Byggðaráð

Á 1175. fundi byggðaráðs þann 19. febrúar sl. var eftirfarandi bókað:
"Þann 8. janúar sl. voru útboðsgögn vegna útboðs á nýjum Vatnstanki í Upsa tekin til umfjöllunar og afgreiðslu.
Útboðsgögnin voru samþykkt og samþykkt að auglýsa útboðið.
Með fundarboði byggðaráðs var meðfylgjandi opnunarskýrsla vegna ofangreinds útboðs, dagsett þann 13. febrúar sl., þar sem fram kemur að 3 tilboð bárust í verkið. Eftir er að fara yfir útboðin.
Niðurstaða : Lagt fram til kynninga"

Með fundarboði byggðaráðs fylgdi:
Skýrsla Faglausna varðandi yfirferð innsendra tilboða, dagsett þann 23.02.2026.
Fram kemur að þegar litið er til gildra tilboða þá er Tréverk með lægsta boð kr. 125.790.560,- og því lagt til að gengið verði til samninga við það.
Fundargerð vinnuhóps um vatnstank, dagsett þann 23.02.2026, þar sem fram kemur að vinnuhópurinn er sammála tillögu Faglausna, umsjónaraðila með útboðinu, að gengið verði til samninga við Tréverk ehf. um byggingu vatnstanks við Upsa.

Á 386. fundi sveitarstjórnar þann 20.janúar sl. var m.a. eftirfarandi bókað:
"a) Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og þá tillögu að sérreglur Dalvíkurbyggðar fyrir úthlutun byggðakvóta verði óbreyttar á milli ára.
b)Sveitarstjórn samþykkir samhljóða með 7 atkvæðum fyrirliggjandi tillögu sveitarfélagsins að sérreglum byggðakvóta til fiskveiðiskipa á fiskveiðiárinu 2025/2026 varðar byggðarlögin Árskógssand, Dalvík og Hauganes.
c) Sveitarstjórn samþykkir samhljóða með 7 atkvæðum ofangreinda tillögu forseta að bókun sveitarstjórnar."

Með fundarboði byggðaráðs fylgdi erindi frá Innviðaráðuneytinu, dagsett þann 16. febrúar sl., þar sem fram kemur að ráðuneytið hefur samþykkt framlagða tillögu sveitarstjórnar að sérstökum skilyrðum vegna úthlutnar byggðakvóta á fiskveiðiárinu 2025/2026. Auglýsing um sérreglur verður send Stjórnartíðindum til birtingar og að því loknu verður Fiskistofu falið að auglýsa byggðakvóta til umsóknar í samræmi við gildandi reglur og staðfestar sérreglur.

Einnig fylgdi með fundarboði byggðaráðs rafpóstur ráðuneytisins frá 21. janúar sl., þar sem staðfest er móttaka á mótmælum sveitarfélagsins, sbr. c. liður hér að ofan frá fundi sveitarstjórnar þann 20.1.2026.

Tekið fyrir erindi frá Félagi kraftamanna, dagsett þann 23. febrúar sl., þar sem óskað er eftir stuðningi við keppni sterkustu manna landsins, Víkingurinn 2026, sem fer fram dagana 24.-26. júli nk.

Tekið fyrir erindi frá Sambandi íslenskra sveitarfélaga, dagsett þann 20. febrúar sl., þar sem vísað er til fundar / vinnustofu um ofangreint mál í desember 2025.

Fram kemur að á fundinum var óskað eftir tillögu frá Sambandinu að bókun sem sveitarstjórnar geta þá eftir atvikum ákveðið að taka upp hjá sér og er hún meðfylgjandi, ásamt svari dómsmálaráðherra við fyrirspurn þingsmanns um skráningu lögheimils og stöðuyfirliti málsins í febrúar 2026.

Tekinn fyrir rafpóstur frá Greiðri leið ehf., dagsettur þann 18. febrúar sl, þar sem boðað er til hluthafafundar 27. febrúar nl. kl. 13.00 í gegnum TEAMS.

Tekinn fyrir rafpóstur frá Samtökum sjávarútvegssveitarfélaga, dagsettur þann 23. febrúar sl., þar sem Samtök sjávarútvegssveitarfélaga boða til Sjávarútvegsfundar fyrir aðildarsveitarfélög, ráðherra, þingmenn, aðila
innan sjávarútvegs og aðra áhugasama undir yfirskriftinni:Fagur fiskur í „sjó.“ Breytt umhverfi í sjávarútvegi og áhrif á sjávarbyggðir
Fundurinn fer fram miðvikudaginn 4. mars kl. 9:30-11:30 og fer fram á Drift, Strandgötu 1, Akureyri.

Lögð fram til kynningar fundargerð stjórnar Sambands íslenskra sveitarfélaga nr. 993. frá 18. febrúar sl.