Byggðaráð

Tekinn fyrir rafpóstur frá Ríkiskaupum, dagsettur þann 13. febrúar 2014, þar sem fram kemur að lokafrestur til að skila inn staðfestingu á aðild að Rammasamningum 2014 er til föstudagsins 28. febrúar n.k.

Tekin fyrir 812. fundur stjórnar Sambands íslenskra sveitarfélaga frá 31. janúar 2014.

Bókað í trúnaðarmálabók.

Tekið fyrir bréf frá Eignarhaldsfélagi Brunabótafélags Íslands, dagsett þann 4. febrúar 2014, þar sem fram kemur að umsóknarfrestur í styrktarstjóð EBÍ er til lok apríl n.k. Hvert sveitarfélag getur aðeins sent inn eina umsókna og skulu umsóknir vera vegna sérstakra framfaraverkefna á vegum sveitarfélaganna.

Á fundi UT-teymis þann 5. febrúar s.l. var til umfjöllunar verðfyrirspurn í tölvubúnað fyrir Dalvíkurbyggð í samræmi við endurnýjunaráætlun og starfs- og fjárhagsáætlun 2014.

UT-teymið leggur til að gengið verði til samninga við Advania á grundvelli fyrirliggjandi verðfyrirspurnar.

Tekið fyrir minnisblað sviðsstjóra fjármála- og stjórnsýslusviðs, dagsett þann 18. febrúar 2014, þar sem lagt er til kaup á Gagnagátt frá OneSystems, en ekki er gert ráð fyrir þessari viðbót í starfs- og fjárhagsáætlun 2014. Óskað er heimildar til að nýta hluta af fjárhæð til kaupa og innleiðingar á Gagnagátt af nýkaupaheimild á deild 21-40 samkvæmt starfs- og fjárhagsáætlun 2014 í stað tölvubúnaðar sem ekki þarf að festa kaup á.

Á 689. fundi byggðarráðs þann 23. janúar 2014 til umfjöllunar fyrirhuguð verkefnavinna um ímynd Dalvíkurbyggðar, sbr. starfs- og fjárhagsáætlun 2014. Byggðarráð fól upplýsingafulltrúa og sviðsstjóra fjármála- og stjórnsýslusviðs að vinna áfram að málinu og koma með nánari útfærslur á verkefninu.

Með fundarboð byggðarráðs fylgdu drög að verkefnaáætlun til upplýsingar.

Á 690. fundi byggðarráðs þann 6. febrúar 2014 samþykkti byggðarráð að gengið verði til samninga við Motus hvað varðar samstarf um innheimtuþjónustu.

Á fundinum voru kynnt drög að samningi við Motus.

Á 671. fundi byggðarráðs þann 29. ágúst 2013 var til umfjöllunar drög að skipuriti Dalvikurbyggðar í samræmi við nýja Samþykkt um stjórn Dalvíkurbyggðar. Skipuritið var rætt og ræddar voru hugmyndir og breytingar. Afgreiðslu frestað.

Með fundarboði byggðarráðs fylgdu ný drög að skipuriti fyrir Dalvíkurbyggð.

Undir þessum lið komu á fund byggðarráðs fyrir hönd Golfklúbbsins Hamars Gísli Bjarnason og Sigurður Jörgen Óskarsson, kl. 9:09.

Jóhann Ólafsson kom á fundinn kl.9:12 undir þessum dagskrárlið.

Til umræðu mögulega ný staðsetning golfvallar.

Gísli og Sigurður Jörgen viku af fundi kl. 10:00.

Kristján E. Hjartarson gerðir grein fyrir vanhæfi sínu og vék af fundi undir þessum lið kl. 10:05. Varaformaður tók við fundarstjórn.

Á 687. fundi byggðarráðs þann 9. janúar 2014 var til umfjöllunar erindi frá Ferðatröllum, bréf dagsett þann 18. desember 2013. Fram koma meðal annars að Ferðatröll óskaðu eftir formlegu samstarfi við Dalvíkurbyggð og Fjallabyggð um að koma ferðamálasíðu í loftið fyrir utanverðan Tröllaskaga. Byggðarráð tók jákvætt í erindið en óskaði eftir nánari upplýsingum, meðal annars hvað varðar mánaðarlega rekstrarkostnað og hlutverk.

Með fundarboði byggðarráðs fylgdi uppfært erindi frá Ferðatröllum, dagsett þann 12. febrúar 2014, ásamt ítarupplýsingum vegna landshlutasíðu fyrir utanverðan Tröllaskaga.

Hluti Dalvíkurbyggðar yrði kr. 745.470 með vsk. Ferðatröll mun sjá um verkefnisstjórn og framkvæmd verkefnisins á meðan vefurinn er að fara í loftið. Þegar vefurinn yrði tilbúinn þá myndu sveitarfélögin, Dalvíkurbyggð og Fjallabyggð, taka yfir umsjónina en ferðaþjónustuaðilar bæru sjálfir ábyrgð á því að koma upplýsingum um breytingar á framfæri.

Til umræðu ofangreint.

Föstudaginn 14. febrúar s.l. voru fulltrúar sveitarfélaga í Eyþingi, ásamt stjórn Eyþings, boðaðir til fundar á vegum innanríkisráðuneytisins um frumvörp að breytingum á umdæmum sýslumanna og lögreglu.

Jóhann Ólafsson og Anna Guðný Karlsdóttir sóttu fundinn fyrir hönd Dalvíkurbyggðar. Jóhann gerði byggðaráði grein fyrir fundinum.