Starfsmannamál - ráðningar

Málsnúmer 201801025

Vakta málsnúmer

Byggðaráð - 851. fundur - 11.01.2018

a) Umhverfis- og tæknisvið, nýtt starf skv. fjárhagsáætlun 2018.

Undir þessum lið kom á fund byggðaráðs Börkur Þór Ottósson, sviðstjóri umhverfis- og tæknisviðs, kl. 13:00.

Samkvæmt starfs- og fjárhagsáætlun 2018 er gert ráð fyrir nýju stöðugildi á umhverfis- og tæknisviði, 100% starf, en gert er ráð fyrir að nýr starfsmaður starfi með umhverfisstjóra.

Börkur Þór gerði grein fyrir í hvaða farvegi málið er.

Börkur vék af fundi kl. 13:26.

b) Hafnasjóður Dalvíkurbyggðar, ráðning í starf í stað yfirhafnavarðar.

Undir þessum lið kom á fund byggðaráðs Þorsteinn K. Björnsson, sviðstjóri veitu- og hafnasviðs, kl. 13:27.

Fyrir liggur að yfirhafnavörður mun láta af störfum í enda febrúar 2018. Til umræðu ráðning starfsmanns Hafnasjóðs Dalvíkurbyggð í stað yfirhafnavarðar. Þorsteinn gerði grein fyrir í hvaða farvegi málið er.

Þorsteinn vék af fundi kl. 13:55.
Lagt fram til kynningar.

Byggðaráð - 855. fundur - 08.02.2018

Undir þessum lið kom á fund byggðráðs Þorsteinn K. Björnsson, sviðsstjóri veitu- og hafnasviðs, kl. 13:25.

Á 851. fundi byggðaráðs þann 11. janúar 2018 var m.a. eftirfarandi bókað:
"b) Hafnasjóður Dalvíkurbyggðar, ráðning í starf í stað yfirhafnavarðar. Undir þessum lið kom á fund byggðaráðs Þorsteinn K. Björnsson, sviðstjóri veitu- og hafnasviðs, kl. 13:27. Fyrir liggur að yfirhafnavörður mun láta af störfum í enda febrúar 2018. Til umræðu ráðning starfsmanns Hafnasjóðs Dalvíkurbyggð í stað yfirhafnavarðar. Þorsteinn gerði grein fyrir í hvaða farvegi málið er. Þorsteinn vék af fundi kl. 13:55.
Lagt fram til kynningar."

Á 71. fundi veitu- og hafnaráðs þann 17. janúar 2018 var eftirfarandi bókað:
"Starfsmannamál.
201801046

Breytingar eru fyrirsjáanlegar á hjá Hafnasjóði Dalvíkurbyggðar, Gunnþór E. Sveinbjörnsson, yfirhafnavörður, mun láta af störfum 1. mars n.k. vegna aldurs því er brýnt að skoða starfmannamál Hafnasjóðs. Á síðasta fundi ráðsins ræddi sviðsstjóri þessi mál og fól ráðið honum að koma með tillögu næsta fund ráðsins.
Veitu- og hafnaráð óskar eftir því að fá á næsta fund ráðsins tillögu að starfslýsingum og skipurit starfsmanna Hafnasjóðs."

Þorsteinn gerði grein fyrir í hvaða farvegi ofangreint mál er.

Þorsteinn vék af fundi kl. 13:45.
Lagt fram til kynningar.

Umhverfisráð - 302. fundur - 16.02.2018

Til umræðu ráðing í starf aðstoðarmanns umhverfisstjóra.
Umhverfiráð leggur til að formaður ráðsins aðstoði sviðsstjóra við ráðningarferlið.

Byggðaráð - 858. fundur - 01.03.2018

Sviðsstjóri umhverfis- og tæknisviðs gerði grein fyrir starfsmannamálum sviðsins.

Til umræðu ofangreint.

Kristján Guðmundsson vék af fundi undir þessum lið kl. 13:56 vegna vanhæfis.
Lagt fram til kynningar.

Byggðaráð - 863. fundur - 11.04.2018

Tekin fyrir beiðni frá sviðsstjóra veitu- og hafnasviðs um ráðningu starfsmanns vegna skönnunar á teikningum veitna. Um er að ræða stöðuhlutfall sem nemur 62,5% stöðuhlutfall, þ.e. 50% í maí og 12,5% í apríl. Áætlaður kostnaður með launatengdum gjöldum er kr. 277.045. Á móti kemur lækkun á deild 48200 vegna áætlunar um uppfærslu á gagnagrunni.

Til umræðu ofangreint.

Byggðaráð samþykkir samhljóða með 3 atkvæðum ofangreinda beiðni um viðauka nr. 6 við fjárhagsáætlun 2018. Þar sem um er að ræða innbyrðis færslur þá þarf ekki að bregðast við þessari ráðstöfun með öðrum hætti.

Sveitarstjórn - 302. fundur - 17.04.2018

Á 863. fundi byggðaráðs þann 11. apríl 2018 var eftirfarandi bókað:
"Tekin fyrir beiðni frá sviðsstjóra veitu- og hafnasviðs um ráðningu starfsmanns vegna skönnunar á teikningum veitna. Um er að ræða stöðuhlutfall sem nemur 62,5% stöðuhlutfall, þ.e. 50% í maí og 12,5% í apríl. Áætlaður kostnaður með launatengdum gjöldum er kr. 277.045. Á móti kemur lækkun á deild 48200 vegna áætlunar um uppfærslu á gagnagrunni. Til umræðu ofangreint.
Byggðaráð samþykkir samhljóða með 3 atkvæðum ofangreinda beiðni um viðauka nr. 6 við fjárhagsáætlun 2018. Þar sem um er að ræða innbyrðis færslur þá þarf ekki að bregðast við þessari ráðstöfun með öðrum hætti. "

Enginn tók til máls.
Sveitarstjórn samþykkir samhljóða með 7 atkvæðum viðauka nr. 6 við fjárhagsáætlun 2018 vegna ráðningar tímabundið á starfsmanni á veitu- og hafnasviði vegna skönnunar á teikningum veitna. Þar sem um er að ræða innbyrðis færslur þá þarf ekki að bregðast við þessari ráðstöfun með öðrum hætti.