Frá Sambandi íslenskra sveitarfélaga; Skráning lögheimilis í frístundabyggð - boð á vinnustofu

Tekið fyrir erindi frá Sambandi íslenskra sveitarfélaga um boð þátttöku í vinnustofu um skráningu lögheimilis í frístundabyggð. Vinnustofan verður haldinn fimmtudaginn 11.september kl. 10:30 - 14:00.
Í upphafi verður stutt erindi frá Grímsnes- og Grafningshreppi en síðan verða þátttakendur leiddir í gegnum æfingar sem ætlað er að greina áskoranir og tækifæri og hugmyndir að lausnum.
Samkvæmt núgildandi lögum ber að skrá einstakling til lögheimilis þar sem hann hefur fasta búsetu. Þá skal lögheimili skráð í tiltekna íbúð eða eftir atvikum hús, við tiltekna götu eða í dreifbýli, sem er skráð sem íbúðarhúsnæði í fasteignaskrá.

Tekið fyrir erindi frá Sambandi íslenskra sveitarfélaga, dagsett þann 20. febrúar sl., þar sem vísað er til fundar / vinnustofu um ofangreint mál í desember 2025.

Fram kemur að á fundinum var óskað eftir tillögu frá Sambandinu að bókun sem sveitarstjórnar geta þá eftir atvikum ákveðið að taka upp hjá sér og er hún meðfylgjandi, ásamt svari dómsmálaráðherra við fyrirspurn þingsmanns um skráningu lögheimils og stöðuyfirliti málsins í febrúar 2026.

Á 1176. fundi byggðaráðs þann 26. febrúar sl. var eftirfarandi bókað:
"Tekið fyrir erindi frá Sambandi íslenskra sveitarfélaga, dagsett þann 20. febrúar sl., þar sem vísað er til fundar / vinnustofu um ofangreint mál í desember 2025.
Fram kemur að á fundinum var óskað eftir tillögu frá Sambandinu að bókun sem sveitarstjórnar geta þá eftir atvikum ákveðið að taka upp hjá sér og er hún meðfylgjandi, ásamt svari dómsmálaráðherra við fyrirspurn þingsmanns um skráningu lögheimils og stöðuyfirliti málsins í febrúar 2026.
Niðurstaða : Byggðaráð samþykkir samhljóða með 3 atkvæðum eftirfarandi bókun:
"Á undanförnum árum hefur fjölgað verulega þeim sem skrá lögheimili sitt í sveitarfélagi án tilgreinds heimilisfangs, oft vegna búsetu í frístundahúsnæði. Þróunin hefur skapað óvissu í stjórnsýslu og þjónustu sveitarfélaga. Byggðaráð
skorar því á dómsmálaráðherra að setja á fót hið fyrsta spretthóp ráðuneyta og Sambands íslenskra sveitarfélaga til að endurskoða lög um lögheimili og aðsetur nr. 80/2018 svo tryggt sé að skipulagsvald sveitarfélaga sé virt í samræmi við vilja sveitarfélaga landsins."
Vísað til umfjöllunar og afgreiðslu sveitarstjórnar."