Byggðaráð

Undir þessum lið komu á fund byggðarráðs Hildur Ösp Gylfadóttir, formaður skólanefndar Menntaskólans á Tröllaskaga, og Lára Stefánsdóttir, skólameistari, kl. 8:15.

Með fundarboði byggðarráðs fylgdi eftirfarandi ályktun skólanefndar frá 18. nóvember 2014:
Skólanefnd Menntaskólans á Tröllaskaga lýsir efasemdum um hugmyndir menntamálaráðherra um sameiningu framhaldsskóla landsins. Áherslan á sameiningu virðist án tillits til fjárhags og stöðu þeirra skóla sem um ræðir, án tillits til fjölda nemenda, stefnu eða sérstöðu skólanna né mats á þeim árangri sem þeir eru að ná. Er ljóst að mati skólanefndar að sameining MTR við aðra skóla mun koma niður á starfi skólans og takmarka getu hans til að koma til móts við þarfir nemenda sinna og samfélags. Óljóst er með öllu hvaða sparnaður næst, hvaða faglegi ávinningur næst né hvaða tækifæri liggja í þessum breytingum fyrir nýjan skóla sem sannað hefur gildi sitt og verið til fyrirmyndar í innleiðingu nýjustu viðmiða í starfi framhaldsskóla.

Skólanefnd lítur svo á að vænlegasta leiðin til eflingar skólastarfs á landbyggðinni sé gegnum klasasamstarf framhaldsskóla. T.d. undir merkjum Fjarmenntaskólans um eflingu náms í dreifðum byggðum og samstarfi um kennslu nemenda skólanna til að tryggja trausta þekkingu fagmanna á þeim námsgreinum sem kenndar eru og auka hagkvæmni í rekstri skólanna.

Á fundinum lagði skólameistari MT fram yfirlit um rekstur og starfsemi skólans, dagsett þann 27.11.2014.

Til umræðu ofangreint.

Hildur Ösp og Lára viku af fundi kl. 09:04.

Tekið fyrir rafbréf frá framkvæmdastjóra Sambands íslenskra sveitarfélaga, dagsett þann 25. nóvember 2014, þar sem fram kemur að meðfylgjandi er stefnumörkun Sambands íslenskra sveitarfélaga fyrir árin 2014-2018 sem nær til flestra meginþátta í starfsemi sambandsins og sveitarfélaga og mun nýtast sem sterk leiðsögn við ákvarðanatöku stjórnar og vinnu starfsmanna sambandsins á nýju kjörtímabili og jafnframt fyrir þá fulltrúa sem tilnefndir eru á vegum sambandsins í nefndir, ráð og stjórnir.

Fram kemur meðal annars að um stefnumörkunina ríkir breið samstaða meðal sveitarstjórnarmanna en á landsþingi sambandsins sem haldið var á Akureyri í september sl. tóku um 200 fulltrúar nær allra sveitarfélaga landsins þátt í að ræða og móta hana. Stefnumörkunin var svo endanlega staðfest af stjórn sambandsins þann 21. nóvember 2014.

Stefnumörkunin er einnig send til ráðuneyta og alþingismanna.

Tekið fyrir bréf frá Póst- og fjarskiptastofnun, dagsett þann 20. nóvember 2014, þar sem kynntar eru leiðbeiningar um uppbyggingu ljósleiðaraneta og ríkisaðstoðarreglur EES.

Leiðbeiningunum er ætlað að vera til stuðnings við mat á því hvort verkefni opinberra aðila eða styrkt af þeim teljist til tilkynningarskyldra ríkisstyrkja og hvort styrkurinn teljist samrýmanlegur EES-samningnum með tilliti til þeirra undanþágureglna sem þar gilda.Þá var einnig tilgangur innanríkisráðuneytisins að setja fram samræmda lýsingu á tæknilegri tilhögun ljósleiðaraneta sem gæti stuðlað að vandaðri og hagkvæmari uppbyggingu og rekstri þeirra. Enn fremur að auðvelda opinberum aðilum skipulagningu slíkra verkefna og með því að útbúa fyrirmyndir að útboðsskilmálum auk samtengisamnings vegna reksturs slíkra neta.

Tekinn fyrir rafpóstur frá nefndasviði Alþingis, dagsettur þann 24. nóvember 2014, þar sem fram kemur að
Allsherjar- og menntamálanefnd Alþingis óskar umsagnar tillögu til þingsályktunar um kaup ríkisins á Grímstöðum á Fjöllum, 55. mál. Óskað er umsagnar eigi síðar en 12. desember n.k.

Þingskjalið er hægt að sækja á vef Alþingis: http://www.althingi.is/altext/144/s/0055.html

Á 717. fundi byggðarráðs þann 13. nóvember 2014 var eftirfarandi bókað:

3. 201408038 - Fjárhagsáætlun 2015-2018;Frá Húsabakka ehf; ábendingar um viðhald. Leigusamningur á milli Dalvíkurbyggðar og Húsabakka ehf.

Á 713. fundi byggðarráðs þann 17. október 2014 var meðal annars eftirfarandi bókað:
Formaður byggðarráðs og sveitarstjóri gerðu grein fyrir fundi sem þeir áttu ásamt umsjónarmanni fasteigna með forsvarsmönnum Húsabakka ehf. þann 13. október s.l.

Í tillögu að viðhaldi Eignasjóðs frá umhverfis- og tæknisviði er gert ráð fyrir 2,4 m.kr. vegna ársins 2015, en áætlaður kostnaður vegna viðhalds samkvæmt ábendingum í ofangreindu erindi er um 29 m.kr. vegna Húsabakka og þá hefur ekki allt verið tekið með í reikninginn. Einnig liggur fyrir mat umsjónarmanns fasteigna á frekari viðhaldsþörf, s.s. einangra og múra húsin að utan.
Byggðarráð samþykkir samhljóða með 3 atkvæðum að viðhald vegna Húsabakka verði kr. 700.000 árið 2015.

Byggðarráð samþykkir samhljóða með 3 atkvæðum að sveitarfélagið getur ekki orðið við þeim óskum um viðhald sem fram koma í erindi frá Húsabakka ehf. dagsettu þann 21. ágúst 2014.

Til umfjöllunar húsnæði Húsabakka.

Frekari umfjöllun frestað.

Með fundarboði byggðarráðs fylgdu drög að uppsagnarbréfi á leigusamningi milli Dalvíkurbyggðar og Húsabakka ehf. hvað varðar leigu á húsnæðinu Húsabakka.

Sviðsstjóri fjármála- og stjórnsýslusviðs kynnti kauptilboð í húsnæði sveitarfélagsins við Ásholt 2b, fastanúmer 215-6669, móttekið 21.11.2014, frá Elvari Reykjalín, kt. 261254-7199. Tilboðsfjárhæð er kr. 8.300.000.

Sviðsstjóri kynnti kauptilboð í fasteign sveitarfélagsins við Klapparstíg 7, fastanúmer 215-6678, móttekið 21.11.2014, frá Ingibjörgu Sigurðardóttur, kt. 040459-5539, á grundvelli forkaupsréttar samkvæmt reglum sveitarfélagsins um sölu íbúða. Dalvíkurbyggð hefur gert gagntilboð að upphæð kr. 9.900.000 sem er óstaðfest af tilboðsgjafa.

Bókað í trúnaðarmálabók.

Bókað í trúnaðarmálabók.