvæmt reglum sveitarfélagsins þá eiga umsóknir að liggja fyrir fyrir 1. júní.

Til umræðu ofangreint.

Tekið fyrir bréf frá stjórn Skíðafélags Dalvíkur, dagsett þann 5. júní 2017, þar sem farið er yfir fjárhagsstöðu Skíðafélags Dalvíkur, viðhaldsmál og fleira. Fram kemur m.a. að Skíðafélagið á eftir að fá 2,0 m.kr. af styrk frá sveitarfélaginu og stjórnin sér ekki annað í stöðunni en að félagið verði að fá þessa peninga greidda út strax.

Til umræða ofangreint.

Sviðsstjóri fjármála- og stjórnsýslusviðs kynnti mánaðarlegar stöðuskýrslur janúar - apríl, bókfært í samanburði við fjárhagsáætlun 2017.

Undir þessum lið kom á fund byggðaráðs Bjarni Jóhann Valdimarsson, tölvuumsjónarmaður, kl. 14:03.

Tekið fyrir minnisblað frá tölvuumsjónarmanni þar sem fram kemur m.a. að á fjárhagsáætlun 2017 er gert ráð fyrir endurnýjun á eldvegg og vinnu tengdri henni, kr. 600.000. Við úttekt og hönnun á innra neti sveitarfélagsins samhliða endurnýjun eldveggjarins og færslu netþjóna komu í ljós ákveðnir annmarkar á núverandi kerfi hvað varðar hraða og umferð á milli stofnana. Ef á að bregðast við þessu þá fylgir óhjákvæmlega aukinn kostnaður. Heildarkostnaður er áætlaður um kr. 1.263.000. Óskað er því eftir kr. 663.000 viðauka við fjárhagsáætlun 2017 til að bregðast við þessu á deild 21400.

Það er tillaga tölvuumsjónarmanns og ráðgjafa að farið verði í þessar breytingar á nethöguninni, hvort sem það verður gert nú eða síðar.

Til umræðu ofangreint.

Bjarni Jóhann vék af fundi kl. 14:08.