Umhverfis- og dreifbýlisráð

Farið yfir stöðu þeirra málaflokka sem heyra undir ráðið.

Farið yfir stöðu á framkvæmdum ársins 2025.

Tekið fyrir erindi frá Whales Hauganes ehf. dagsett 13. júní 2025, þar sem óskað er eftir leyfi til gróðursetningar á allt að 4000 trjáplöntum norðan Hauganesvegar og neðan Brimnesvegar til kolefnisjöfnunar á starfsemi fyrirtækisins.
Plönturnar eru hugsaðar sem gjöf til sveitarfélagsins og verði í umsjá þess.

Fyrir fundinum lágu skógræktaráætlanir fyrir skógreitina Brúarhvammsreit og Bögg unnar af Skógræktarfélagi Eyfirðinga.

Fyrir fundinum lá minnisblað verkefnastjóra þvert á svið þar sem fram kemur að Minjastofnun hafi gert athugasemdir við röskun á því svæði þar sem áætlað er að fara með fjallgirðingu neðan við Upsann í Bæjarfjalli. Stofnunin fer fram á að ítarleg fornleyfaskráning fari fram 1á 30 metra breiðu svæði eftir fyrirhuguðu girðingarstæði. Framkvæmdir við jöfnun undir girðinguna eru óheimilar fyrr en skráning liggur fyrir. Fyrir liggur kostnaðaráætlun fyrir fornleyfaskráningu meðfram girðingastæðinu.

Einnig lá fyrir fundinum rafpóstur frá Gittu Unn Ármannsdóttur, dagsettur 7. ágúst 2025, þar sem hún gerir athugasemdir við léleg vinnubrögð við viðhald á fjallgirðingu á Árskógsströnd. Póstinum fylgja myndir sem sýna ástand fjallgirðingar.

Tekinn fyrir rafpóstur frá Hörgársveit, dagsettur 23. júní 2025, þar sem það er tilkynnt að fyrsu göngur í sveitarfélaginu verði 10. - 14. september og seinni göngur viku síðar.

Tekið fyrir erindi frá fjallskilanefnd Árskógsstrandar þar sem að bent er á að fjallskilanefnd Hörgársveitar hafi samþykkt að gengið verði á Þorvaldsdal laugardaginn 6. september. Í ljósi þeirrar ákvörðunar óskar fjallskilanefndin eftir því að gengið verði á sama tíma norðan Þorvaldsár þannig að fé fari síður að á milli svæða.

Lögð fram til kynningar fundargerð 242. fundar Heilbrigðisnefndar Norðurlands eystra frá 11. júní 2025.

Með rafpósti, dagsettum 13. ágúst 2025, óskar Arnar Valur Kristinsson eftir leyfi til þess að koma upp tímabundnu beitarhólfi fyrir hross norðan Ægisgötu og ofan Brimnesbrautar.