Byggðaráð

Undir þessum lið kom á fund byggðaráðs Þorsteinn K. Björnsson, sviðsstjóri veitu- og hafnasviðs, kl. 13:00.

Til umfjöllunar tillaga frá vinnuhópi vegna gervigrasvallar um að samið verði við AVH og VSÓ vegna hönnunar og gerð útboðsganga vegna gervigrasvallar á Dalvík. Kostnaður alls kr. 9.632.400 án vsk.

Til umræðu ofangreint.

Tekin fyrir beiðni frá sviðsstjóra veitu- og hafnasviðs um ráðningu starfsmanns vegna skönnunar á teikningum veitna. Um er að ræða stöðuhlutfall sem nemur 62,5% stöðuhlutfall, þ.e. 50% í maí og 12,5% í apríl. Áætlaður kostnaður með launatengdum gjöldum er kr. 277.045. Á móti kemur lækkun á deild 48200 vegna áætlunar um uppfærslu á gagnagrunni.

Til umræðu ofangreint.

Á 861. fundi byggðaráðs þann 28. mars 2018 var meðal annars eftirfarandi bókað:
"Byggðaráð samþykkir samhljóða með 3 atkvæðum að óska eftir tillögu að lausn frá siglingasviði Vegagerðarinnar en starfsmenn siglingasviðs skoðuðu aðstæður á Hauganesi á dögunum. Á undanförnum vikum og mánuðum hefur byggðaráð farið yfir málið og farið í vettvangsskoðun á Hauganes. Markmiðið sé að leysa aðgengismál fyrir farþega hvalaskoðunar til framtíðar. Byggðaráð felur hafnastjóra að hafa samband við siglingasvið Vegagerðarinnar varðandi ofangreint."

Á 73. fundi veitu- og hafnaráðs þann 11. apríl 2018 var eftirfarandi bókað:
"Fyrir fundinum liggur tilboð frá Króla ehf í flotbryggju með uppsetningu og öllum frágangi. Tilboðsverð er kr. 10.550.000 m/VSK og fyrirhuguð afgreiðsla er um miðjan júní n.k.
Verkkaupi þarf að sjá um að ná í flotbryggjuna til Akureyrar.

Veitu- og hafnaráð samþykkir framlagt tilboð frá Króla ehf í flotbryggju fyrir Hauganes og óskar jafnframt eftir viðauka vegna þessara framkvæmdar að fjárhæð kr. 4.000.000,-."

Á fjárhagsáætlun Dalvíkurbyggðar 2018 er gert ráð fyrir kr. 5.000.000 vegna þessa verkefnisins. Mismunurinn kr. 1.550.000 er vegna virðisaukaskatts.

Þorsteinn vék af fundi kl. 13:25.

Tekið fyrir erindi frá sviðsstjóra umhverfis- og tæknisviðs, dagsett þann 6. apríl 2018 þar sem óskað er eftir viðauka á fjárhagsáætlun 2018 vegna kostnaðar við leiktæki á Hauganesi. Beiðnin er tilkomin vegna erindis frá íbúasamtökunum á Hauganesi, dagsett þann 5. apríl 2018, þar sem óskað er eftir breytingu á fyrirhuguðum leiktækjakaupum. Óskað er eftir viðauka að upphæð kr. 204.000 við 32200-11608-E1818, en á áætlun 2018 er kr. 1.500.000.

Til umræðu ofangreint.

Á 860. fundi byggðaráðs þann 15. mars 2018 var erindi frá Herberti Hjálmarssyni, Guðrúnu F. Skarphéðinsdóttur, Hólmfríði A. Gísladóttur og Júlíusi Baldurssyni, dagsett þann 4. ágúst 2017, til umfjöllunar. Í erindinu var óskað eftir því að við gerð fjárhagsáætlunar 2018 verði áætlað fjármagn til að endurnýja og/eða viðhalda stoðvegg sem er á lóðamörkum við Hafnarbraut.

Byggðaráð samþykkti samhljóða með 3 atkvæðum að fela sviðsstjóra umhverfis- og tæknisviðs að afla frekari upplýsinga í samræmi við það sem rætt var á fundinum.

Með fundarboði byggðaráðs fylgdi samantekt sviðsstjóra umhverfis- og tæknisviðs á kostnaði vegna stoðveggja við Hafnarbraut 16 og 18. Samtals kostnaður er kr. 2.003.992 samkvæmt viðmiðum frá Fjallabyggð. Í þessum útreikningum er ekki gert ráð fyrir kostnaði við niðurrif og förgun núverandi veggja en gera má ráð fyrir 20% til viðbótar ofangreindum kostnaði vegna þess.

Börkur Þór Ottósson, sviðsstjóri umhverfis- og tæknisviðs, kom inn á fundinn í gegnum síma kl. 14:18 og fór af fundi kl. 14:21.

Til umræðu ofangreint.

Með fundarboði byggðaráðs fylgdi erindi frá vinnuhópi vegna innleiðingar á nýrri persónuverndarlöggjöf, dagsett þann 9. apríl 2018, þar sem óskað er eftir viðauka við fjárhagsáætlun að upphæð kr. 4.300.000 við deild 21010 vegna ráðgjafar og aðstoðar frá verktaka við innleiðinguna. Lagt er til að samið verði við PACTA.

Til umræðu ofangreint.

Tekið fyrir bréf frá Lánasjóði svietarfélaga, rafbréf dagsett þann 9. apríl 2018, þar sem upplýst er að arðgreiðsla til Dalvíkurbyggðar vegna 2017 er kr. 5.226.360 og að frádregnum 20% fjármagntekjuskatti er útgreidd fjárhæð kr. 4.181.088.

Tekinn fyrir rafpóstur frá Sambandi íslenskra sveitarfélaga, dagsettur þann 4. apríl 2018, þar sem fram kemur að Hag- og upplýsingasvið sambandsins hefur uppfært excel-líkan sem sýnir á myndrænu formi aldursdreifingu hjá sveitarfélögunum fyrir árin 1998 og 2018. Með þessu er hægt er sjá þær breytingar sem hafa orðið á aldurssamsetningunni. Sjá nánar: http://www.samband.is/media/tolfraedilegar-upplysingar/Aldursdreifing_piramidi_1998_2018.xlsx

Tekið fyrir fundarboð frá stjórn Veiðifélags Svarfaðardalsár, rafpóstur dagsettur þann 4. apríl 2018, þar sem boðað er til aðalfundar Veiðfélagsins að Rimum fimmtudaginn 12. apríl 2018 kl. 20:30.