Byggðaráð

Undir þessum lið kom á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl. 13:15.

Með fundarboði byggðaráðs fylgdi minnisblað deildarstjóra Eigna- og framkvæmdadeildar og íþróttafulltrúa, dagsett þann 27.01.2026, er varðar ástandsmat gufuklefa í Íþróttamiðstöð í janúar 2026.
Fram kemur m.a. að undanfarið hefur verið ljóst að fara þarf í endurbætur á gufuklefanum í Íþróttamiðstöð Dalvíkurbyggðar og á viðhaldsáætlun Eignasjóðs og fjárfestingaáætlun Dalvíkurbyggðar er gert ráð fyrir því að fjárfesta í gufuklefa úti á sundlaugarsvæðinu og breyta núverandi klefa í hlutlausan sturtuklefa eða aðstöðu fyrir einstaklinga sem þurfa aðstoð. Öll útfærsla og hönnun á breytingum innanhúss er eftir.
Í byrjun janúar 2026 var ákveðið að loka gufuklefanum í Íþróttamiðstöðinni til að skoða betur hvort hægt væri að ráðast í lítilháttar viðgerðir á gólfinu í klefanum sem gæti haldið honum starfhæfum fram á næsta ár.

Í stórum dráttum er um þrjár leiðir að ræða til að takast á við þetta verkefni:
1. Loka gufuklefanum alveg og leyfa honum að þorna. Gert er ráð fyrir kaupum og uppsetningu á gufuklefa úti á sundlaugarsvæðinu á næsta ári og breytingum á núverandi klefa þannig að það svæði nýtist undir hlutlausa klefa. Framkvæmdir aðrar en fjarlæging á flísum og epoxý-húð geymd fram á næsta ár.
2. Loka gufuklefanum um ótiltekin tíma, flýta fyrir þornun og endurnýja gólfefni og þannig koma aftur í starfhæft ástand. Áætlaður opnunartími gufuklefans er þá óviss, en lílega ekkifyrr en í sumar í fyrsta lagi.
3. Flýta áætluðum kaupum á gufuklefa út á sundlaugarsvæði. Nýr gufuklefi ætti að vera kominn upp innan þriggja mánaða ef allt gengur upp. Núverandi klefa yrði lokað og honum leyft að þorna. Framkvæmdir innanhúss og breytingar á klefa verða áfram á áætlun ársins 2027.

Til umræðu ofangreint.

Helga Íris vék af fundi kl. 13:29.

Bókað í trúnaðarmálabók.

Byggðaráð samþykkir samhljóða með 3 atkvæðum viðaukabeiðni nr. 5 við fjárhagsáætlun 2026 að upphæð kr. 10.911.097.
Byggðaráð samþykkir samhljóða að viðaukanum verði mætt með lækkun á handbæru fé.
Vísað til umfjöllunar og afgreiðslu sveitarstjórnar.

Á 1172. fundi byggðaráðs þann 15.janúar sl. var m.a. eftirfarandi bókað:
"Byggðaráð samþykkir samhljóða með 2 atkvæðum að vísa ofangreindum drögum að endurskoðun samnings til stjórnar Dalbæjar til umfjöllunar og afgreiðslu.
Kristinn Bogi tekur ekki þátt í umfjöllun og afgreiðslu vegna vanhæfis.
Krstinn Bogi kom inn á fundinn að nýju kl. 15:03."

Með fundarboði byggðaráð fylgdi rafpóstur frá hjúkrunarframkvæmdastjóra Dalbæjar, dagsettur þann 20. janúar sl., þar sem fram kemur að stjórn Dalbæjar fór yfir og fjallaði um samninginn um bókhalds- og launavinnslu á fundi sínum í gær.
Samningurinn var samþykktur með einni viðbót: Að h) liður bætist við þá liði skv 3. grein sem hægt er að semja um sérstaklega.
Sem sagt að Dalbær eigi þess kost að geta samið um þjónustu sérfræðings í mannauðs- og kjaramálum.

Með fundarboði byggðaráðs fylgdu einnig uppfærð samningsdrög þar sem tekið er tillit til ofangreindrar beiðni um þann möguleika að geta keypt þjónustu sérfræðings í mannauðs- og kjaramálum.

Til umræðu ofangreint.

Tekið fyrir erindi frá SSNE, rafpóstur dagsettur þann 20. janúar sl., þar sem meðfylgjandi er erindi til sveitarfélaga ásamt lokadrögum að loftlagsstefnu Norðurlands eystra.

Fram kemur að á 79. stjórnarfundi SSNE, sem haldinn var 8. janúar s.l., voru meðfylgjandi drög að loftslagsstefnu Norðurlands eystra lögð fram, en starfshópur SSNE um sameiginlega loftslagsstefnu landshlutans hefur nú lokið störfum. Stjórn samþykkti að drögin yrðu send til umfjöllunar í sveitarstjórnum innan SSNE. Drögin eru því hér með send til umfjöllunar í sveitarstjórnum sveitarfélaga innan SSNE og er óskað eftir því að athugasemdir eða ábendingar berist SSNE í síðasta lagi þann 4. mars næstkomandi. Stefnt er að því að loftslagsstefnan verði staðfest á ársþingi SSNE sem haldið verður þann 26. mars næstkomandi.

Bókað í trúnaðarmálabók.

Undir þessum lið kom á fund byggðaráðs í gegnum TEAMS Arnar Haraldsson og Haraldur L. Haraldsson frá HLH Ráðgjöf og Benedikt Snær Magnússon, formaður veitu- og hafnaráðs, kl. 14:00.


Á 383. fundi sveitarstjórnar þann 4. nóvember 2025 var eftirfarandi bókað:
"Á 1165. fundi byggðaráðs þann 30. október sl. var eftirfarandi bókað:
Á 382. fundi sveitarstjórnar þann 16. september sl. var m.a. eftirfarandi bókað:
Forseti sveitarstjórnar sem leggur til að sveitarstjórn samþykki að taka aftur upp viðræður við Hafnasamlag Norðurlands um inngöngu Hafnasjóðs Dalvíkurbyggðar í samlagið og að viðræðuhópinn skipi Byggðarráð, formaður og varaformaður veitu-og hafnaráðs ásamt hafnarstjóra.
Fleiri tóku ekki til máls.
Sveitarstjórn samþykkir samhljóða með 6 atkvæðum ofangreinda tillögu forseta sveitarstjórnar.
Með fundarboði byggðaráðs fylgdi tilboð frá HLH ráðgjöf, dagsett þann 24. október sl., í vinnu vegna greiningar á sameiningu Hafnasamlags Norðurlands og Hafnasjóðs Dalvíkurbyggðar.
Niðurstaða : Byggðaráð samþykkir samhljóða með 3 atkvæðum ofangreint tilboð fyrir sitt leyti og felur sveitarstjóra að leggja fyrir sveitarstjórn viðaukabeiðni vegna þessa verkefnis."2

Með fundarboði sveitarstjórnar fylgdi viðaukabeiðni sveitarstjóra, dagsett þann 31. október sl., þar sem óskað er eftir viðauka að upphæð kr. 1.991.000 á lið 41210-4391 vegna 50% hlutdeildar Dalvíkurbyggðar í aðkeyptri þjónustu vegna viðræðna um inngöngu Hafnasjóðs Dalvíkurbyggðar í Hafnasamlag Norðurlands. Um er að ræða kostnað vegna tilboðs frá HLH ráðgjöf, vinnu frá Siglingasviði Vegagerðarinnar og 10% ófyrirséður kostnaður.

a) Sveitarstjórn samþykkir með 5 atkvæðum tilboð frá HLH ráðgjöf fyrir sitt leyti; Kristinn Bogi Antonsson og Monika Margrét Stefánsdóttir sitja hjá.
b) Sveitarstjórn samþykkir með 5 atkvæðum ofangreinda beiðni um viðauka við fjárhagsáætlun 2025, viðauki nr. 55, að upphæð kr. 1.991.000 á lið 41210-4391 og að honum verði mætt með lækkun á handbæru fé. Kristinn Bogi Antonsson og Monika Margrét Stefánsdóttir sitja hjá."

Arnar og Haraldur kynntu drög á greiningu á sameiningu Hafnasamlag Norðurlands og Hafnasjóðs Dalvíkurbyggðar.

Arnar og Haraldur viku af fundi kl. 15:34.
Benedikt Snær vék af fundi kl. 15:40.

Sviðsstjóri fjármála- og stjórnsýslusviðs kynnti eftirfarandi skýrslur:
Samanburður bókhalds janúar- desember við heimildir í fjárhagsáætlun 2025.
Samanburður launa janúar- desember við heimildir í launa- og fjárhagsáætlun 2025.
Samanburður stöðugilda janaúar- desember við heimildir í launa- og fjárhagsáætlun 2025.

Tekið fyrir erindi frá Húna Húnfjörð, dagsett þann 12. janúar sl., þar sem fram kemur áhugi að kanna hvort fótur sé fyrir samstarfi með að koma á laggirnar sjósundsaðstöðu á sandinum á Dalvík, rétt við Steypustöðina.
Það fari ört vaxandi að fólk stundi sjósund um allt landið og sánu-gusur þar á milli.

Til umræðu ofangreint.

Tekinn fyrir rafpóstur frá nefndar- og greiningarsviði Alþingis, póstur dagsettur þann 21. janúar sl., þar sem Umhverfis- og samgöngunefnd Alþingis sendir til umsagnar322. mál ? Samgönguáætlun fyrir árin 2026- 2040 ásamt fimm ára aðgerðaráætlun fyrir árin 2026-2030. Frestur til að senda inn umsögn er til og með 9. febrúar nk.

Lögð fram til kynningar fundargerð stjórnar SSNE nr. 79 frá 8. janúar sl.