Úthlutun byggðakvóta til byggðarlaga 20252026 - Árskógssandur - Dalvík - Hauganes - Dalvíkurbyggð

Málsnúmer 202512087

Vakta málsnúmer

Byggðaráð - 1171. fundur - 08.01.2026

Með fundarboði fylgdi erindi frá Innviðaráðuneytinu, dagsett þann 18.desember 2025 þar sem gert er grein fyrir úthlutun byggðakvóta innan Dalvíkurbyggðar. Samtals er eftirfarandi til ráðstöfunar fiskveiðiárið 2025/2026: Árskógssandur 37,358 þorskígildistonn, Dalvík 26,757 þorskígildistonn. Hauganes 15 þorskígildistonn. Þess er óskað að sveitarstjórnir sem ekki hafa fyrirhugað að senda ráðuneytinu tillögur að sérreglum sendi ráðuneytinu staðfestingu um slíkt. Í þeim tilvikum þar sem þess er óskað að leggja fram tillögur að sérreglum er sveitarstjórn gefinn kostur á að senda ráðuneytinu tillögur til 19.janúar nk.

Jafnframt fylgdu með fundarboði byggðaráðs upplýsingar um úthlutun byggðakvóta til byggðarlaga innan Dalvíkurbyggðar fyrir síðustu 5 fiskveiðiár.

Sveitarstjóri hefur óskað eftir fresti til þess að skila inn tillögum að sérreglum til 21.janúar nk.
Byggðaráð samþykkir samhljóða með 3 atkvæðum þá tillögu að sérreglur Dalvíkurbyggðar fyrir úthlutun byggðakvóta verði óbreyttar á milli ára. Vísað til umfjöllunar og afgreiðslu í sveitarstjórn.

Sveitarstjórn - 386. fundur - 20.01.2026

Á 1171. fundi byggðaráðs þann 8. janúar sl. var eftirfarandi bókað:
"Með fundarboði fylgdi erindi frá Innviðaráðuneytinu, dagsett þann 18.desember 2025 þar sem gert er grein fyrir úthlutun byggðakvóta innan Dalvíkurbyggðar. Samtals er eftirfarandi til ráðstöfunar fiskveiðiárið 2025/2026:
Árskógssandur 37,358 þorskígildistonn, Dalvík 26,757 þorskígildistonn. Hauganes 15 þorskígildistonn. Þess er óskað að sveitarstjórnir sem ekki hafa fyrirhugað að senda ráðuneytinu tillögur að sérreglum sendi ráðuneytinu staðfestingu um slíkt. Í þeim tilvikum þar sem þess er óskað að leggja fram tillögur að sérreglum er sveitarstjórn gefinn kostur á að senda ráðuneytinu tillögur til 19.janúar nk.
Jafnframt fylgdu með fundarboði byggðaráðs upplýsingar um úthlutun byggðakvóta til byggðarlaga innan Dalvíkurbyggðar fyrir síðustu 5 fiskveiðiár.
Sveitarstjóri hefur óskað eftir fresti til þess að skila inn tillögum að sérreglum til 21.janúar nk.
Niðurstaða : Byggðaráð samþykkir samhljóða með 3 atkvæðum þá tillögu að sérreglur Dalvíkurbyggðar fyrir úthlutun byggðakvóta verði óbreyttar á milli ára. Vísað til umfjöllunar og afgreiðslu í sveitarstjórn."

Með fundarboði sveitarstjórnar fylgdi útfyllt eyðublað vegna tillögu sveitarstjórnar að sérstökum skilyrðum fyrir úthlutun byggðakvóta til fiskiskipa á fiskveiðiárinu 2025/2026.
Til máls tók:
Freyr Antonsson, sem leggur fram eftirfarandi tillögu að bókun:

"Sveitarstjórn Dalvíkurbyggðar mótmælir harðlega skerðingu á úthlutun byggðakvóta til byggðalaga innan sveitarfélagsins Dalvíkurbyggðar síðastliðin tvö ár. Skerðingin nemur 221 tonni. Mest er skerðingin á Árskógssandi úr 165 tonnun í 0, Dalvík úr 65 tonnun í 24 tonn, Hauganes 15 tonn í 0

Með bréfi sveitarstjóra 5. febrúar 2025 og bréfi lögmanns Dalvíkurbyggðar 14. október 2025 var gerð alvarleg athugasemd við úthlutun byggðakvóta til sveitarfélagsins og byggðarlaga innan þess. Sérstök athugasemd var gerð við úthlutun til Árskógssands þar sem skerðingin nam 107 tonnun á síðasta ári og nú 58 tonnum en samkvæmt reglugerð nr. 818/2024 segir í E.lið 2. gr.:
Þegar reiknaður hefur verið út hlutur einstakra byggðarlaga samkvæmt A-lið hér að framan, skal hlutur byggðarlaga með færri íbúa en 400 og sem úthlutað var aflaheimildum á fiskveiðiárinu 2023/2024, og eiga rétt til úthlutunar fiskveiðiárið 2024/2025, leiðréttur þannig að ekkert þeirra lækki um meira en 15 þorskígildistonn, milli fiskveiðiáranna 2023/2024 og 2024/2025.
Samkvæmt þessu ætti Árskógssandur að fá úthlutað hið minnsta 150 tonn 2024/2025 og 135 tonnum 2025/2026


Úthlutun 2023/2024
Úthlutun 2024/2025
Úthlutun 2025/2026
Heildarúthlutun
4829
3807
3465
Árskógssandur
165
58
0
Hauganes
15
15
0
Dalvík
65
21
24
Alls
245
94
24

Svo sem rakið hefur verið mótmælir Dalvíkurbyggð harðlega þeim skerðingum á úthlutun byggðakvóta sem sveitarfélagið hefur þurft að þola undanfarin ár. Þá hafnar Dalvíkurbyggð því alfarið að nokkrar þær ástæður séu uppi sem réttlæta þá stefnubreytingu sem orðið hefur varðandi úthlutun byggðakvóta til sveitarfélagsins en ekki verður séð að sú ákvörðun byggi á skýrri lagaheimild. Þvert á móti telur Dalvíkurbyggð að ráðuneytið hafi horft framhjá því að í E.lið 2.gr. reglugerðar nr. 818/2024 kemur það sérstaklega fram aðeigi að koma til skerðingar af einhverjum þeim ástæðum sem taldar eru upp í A. lið 2. gr. reglugerðarinnar skuli sú skerðing aldrei nema meira en sem nemur 15 þorskígildistonnum á milli fiskveiðiáranna 2023/2024 og 2024/2025.
Engar skýringar hafa fengist á því hvers vegna úthlutunin var með þessum hætti og það enn ítrekað að Dalvíkurbyggð telur þann rökstuðning sem sveitarfélaginu barst frá ráðuneytinu dags. 12. ágúst 2025. hvorki fullnægjandi né efnislega í samræmi við ákvæði reglugerðarinnar. Þá virðist ráðuneytið ennfremur ekki hafa horft til þess að íbúar á Árskógssandi eru langt undir 400 sem er einmitt það viðmið sem gengið er út frá í títtnefndum E.lið 2. gr. reglugerðar nr. 818/2024 og í rökstuðningi ráðuneytisins er engin tilraun gerð til þess að útskýra hvers vegna horft er framhjá því viðmiði."


Fleiri tóku ekki til máls.

a) Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og þá tillögu að sérreglur Dalvíkurbyggðar fyrir úthlutun byggðakvóta verði óbreyttar á milli ára.
b)Sveitarstjórn samþykkir samhljóða með 7 atkvæðum fyrirliggjandi tillögu sveitarfélagsins að sérreglum byggðakvóta til fiskveiðiskipa á fiskveiðiárinu 2025/2026 varðar byggðarlögin Árskógssand, Dalvík og Hauganes.
c) Sveitarstjórn samþykkir samhljóða með 7 atkvæðum ofangreinda tillögu forseta að bókun sveitarstjórnar.

Byggðaráð - 1176. fundur - 26.02.2026

Á 386. fundi sveitarstjórnar þann 20.janúar sl. var m.a. eftirfarandi bókað:
"a) Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og þá tillögu að sérreglur Dalvíkurbyggðar fyrir úthlutun byggðakvóta verði óbreyttar á milli ára.
b)Sveitarstjórn samþykkir samhljóða með 7 atkvæðum fyrirliggjandi tillögu sveitarfélagsins að sérreglum byggðakvóta til fiskveiðiskipa á fiskveiðiárinu 2025/2026 varðar byggðarlögin Árskógssand, Dalvík og Hauganes.
c) Sveitarstjórn samþykkir samhljóða með 7 atkvæðum ofangreinda tillögu forseta að bókun sveitarstjórnar."

Með fundarboði byggðaráðs fylgdi erindi frá Innviðaráðuneytinu, dagsett þann 16. febrúar sl., þar sem fram kemur að ráðuneytið hefur samþykkt framlagða tillögu sveitarstjórnar að sérstökum skilyrðum vegna úthlutnar byggðakvóta á fiskveiðiárinu 2025/2026. Auglýsing um sérreglur verður send Stjórnartíðindum til birtingar og að því loknu verður Fiskistofu falið að auglýsa byggðakvóta til umsóknar í samræmi við gildandi reglur og staðfestar sérreglur.

Einnig fylgdi með fundarboði byggðaráðs rafpóstur ráðuneytisins frá 21. janúar sl., þar sem staðfest er móttaka á mótmælum sveitarfélagsins, sbr. c. liður hér að ofan frá fundi sveitarstjórnar þann 20.1.2026.
Lagt fram til kynningar.