Byggðaráð

Undir þessum lið komu á fund byggðaráðs Ingólfur Jóhannsson og Bergsveinn Þórsson frá Skógræktarfélagi Eyfirðinga og kynntu skógræktaráætlun fyrir Bögg og Brúárhvammsreit. Þeir héldu tvo kynningarfundi fyrir íbúa vegna framtíðaráætlana fyrir skógarreitina, annan í Menningarhúsinu Bergi og hinn í Félagsheimilinu Árskógi, laugardaginn 8.nóvember 2025. Í lok funda var boðið upp á gönguferð um skógarreitina.

Skíðafélag Dalvíkur óskar eftir styrk um 10.000.000 kr til kaupa og uppsetningar á töfrateppi í aðstöðu félagsins í Böggvistaðafjalli. Fram kemur í erindinu að styrktaraðili að verkefninu sé fundinn og með umræddum styrk frá Dalvíkurbyggð er framkvæmdin að fullu fjármögnuð. Umræddur styrkur Dalvíkurbyggðar var samþykktur á árinu 2023, en á 1077.fundi byggðaráðs þann 24.ágúst 2023 var eftirfarandi bókað:
Byggðaráð samþykkir samhljóða með 3 atkvæðum að Dalvíkurbyggð er tilbúið að koma með krónu á móti hverri þeirri krónu sem Skíðafélagið safnar í styrki fyrir Töfrateppið en þó að hámarki kr. 10.000.000.
Skíðafélag Dalvíkur endurvekur hér með beiðni sína frá árinu 2023.

Þá hefur verið send inn umsókn fyrir framkvæmdaleyfi og á 40.fundi skipulagsráðs þann 12.nóvember 2025 var eftirfarandi bókað:
Erindi dagsett 10.nóvember 2025 þar sem Hörður Elís Finnbogason f.h. Skíðafélags Dalvíkur sækir um framkvæmdaleyfi fyrir landmótun og uppsetningu færibands á skíðasvæðinu á Dalvík. Meðfylgjandi eru framkvæmdalýsing og leyfi Náttúruverndarstofnunar.
Skipulagsráð samþykkir erindið og felur skipulagsfulltrúa að gefa út framkvæmdaleyfi þegar öll tilskilin gögn hafa borist. Samþykkt samhljóða með fimm atkvæðum

Með fundarboði fylgdi erindi frá Innviðaráðuneytinu, dagsett þann 18.desember 2025 þar sem gert er grein fyrir úthlutun byggðakvóta innan Dalvíkurbyggðar. Samtals er eftirfarandi til ráðstöfunar fiskveiðiárið 2025/2026: Árskógssandur 37,358 þorskígildistonn, Dalvík 26,757 þorskígildistonn. Hauganes 15 þorskígildistonn. Þess er óskað að sveitarstjórnir sem ekki hafa fyrirhugað að senda ráðuneytinu tillögur að sérreglum sendi ráðuneytinu staðfestingu um slíkt. Í þeim tilvikum þar sem þess er óskað að leggja fram tillögur að sérreglum er sveitarstjórn gefinn kostur á að senda ráðuneytinu tillögur til 19.janúar nk.

Jafnframt fylgdu með fundarboði byggðaráðs upplýsingar um úthlutun byggðakvóta til byggðarlaga innan Dalvíkurbyggðar fyrir síðustu 5 fiskveiðiár.

Sveitarstjóri hefur óskað eftir fresti til þess að skila inn tillögum að sérreglum til 21.janúar nk.

Fyrir fundinum liggur uppsögn á samningi vegna rekstar tjaldsvæðis á Dalvík frá Draumablá ehf. á grundvelli 12.gr. samningsins, án fyrirvara og meintra vanefnda Dalvíkurbyggðar.

Tekið fyrir erindi frá leikskólastjóra þar sem óskað er eftir heimild til þess að auglýsa í 100% starf við Kötlukot.

Á 382.fundi sveitarstjórnar þann 16.september 2025 var eftirfarandi bókað:
Enginn tók til máls. Sveitarstjórn samþykkir samhljóða með 6 atkvæðum ofangreinda afgreiðslu byggðaráðs og samþykkir þá tillögu að þeim tveimur tilboðum sem bárust vegna útboðs á vatnstanki Upsa verði hafnað þar sem tilboðin eru langt yfir kostnaðaráætlun. Einnig samþykkir sveitarstjórn samhljóða að verkefnið verði boðið út að nýju og að vinnuhópurinn yfirfari útboðslýsinguna.

Vinnuhópur um nýjan vatnstank við Upsa tók málið fyrir á fundi sínum þann 18.desember 2025 og leggur áherslu á að verkið verði boðið út í byrjun janúar.

Með fundarboði byggðaráðs fylgdu uppfærð útboðsgögn sem segja að verkið "Vatnstankur við Upsa" verði boðin út föstudaginn 9.janúar nk.

Ákveðið hefur verið að Samband íslenskra sveitarfélaga mun taka að sér söfnun fjárhagsáætlana og útkomuspá sveitarfélaga en þetta hlutverk var áður í höndum Hagstofu Íslands. Er hér um að ræða fyrsta skrefið í þeirri breytingu sem er að eiga sér stað á rekstri Upplýsingaveitu sveitarfélaga sem er sameiginlegur gagnagrunnur Sambandsins, Hagstofu Íslands, Innviðaráðuneytis og Fjármála- og efnahagsráðuneytis.

Með fundarboði fylgdi bréf frá Innviðaráðuneytinu til framkvæmdastjóra og fjármálastjóra allra sveitarfélaga vegna reglugerðar um breytingu á 4. gr. fylgiskjals I við reglugerð nr. 1212/2015 um bókhald, fjárhagsáætlanir og ársreikninga sveitarfélaga, ásamt afriti af reglugerðinni sem send verður til birtingar í Stjórnartíðindum á næstu dögum.

Reglugerðin öðlast gildi 1. janúar 2026.

Á 383.fundi sveitarstjórnar þann 4.nóvember 2025 var samþykktur samhljóða með 7 atkvæðum samstarfssamningur um svæðisbundið Farsældarráð.

Með fundarboði fylgdu stofnskjöl ráðsins til að tryggja að öll aðildarsveitarfélög og þjónustuveitendur ríkisins sem aðild eiga að ráðinu hafi sömu gögn aðgengileg í sínu skjalakerfi.

Tekið fyrir erindi frá Sýslumanninum á Norðurlandi eystra, dagsett þann 5.janúar sl., þar sem óskað er umsagnar vegna umsóknar um þorrablót að félagsheimilinu Rimum 31.janúar nk. Með fundarboði byggðaráðs fylgdi jákvæð umsögn slökkviliðsstjóra.

Á 1170.fundi byggðaráðs þann 11.desember 2025 var frekari umfjöllun og afgreiðslu á húsnæðisáætlun Dalvíkurbyggðar frestað til þessa fundar.

Með fundarboði fylgdu drög að húsnæðisáætlun og eiga sveitarstjórnir að vera búnir að staðfesta endurskoðun á þeim fyrir 20.janúar nk., áður þarf það senda hana til yfirferðar til Húsnæðis- og mannvirkjastofnunar.

Með fundarboði byggðaráðs fylgdi fundargerð haustfundar Almannavarnarnefndar Norðulands eystra (ALNEY) frá 4.desember 2025. Í lið 7 er rekstaráætlun 2026, þar er lagt til að framlag sveitarfélaga verði kr. 230 á hvern íbúa 2026.

Lagðar fram til kynningar fundargerðir stjórnar Sambands íslenskra sveitarfélaga nr. 990 frá 5.desember 2025 og nr. 991 frá 12.desember 2025.

Lagðar fram til kynningar fundargerðir stjórnar Samtaka sjávarútvegssveitarfélaga nr. 92 frá 21.nóvember 2025 og nr. 93 frá 10.desember 2025.