Byggðaráð

a) Tillögur að starfs- og fjárhagsáætlun Framkvæmdasviðs ásamt viðhaldi Eignasjóðs og fjárfestingum.

Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, og María Markúsdóttir, skipulagsfulltrúi, kl. 13:15.

Helga Íris, María og Eyrún Ingibjörg kynntu tillögur Framkvæmdasviðs að starfs- og fjárhagsáætlun ásamt minnisblöðum, viðhaldsáætlun Eignasjóðs og framkvæmda- og fjárfestingaáætlun Eignasjóðs, Hafnasjóðs, Vatnsveitu, Hitaveitu og Fráveitu.
Um er að ræða málaflokka 03 að hluta, 06 að hluta, 07, 08 að hluta, 09, 10, 13 að hluta, 31,41,43,47 og 73.

Helga Íris og María viku af fundi kl. 17:00.

b) Beiðnir um búnaðarkaup - heildarlisti

Sviðsstjóri fjármála- og stjórnsýslusviðs kynnti samantekt á beiðnum stjórnenda vegna búnaðarkaupa í samanburði við tillögur í fjárhagsáætlun 2026.

c) Annað

Næsti aukafundur byggðaráðs um fjárhagsáætlun verður nk. þriðjudag.

Á 1160. fundi byggðaráðs þann 9. október sl. var eftirfarandi bókað:
"Á 1158. fundi byggðaráðs þann 25. september sl. var eftirfarandi bókað:
Með fundarboði fylgdi áætlunarálagning 2026, fyrstu drög og samanburður á álagningu fasteignaskatts og breytingum á framlagi Jöfnunarsjóðs.
Niðurstaða : Lagt fram til kynningar.
Helga Íris vék af fundi kl. 14:45.

Til umræðu.
Byggðaráð óskar eftir að fá útreikninga miðað við fasteignaskattsprósentu 0,41%, 0,42%, 0,43% og 0,44%."

Með fundarboði byggðaráðs fylgdu útreikningar í samræmi við ósk frá síðasta fundi.

Með fundarboði byggðaráðs fylgdi erindi frá deildarstjóra Eigna- og framkvæmdadeildar, dagsett þann 14. október sl. þar sem óskað er eftir viðauka við fjárhagsáætlun 2025 vegna framkvæmda og fjárfestinga Vatnsveitu, Hitaveitu og Fráveitu.
Alls er lagt til að áætlunin lækki um kr. 190.200.000.
Liður 44200-11606 lækki um kr. 105.100.000 vegna vatnstanks, rafmagns við vatnstank og nýlagna samkvæmt deiliskipulagi.
Liður 44200-11860 lækki um kr. 3.500.000 vegna aðkeyptrar þjónustu vegna framtíðarsýnar vatnsveitu og hönnunar vatnsveitu á Hauganesi.
Liður 48200-11605 lækki um kr. 12.000.000 vegna endurnýjunar og borholuhúsi.
Liður 48200-11607 lækki um kr. 60.400.000 vegna hönnunar, nýlagna og endurnýjun, þak á takna á Hamar, endurnýjunar á dælum og mælinga vegna Birnunesborgir
Liður 48200-11860 lækki um kr. 3.200.000 vegna hönnunar á hitaveitu Hauganesi og aðkeyptrar þjónustu.
Liður 74200-11860 lækki um kr. 6.000.000 vegna aðkeyptrar þjónustu vegna hönnunar á fráveitu og tvöföldunar.

Sviðsstjóri fjármála- og stjórnsýslusviðs kynnti tillögu að heildarviðauka I við fjárhagsáætlun 2025 þar sem búið er að taka tillit til allra viðauka sem gerðir hafa verið á árinu, viðaukar 1 - 50.

Sviðsstjóri fjármála- og stjórnsýslusviðs gerði grein fyrir að í tillögunni er lagður til viðauki nr. 49 vegna hækkunar á áætlaðri staðgreiðslu 2025, eða kr. - 46.000.000 á lið 00100-0021.

Ekki er þörf á kr. 80.000.000 lántöku Hitaveitu Dalvíkur og því tekið út úr áætlun.

Tekið fyrir erindi frá Framkvæmdasjóði ferðamannastaða, dagsett þann 7. október sl., þar sem auglýst er eftir umsóknum um styrki fyrir árið 2026. Umsóknarfrestur er til og með kl. 13:00 þriðjudaginn 4. nóvember nk. Sjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Í úthlutuninni fyrir árið 2026 er lögð áhersla á framkvæmdir sem stuðla að bættu öryggi ferðamanna.

Tekið fyrir erindi frá Vegagerðinni, rafpóstur dagsettur þann 13. október sl., þar sem Vegagerðin minnir á að um hleðslustöðvar gilda sömu reglur og um aðrar framkvæmdir við vegi. Veghelgunarsvæði er 30 m að breidd til hvorrar handar frá miðlínu stofnvega en 15 m frá miðlínu annarra þjóðvega. Innan veghelgunarsvæða má ekki framkvæma nema að fengnu samþykki Vegagerðarinnar.

Tekinn fyrir rafpóstur frá nefnda- og greiningarsviði Alþingis, dagsettur þann 8. október sl., þar sem Atvinnuveganefnd Alþingis sendir til umsagnar tillögu til þingsályktunar um leit að olíu og gasi, 63. mál. Frestur til að senda inn umsögn er til og með 22. október nk.

Tekið fyrir rafpóstur frá nefnda- og greiningarsviði Alþingis, dagsettur þann 13. október sl., þar sem Atvinnuveganefnd Alþingis sendir til umsagnar frumvarp til laga um veiðar í fiskveiðilandhelgi Íslands og stjórn fiskveiða (veiðistjórn grásleppu), 153. mál. Frestur til að senda inn umsögn er til og með 27. október nk.

Sveitarstjóri kynnti hugmyndir um tímabundið samstarf á milla veitna Dalvíkurbyggðar og Norðurorku um að Norðurorka komi að rekstri og veiti jafnvel einhverja aðstoð við verkefni á vettvangi veitna. Fram kom að Norðurorka er tilbúin að taka að sér verkefni fyrir Dalvíkurbyggð.