Byggðaráð

Á 1152.fundi byggðaráðs þann 17.júlí sl., var bókað eftirfarandi:
Byggðaráð samþykkir samhljóða með 3 atkvæðum að beina því til vinnuhópsins að koma saman sem fyrst, rýna útboðsgögnin og auglýsa útboðið.

Með fundarboði byggðaráðs voru eftirfarandi fylgiskjöl:
a) Erindisbréf fyrir vinnuhóp um nýjan vatnstank við Upsa.
b) Útboðsgögn vegna vatnstanksins við Upsa, auglýsa á útboð strax að lokinni Verslunarmannahelgi eða þann 5.ágúst nk.

Á 381.fundi sveitarstjórnar þann 19.júní sl. var eftirfarandi bókað:
Á 148. fundi veitu- og hafnaráðs þann 12. júní sl. var eftirfarandi bókað: "Snjóbræðsla undir þekju við endurbyggingu Norðurgarðs er ekki styrkhæf af Hafnabótasjóði, taka þarf ákvörðun um hvort fara eigi í verkið. Niðurstaða : Veitu- og hafnaráð samþykkir samhljóða með 5 atkvæðum að setja snjóbræðslu undir 5,6 metra af nýju þekjunni á Norðurgarði. Verkefnið rúmast innan fjárhagsáætlunar og er vísað á lið 11551 - 42200."

Niðurstaða: Enginn tók til máls. Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs og breytingu á framkvæmdaáætlun 2025. Vísað á lið 42200-11551.

Með fundarboði byggðaráðs fylgdi:
a) Tölvupóstur frá Siglingasviði Vegagerðarinnar þar sem fram kemur að á verkfundi sem haldinn var þann 24.júlí sl. kom fram ábending þess efnis að óráðlegt sé að sleppa helming snjóbræðslukerfis eins og ákveðið var á Veitu- og hafnaráðsfundi heldur leggja kerfið eins og fram kom í útboði. Við það myndi bætast við kostnaður að fjárhæð kr. 5.095.736.
b) Fenderar fyrir liggur að Vegagerðin pantaði of fáa fendera og taka þarf afstöðu til þess hvort hraða á afgreiðslu. Afgreiðslutími er 12 - 14 vikur en hægt að hraða afgreiðslunni niður í 8 - 10 vikur það þýðir að kostnaður eykst um ca. 500 þús. Fyrir liggur álit Vegagerðarinnar sem telur ekki ástæðu til þess að hraða afgreiðslu með auknum kostnaði.

Á 381.fundi sveitarstjórnar þann 19.júní sl. var eftirfarandi bókað: Enginn tók til máls. Sveitarstjórn samþykkir samhljóða með 7 atkvæðum stofnframlag til byggingar á 12 leiguíbúðum í samvinnu við Brák og vísar útfærslu á stofnframlaginu og gerð viðaukabeiðni vegna þessa til byggðaráðs til umfjöllunar og afgreiðslu. Farið yfir útfærslu á stofnframlagi Dalvíkurbyggðar.

Málið var lagt fram til kynningar á 1151.fundi byggðaráðs þann 3.júlí sl.

Með fundarboði byggðaráðs fylgdi sundurliðun á stofnframlagi Dalvikurbyggðar vegna verkefnisins.

Sveitarstjóri fer yfir fund sem hún átti með starfsfólki Vegagerðarinnar þann 16.júlí sl.

Með fundarboð fylgdi bréf sveitarstjóra til Vegagerðarinnar sem var afhent á fundinum, minnispunktar sveitarstjóra eftir fund og fundargerð Vegagerðarinnar.

Á fundi sveitarstjóra með Vegagerðinni þann 16.júlí sl., kom m.a. fram að búið er að fresta framkvæmdum á Svarfaðardalsvegi (805) frá Tunguvegi að Göngustöðum. Gert er ráð fyrir rannsóknum á og í kringum veginn í ár og hönnun fari fram árið 2027. Framkvæmdir eru fyrirhugaðar á árunum 2028-2029, með fyrirvara um fjárveitingar.

Á 1144.fundi byggðaráðs þann 10.apríl sl. var eftirfarandi bókað:
Tekið fyrir erindi frá Sýslumanninum á Norðurlandi eystra, dagsett þann 26. mars sl. þar sem óskað er umsagnar um umsókn frá Gísla, Eiríki og Helga ehf. vegna leyfis til reksturs gististaðar í Flokki II - G íbúðir í Steinholti við Karlsrauðatorg 11. Fyrir liggur neikvæð umsögn skipulagsfulltrúa um erindið þar sem skipulagsfulltrúi getur ekki gefið jákvæða umsögn um erindið fyrr en aðalskipulagsbreyting hefur tekið gildi með birtingu í B-deild Stjórnartíðinda.
Niðurstaða: Byggðaráð frestar afgreiðslu.

Með fundarboði byggðaráðs fylgdi jákvæð umsögn skipulagsfulltrúa.

Á 1150.fundi byggðaráðs þann 26.júní sl., var eftirfarandi bókað: Tekið fyrir erindi frá Orra Kristni Jóhannssyni, dagsett þann 16. júní sl., er varðar fyrirspurn f.h. dánarbús Jóhanns Tryggvasonar um hvort Dalvíkurbyggð hafi áhuga á að eignast landspilduna Víðihólma í Svarfaðardalsá, en landeigendur hafa hug á að selja umrætt svæði. Niðurstaða fundarins var eftirfarandi: Byggðaráð felur sveitarstjóra að afla nánari upplýsingar um ofangreint erindi. Sveitarstjóri gerði grein fyrir þeim upplýsingum sem hún hefur aflað varðandi Víðihólma í Svarfaðardalsá.

Niðurstaða: Byggðaráð samþykkir samhljóða með 2 atkvæðum að fela sveitarstjóra að gera eigendum tilboð upp á 400 þús. krónur í landspilduna Víðihólma í Svarfaðardalsá.

Með fundarboði byggðaráðs fylgdi svar eigenda Víðihólma þess efnis að tilboði Dalvíkurbyggðar er hafnað.

Sveitarstjóri gerði grein fyrir fundargerð starfs- og kjaranefndar frá 3.júlí sl. og 30.júlí sl.