Byggðaráð

Heiða Hilmarsdóttir sat fundinn undir þessum lið sem varamaður Kristjáns Guðmundssonar frá kl. 13:00 til kl. 13:04,en þá kom Kristján inn á fundinn.



a) Undir þessum lið kom á fund byggðaráðs Eyrún Rafnsdóttir, sviðsstjóri félagsmálasviðs, kl. 13:00.



Á 791. fundi byggaðráðs þann 8. september 2016 var eftirfarandi bókað:



"a) Haldið áfram yfirferð yfir tillögur og unnið að gerð fjárhagsramma; tillaga að fjárhagsramma 2017. Á fundinum var haldið áfram yfirferð yfir tillögur frá fagsviðum og unnið að fjárhagsramma 2017. Sviðsstjóri fjármála- og stjórnsýslusviðs kynnti 1. drög að fjárhagsramma þar sem m.a. er búið að gera ráð fyrir breytingum vegna launaáætlunar 2017. b) Gjaldskrármál. Til umræðu við hvaða vísitölu á að miða við í gjaldskrármálum og við hvaða tímabil á að miða. c) Forsendur vegna fjárhagsáætlunar 2017-2020. Til umræðu forsendur fjárhagsáætlunar 2017-2020 og þær sér ákvarðanir sem byggðaráð þarf að taka. d) Annað er varðar fjárhagsáætlun 2017-2020.

Niðurstaða
a) Byggðaráð samþykkir samhljóða með 3 atkvæðum drög að fjárhagsramma 2017 eins og þau liggja fyrir með áorðnum breytingum sem unnið var að á fundinum og felur sviðsstjóra fjármála- og stjórnsýslusviðs að útfæra fjárhagsramma 2017 í samræmi við ofangreint. b) Lagt fram. c) Lagt fram. d) Lagt fram."



Eyrún vék af fundi kl. 13:17.



b) Sviðsstjóri fjármála- og stjórnsýslusviðs kynnti fjárhagsramma fyrir árið 2017 eftir þá úrvinnslu sem unnin hefur verið frá síðasta fundi.

Undir þessum lið komu á fund byggðaráðs stjórn Menningarfélagsins Bergs ses; Vignir Þór Hallgrímsson, formaður stjórnar, Svanfríður Jónasdóttir, aðalmaður, Dagur Óskarsson, varamaður og Margrét Víkingsdóttir varamaður, Valdemar Þór Viðarsson, aðalmaður, boðaði forföll, kl. 13:31, ásamt framkvæmdastjóra Grétu Arngímsdóttur.



Á 788. fundi byggaðráðs þann 25. ágúst 2016 var eftirfarandi bókað:

"Undir þessum lið kom á fund byggðaráðs Hlynur Sigursveinsson, sviðsstjóri fræðslu- og menningarsviðs, kl. 13:00 Til umræðu breytingar framundan í starfsemi Bergs þar sem framkvæmdastjóri hefur sagt upp störfum sem og Þula hefur sagt upp aðstöðu í húsinu hvað varðar veitingarekstur, sbr. auglýsing er birtist m.a. á vef menningarhússins Bergs ses. 18. ágúst 2016, þar sem auglýst er eftir nýjum framkvæmdastjóra sem og rekstraraðila fyrir veitingarekstur í Menningarhúsinu Bergi Dalvík frá 1. nóvember 2016. http://www.dalvikurbyggd.is/menningarhus/9478/Framkvaemdastjori-veitingarekstur-i-menningarhusinu-Bergi/default.aspx Til umræðu ofangreint. Hlynur vék af fundi kl. 13:29.

Byggðaráð samþykkir samhljóða með 3 atkvæðum að óska eftir fundi með stjórn Menningarfélagsins Berg ses."



Vignir Þór, Svanfríður, Dagur, Margrét og Gréta viku af fundi kl.14:18.

Undir þessum lið kom á fund byggðaráðs Hjörleifur Hjartarson, kl. 14:19, en Hjörleifur óskaði eftir að koma á fund byggðaráðs til að ræða málefni Náttúruseturs.



Til umræðu fuglasýningin sem verið hefur staðsett á Húsabakka "Friðland fuglanna" sem og umsjón með Friðlandi Svarfdæla.



Hjörleifur vék af fundi kl. 15:12.

Á 80. fundi íþrótta- og æskulýðsráðs þann 6. september 2016 var eftirfarandi bókað;

"Farið yfir drög að starfsáætlun í íþrótta- og æskulýðsmálum. Íþrótta- og æskulýðsráð samþykkir að óska eftir því við Byggðaráð að húseignir sem skráðar eru undir íþrótta- og æskuýðsmál verði teknar til skoðunar með það í huga að kostnaður við rekstur mannvirkja verði færðir á þá málaflokka sem nýtingin fer fram. Samkvæmt tímaramma vegna starfs- og fjárhagsáætlunar eiga fagráð að vera búin að skila inn tillögum 27. september. Samþykkt að næsti fundur verði færður fram um eina viku, eða þriðjudaginn 27. september."



Til umræðu ofangreint.

Á 791. fundi byggðaráðs þann 8. september s.l. var eftirfarandi bókað:

"Tekið fyrir erindi frá Starfsmannafélagi Dalvíkurbyggðar, bréf dagsett þann 29. ágúst 2016, þar sem stjórnin óskar eftir því við Dalvíkurbyggð að framlag til starfsmannafélagsins verði hækkað í samræmi við framlag starfsmanna. Hver félagsmaður greiðir á ári kr. 6.000 miðað við 12 mánuði. Er það ósk stjórnar að árið 2017 verði framlag Dalvíkurbyggðar sama upphæð eða kr. 6.000 á hvern starfsmann. Byggðaráð frestar afgreiðslu."

Á fundi byggðaráðs var farið yfir drög að útboðslýsingu vegna útboðs á vátryggingum Dalvíkurbyggðar.

Tekið fyrir bréf frá mennta- og menningarmálaráðuneytinu, dagsett þann 6. september 2016, þar sem vísað er til fyrri bréfasamskipta vegna úttektar á Dalvíkurskóla árið 2014.



Fram kemur að staðfesting skólastjóra á að umbótum sé lokið barst ráðuneytinu með rafpósti þann 15. ágúst 2016. Ráðuneytið minnir á beiðni þess um staðfestingu sveitarfélags og mat sveitarstjórnar á hvernig sveitarfélagi og skóla hefur tekist að vinna að umbótum á skólastarfinu í kjölfar úttektarinnar. Þess er vænst að staðfesting berist ráðuneytinu eigi síðar en 20. september n.k.

Frestað.

Lögð fram til kynningar 842. fundargerð stjórnar Sambands íslenskra sveitarfélaga.