Byggðaráð

Undir þessum lið komu á fund byggðaráðs frá Hestamannafélaginu Hring, Lilja Guðnadóttir, formaður, og Þórir Áskelsson, varaformaður, Jón Stefán Jónsson, íþróttafulltrúi, og Gísli Bjarnason, sviðsstjóri fræðslu- og menningarsviðs, kl. 13:15.

Á 1177. fundi byggðaráðs þann 12. mars sl. var eftirfarandi bókað:
"Undir þessum lið mætti á fundinn Gísli Bjarnson, sviðsstjóri fræðslu- og menningarsviðs, kl. 14:07.Jón Stefán Jónsson, íþróttafulltrúi, boðaði forföll.
Á 384. fundi sveitarstjórnar þann 18.nóvember sl. var fjárfestingasamningur á milli Dalvíkurbyggðar og Hestamannafélgsins Hrings vegna byggingu reiðhallar í Hringsholti tekinn til umfjöllunar og afgreiðslu. Fyrirliggjandi samningur var samþykktur samhljóða. Styrktarfjárhæð er alls 133 m.kr.
Á 185. fundi íþrótta- og æskulýðsráðs þann 3. mars sl. var eftirfarandi bókað:
"Hestamannafélagið Hringur hefur óskað eftir að samningur um byggingu nýrrar reiðhallar félagsins við Dalvíkurbyggð verði tekinn upp og styrktarupphæðir endurskoðaðar. Fyrirliggjandi kostnaðaráætlun við framkvæmdina frá félaginu.
Niðurstaða : Íþrótta- og æskulýðsráð samþykkir með fjórum atkvæðum, uppfærðan samning sveitarfélagsins við Hestamannafélagið Hring."
Með fundarboði byggðaráðs fylgdi minnisblað íþróttafulltrúa, dagsett þann 10. mars sl., þar sem farið er yfir ferlið við gerð samningsins um styrk til Hestamannafélagsins Hrings til byggingu reiðhallar. Við upptöku samningsins er nú lagt til að styrktarfjárhæðin verði alls 170 m.kr.
Til umræðu ofangreint.
Niðurstaða : Byggðaráð samþykkir samhljóða með 3 atkvæðum að fá stjórn Hestamannafélagsins Hrings á fund byggðaráðs ásamt íþróttafulltrúa og sviðsstjóra fræðslu-og menningarsviðs."

Til umræðu ofangreint.


Lilja, Þórir og Jón Stefán viku af fundi kl. 14:00.

Á 1174. fundi byggðaráðs þann 12. febrúar sl. var eftirfarandi bókað:
"Til umræðu staða mála hvað varðar áætlanir um byggingu á nýju byggðasafni.
Freyr Antonsson gerði grein fyrir stöðu mála.
Næsti fundur vinnuhóps er næst komandi þriðjudag. Þar mætir arkitekt með tillögur að byggðasafni; viðbygging við Berg. Sveitarstjórn er boðið að koma á fundinn kl. 14:00.
Niðurstaða : Lagt fram til kynningar."

Undir þessum lið komu á fund byggðaráðs Fanney Hauksdóttir, arkitekt, og fulltrúar í vinnuhópi um húsnæði byggðasafns, Helga Íris Ingólfsdóttir, deildarstjóri Eigna- og framkvæmdadeildar, Emil J. Einarsson, Lovísa María Sigurgeirsdóttir, formaður menningarráðs, Björk Eldjárn Kristjánsdóttir, kl. 14:00.

Til umræðu fyrirliggjandi tillögur og hugmyndir að nýbyggingu byggðasafns við Menningarhúsið Berg.

Fanney, Helga Íris, Emil, Lovísa María, Björk og Gísli viku af fundi kl. 14:40.

Tekið fyrir erindi frá Sigmari Erni Harðarsyni, dagsett þann 13. mars sl., þar sem óskað er eftir fyrir hönd Sjómannadagsráðs framlagi frá Dalvíkurbyggð vegna leigu eða kaupa á klósettgámi til að hafa á hafnarsvæði og við Íþróttamiðstöðina á Sjómannadaginn 6. júní nk. Leiguverð í einn mánuð er um 239 þkr. og kaupverð er um 3,9 m.kr.

Á 385. fundi sveitarstjórnar þann 16. desember sl. var samþykkt erindi sveitarstjóra um að framlengja samningi við Akureyrarbæ vegna þjónustusamnings vegna starfs byggingarfulltrúa til og með 31. mars 2026. Útfærslan er með þeim hætti að bygginarfulltrúi er í 55% starfi hjá Dalvíkurbyggð og þjónusta annarra starfsmanna byggingarfulltrúa Akureyrarbæjar er skv. tímavinnu.

Með fundarboði byggðaráðs fylgdi tillaga að framlengingu á samningi um verktakagreiðslur vegna embættis bygginarfulltrúa á milli Dalvíkurbyggðar og Akureyrarbæjar um 6 mánuði eða til og með 30. september 2026. Fram kemur að aðilar eru sammála um að halda samstarfinu áfram en vinna þarf að nýjum heildarsamningi fyrir þjónustu byggingafulltrúa. Stefnt er að því að sá samningur taki gildi þann 1.október 2026 og verði ótímabundinn en uppsegjanlegur með 12 mánaða fyrirvara.

Í fjárhags- og launaáætlun Dalvíkurbyggðar 2026 er gert ráð fyrir áframhaldandi starfi byggingarfulltrúa út árið í 55% stöðugildi.

Með fundarboði byggðaráðs fylgdu upplýsingar um tilboð frá Kollgátu arkitektarstofu varðandi tíma- og verkáætlun vegna fyrirhugaðara endurbóta á Skrifstofum Dalvíkurbyggðar, alls um 7,2 m.kr með vsk. Gert er ráð fyrir að útboðsgögn verði tilbúin til auglýsingar 1. september.
Einnig er gert ráð fyrir aðkomu verkfræði- og ráðgjafastofunnar Lotu sem eru sérfræðingar í innivist.

Á 1175. fundi byggðaráðs þann 19. febrúar sl. var eftirfarandi bókað:
"Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl. 13:15 og frá Faglausn í gegnum TEAMS Almar Eggertsson, kl. 13:15.
Á fundi sveitarstjórnar þann 17. febrúar sl. var samþykkt að leggja niður vinnuhóp í tengslum við húsnæðismál Slökkviliðs Dalvíkur og málið unnið áfram í gegnum byggðaráð.
Með fundarboði byggðaráðs fylgdi tillöguteikning; grunnmynd af Slökkvistöð, dagsett þann 17.02.2026.
Almar vék af fundi kl. 13:51.
Helga Íris vék af fundi kl. 14:08.
Niðurstaða : Byggðaráð felur sveitarstjóra að vinna áfram að málinu."

Sveitarstjóri gerði grein fyrir stöðu mála.

Á 365. fundi sveitarstjórnar þann 23. janúar 2024 var samþykkt að Dalvíkurbyggð taki þátt í verkefninu vegna viðbyggingar sem fyrirhuguð er fyrir verknámsaðstöðu við Verkmenntaskólann á Akureyri (VMA). Hlutdeild Dalvíkurbyggðar í kostnaði yrði 2,867% skv. fyrirliggjandi samningsdrögum. Sveitarstjórn samþykkti fyrirliggjandi samningsdrög og fól sveitarstjóra að skrifa undir samning mennta- og barnamálaráðuneytisins við sveitarfélögin við Eyjafjörð vegna ofangreind verkefnis.

Með fundarboði byggðaráðs fylgdi ofangreindur samningur undirritaður með undirritun fyrrverandi mennta- og barnamálaráðherra, sveitarstjóranna í Eyjafirði og fyrrverandi skólameistara VMA, dagsettur þann 17. maí 2024. Staðfestingu fjármála- og efnahagsráðuneytisins/ráðherra vantar.

Með fundarboði byggðaráðs fylgdi póstur frá Innviðaráðuneytinu, dagsettur þann 11. mars sl., þar sem fram kemur að þann 5. mars sl. mælti innviðaráðherra fyrir frumvarpi til nýrra sveitarstjórnarlaga á Alþingi. Málið er nú til meðferðar hjá umhverfis- og samgöngunefnd, sem óskar eftir umsögnum um efni þess.Frestur til að skila umsögn um frumvarpið var til 20. mars s.l. Innviðaráðuneytið hefur tekið saman fylgigögn til að auðvelda yfirferð og vinnslu málsins. Þau má sjá á vef Alþingis, sjá hér:https://www.althingi.is/altext/erindi/157/157-1901.pdf.

Ráðuneytið hvetur sveitarfélög og landshlutasamtök eindregið til að kynna sér frumvarpið og þær breytingar sem í því felast. Mikilvægt er að sjónarmið þeirra komi fram í umsagnarferlinu hjá nefndinnitil að tryggja vandaða endurskoðun laganna.

Tekið fyrir erindi frá Sýslumanninum á Norðurlandi eystra, dagsett þann 19. mars sl., þar sem óskað er umsagnar vegna umsóknar um rekstrarleyfi veitinga í flokki II frá Fjöruböðunum ehf, vegna Fjörukaffis
Yfirlitsmynd fylgir með, útisvæðið er pallar og setusvæði og pottarnir samkvæmt upplýsingum umsækjanda
Fasteignanúmerið er skráð sem landeignanúmer en framkvæmdir vegna þjónustuhúss eru framundan.

Á 44. fundi fundi skiplagsráðs þann 3. mars sl. var eftirfarandi bókað:
"Erindi dagsett þann 12. febrúar 2026 þar sem Fjöruböðin ehf. sækja um stöðuleyfi til eins árs fyrir kaffihús við Fjöruböðin á Hauganesi.
Skipulagsráð gerir ekki athugasemdir við erindið og vísar málinu til afgreiðslu byggingarfulltrúa. Samþykkt samhljóða með fimm atkvæðum."

Samkvæmt upplýsingum inn á fundinn þá hefur byggingarfulltrúi ekki afgreitt stöðuleyfi og slökkviliðsstjóri getur ekki tekið málið til vinnslu fyrr en byggingin er risin.

Sviðsstjóri fjármála- og stjórnsýslusviðs kynnti eftirfarandi skýrslur:
Staða bókhalds janúar- febrúar í samanburði við heimildir í fjárhagsáætlun 2026.
Staða launa janúar-febrúar í samanburði við heimildir í launa- og fjárhagsáætlun 2026.

Á 1177. fundi byggðaráðs þann 12. mars sl. var eftirfarandi bókað:
"Tekið fyrir erindi frá SSNE, póstur dagsettur þann 25. febrúar sl., þar sem meðfylgjandi er formlegt boð á ársþing SSNE 2026.Ársþingið verður haldið í Menningarhúsinu Bergi 26. mars nk. Allt sveitarstjórnarfólk er hvatt til þess að mæta.
Niðurstaða : Lagt fram til kynningar."

Með fundarboði byggðaráðs fylgdi dagskrá ársþingsins.

Lögð fram til kynningar fundargerð stjórnar SSNE nr. 81 frá 5. mars sl.

Lögð fram til kynningar fundargerð stjórnar Sambandsins nr. 995 frá 10. mars sl.