Byggðaráð

740. fundur 09. júlí 2015 kl. 08:00 - 12:30 í Upsa á 3. hæð í Ráðhúsi Dalvíkur
Nefndarmenn
  • Gunnþór Eyfjörð Gunnþórsson Formaður
  • Kristján Guðmundsson Varaformaður
  • Guðmundur St. Jónsson Aðalmaður
Starfsmenn
  • Bjarni Theódór Bjarnason Sveitarstjóri
  • Guðrún Pálína Jóhannsdóttir Sviðstjóri
Fundargerð ritaði: Guðrún Pálína Jóhannsdóttir sviðsstjóri fjármála- og stjórnsýslusviðs
Dagskrá

1.Veitu- og hafnaráð Dalvíkurbyggðar - 34

Málsnúmer 1507001Vakta málsnúmer

Enginn tók til máls og ekkert þarfnast afgreiðslu.

2.Fræðsluráð - 194

Málsnúmer 1506007Vakta málsnúmer

18.1 Byggðaráð samþykkir samhljóða með 3 atkvæðum afgreiðslu fræðsluráðs.

Annað þarfnast ekki afgreiðslu og enginn tók til máls.

3.Umhverfisráð - 265

Málsnúmer 1506004Vakta málsnúmer

19.2. Byggðaráð samþykkir samhljóða með 3 atkvæðum afgreiðslu umhverfisráðs.

19.3. Byggðaráð samþykkir samhljóða með 3 atkvæðum afgreiðslu umhverfisráðs.

19.4. Byggðaráð samþykkir samhljóða með 3 atkvæðum afgreiðslu umhverfisráðs.

19.5. Byggðaráð samþykkir samhljóða með 3 atkvæðum afgreiðslu umhverfisráðs.

19.6. Byggðaráð samþykkir samhljóða með 3 atkvæðum afgreiðslu umhverfisráðs.



Enginn tók til máls og annað þarfnast ekki afgreiðslu.

4.Frá stjórn Dalbæjar; Fundargerðir stjórnar 2015.

Málsnúmer 201502082Vakta málsnúmer

Fundargerð Dalbæjar frá 6. júlí 2015.
Lagt fram til kynningar.

5.Trúnaðarmál

Málsnúmer 201405189Vakta málsnúmer

Bókað í trúnaðarmálabók.

Undir þessum lið kom Þorsteinn K. Björnsson, sviðsstjóri veitu- og hafnasviðs, á fundinn kl. 8:00.

6.Frá atvinnu- og nýsköpunarráðuneytinu; Beiðni um umsögn vegna fjárfestingarverkefnis.

Málsnúmer 201506100Vakta málsnúmer

Tekið fyrir erindi frá atvinnu- og nýsköpunarráðuneytinu, dagsett þann 12. júní 2015, þar sem fram kemur að nefnd um veitingu ívilnana vegna nýfjárfestinga hefur haft umsókn sænskra fjárfesta til meðferðar þar sem sótt hefur verið um ívilnun vegna fjárfestingaverkefnis.



Samráð skal haft við sveitarfélög í tengslum við aðkomu þeirra að fyrirhuguðum fjárfestingarverkefnum sem staðsett eru innan umdæma þeirra. Hér með er þess farið á leit við sveitarfélagið að það veiti umsögn sína um fjárfestingarverkefnið sem fyrirhugað er á Hauganesi í Dalvíkurbyggð. Nefndin hefur beint þeim tilmælum til umsækjanda að hann upplýsi sveitarfélagið um fjárfestingarverkefnið.



Þorsteinn vék af fundi kl. 08:20.
Byggðaráð samþykkir samhljóða með 3 atkvæðum að fela sviðsstjóra veitu- og hafnasviðs og sviðsstjóra fjármála- og stjórnsýslusviðs að svara ofangreindu erindi í samræmi við umræður á fundinum.

Byggðaráð samþykkir samhljóða með 3 atkvæðum að íbúar sveitarfélagsins verði upplýstir um stöðu mála hjá TS Shippingline með frétt á heimasíðu sveitarfélagsins. Vísað til sveitarstjóra og upplýsingafultrúa.

7.Frá sviðsstjóri umhverfis- og tæknisviðs; Móttaka Skógræktarfélags Ísland í Hánefsstaðarreit - beiðni um viðauka.

Málsnúmer 201506147Vakta málsnúmer

Undir þessum lið kom Börkur Þór Ottósson, sviðsstjóri umhverfis- og tæknisviðs, á fundinn kl. 8:30.



Tekið fyrir erindi frá sviðsstjóra umhverfis- og tæknisviðs, dagsett þann 15. ágúst 2015, þar sem fram kemur að í vetur barst ósk um að tekið yrði á móti 120-140 manna hópi frá Skógræktarfélagi Íslands, en aðalfundur félagsins verður haldinn helgina 14. - 16. ágúst.



Upp er komin sú hugmynd að slá upp grillveislu en ekki var gert ráð fyrir fjármunum til slíks. Áætlaður kostnaður er kr. 3.000 á mann og er því óskað eftir kr. 420.000 sem viðauka á lið 11-410-4960. Sviðsstjóri sér ekki fyrir sér að hægt sé að flytja fjármuni innan þessa málaflokks á milli lykla.



Sviðsstjóri umhverfis- og tæknisviðs upplýsti að breytingar hafa orðið á þannig að ekki sé lengur þörf fyrir viðauka, þ.e. Skógræktarfélagið mun sjálft leggja til hráefni í grill.
Lagt fram til kynningar.

8.Frá sviðsstjóra umhverfis- og tæknisviðs; Grundargata, 15 á Dalvík vegna sandfoks úr fjörunni.

Málsnúmer 201306068Vakta málsnúmer

Á 264. fundi umhverfisráðs þann 5. júní s.l. var eftirfarandi bókað:

"Til umræðu bréf frá eigendum Grundargötu 15, Dalvík.

Ráðið samþykkir þáttöku sveitarfélagsins í framkvæmdinni. Með fyrirvara um samþykkta kosnaðaráætlun fyrir verkið er sviðsstjóra falið að ganga frá samningi við lóðarhafa. "



Á 271. fundi sveitarstjórnar þann 16. júní s.l. var eftirfarandi bókað:

"Til máls tóku: Guðmundur St. Jónsson, sem leggur til að sveitarstjórn feli sviðsstjóra umhverfis- og tæknisviðs að kostnaðargreina verkefnið og fari til umfjöllunar í byggðaráði þegar kostnaðargreining liggur fyrir. Bjarni Th. Bjarnason. Gunnþór Eyfjörð Gunnþórsson. Kristján E.Hjartarson. Sveitarstjórn samþykkir samhljóða með 7 atkvæðum afgreiðslu umhverfisráðs með ofangreindri breytingatillögu Guðmundar St. Jónssonar"



Með fundarboði byggðaráðs fylgdi kostnaðaráætlun sviðsstjóra frá 30. júní s.l. Um er að ræða 30 m skjólgirðingu sem er 2 metrar á hæð. Áætlaður kostnaður er kr. 992.096. Lagt er til að sveitarfélagið leggi fram fasta upphæð í þetta verkefni sem tekin verður af 10-400-4396, þar sem ekki er gert ráð fyrir að fullnýta þær heimildir sem þar eru fyrir hendi eða kr. 1.311.000.
Byggðaráð samþykkir samhljóða með 3 atkvæðum framlag allt að kr. 500.000, vísað á lið 10-400-4396.

9.Frá sviðsstjóra umhverfis- og tæknisviðs og sveitarstjóra; Samningur við Tréverk um byggingu Krílakots

Málsnúmer 201507011Vakta málsnúmer

Á 739. fundi byggðaráðs þann 25. júní 2015 var eftrfaran di bókað:



"201311112 - Frá bygginganefnd Krílakots; Viðbygging og samningur við Tréverk.

Undir þessum lið kom á fund byggðaráðs Börkur Þór Ottósson, sviðstjóri umhverfis- og tæknisviðs kl. 8:15.



Á 736. fundi byggðaráðs þann 28. maí s.l. var eftirfarandi bókað:

"Undir þessum lið kom á fund byggðaráðs Börkur Þór Ottósson, sviðsstjóri umhverfis- og tæknisviðs, kl. 14:06. Þriðjudaginn 26. maí s.l. kl. 11:00 voru opnuð tilboð í viðbyggingu Krílakots. Eitt tilboð barst í verkið frá Tréverki að upphæð kr. 198.200.282 með virðisaukaskatti. Samkvæmt fjárhagsáætlun Dalvíkurbyggðar er gert ráð fyrir kr. 88.200.000 árið 2015 vegna áfanga 1 og kr. 72.164.000 árið 2016 vegna áfanga 2, eða alls kr. 160.364.000. Í nýrri kostnaðaráætlun AVH er verkið áætlað kr. 167.315.113 með vsk en þá vantar að gera ráð fyrir kostnaði vegna lýsingu kr. 1.500.000 og kostnaði við inntök, byggingarleyfi, gatnagerðargjöld og skipulagsgjald að upphæð kr. 5.364.000 en sá kostnaður var ekki inni kostnaðaráætlun AVH né hluti af tilboði Tréverks. Alls áætlaður kostnaður kr. 174.179.113. Mismunar á upphæðum í fjárhagsáætlun og tilboði með kostnaði að upphæð kr. 5.364.000 er því kr. 43.200.282 eða 26,9% en 16,87% þegar tekið er tillit til nýrrar kostnaðaráætlunar. Til umræðu ofangrient. Börkur Þór vék af fundi kl. 14:19.

Afgreiðslu frestað og byggðaráð samþykkir samhljóða með 3 atkvæðum að fela byggingarnefnd viðbyggingar Krílakots að fara yfir ofangreint og koma með tillögu."

ÁSviðsstjóri umhverfis- og tæknisviðs kynnti fyrirliggjandi drög að samningi við Tréverk um viðbyggingu við Krílakots á a) grundvelli tilboðs, b) kostnaðaráætlunar og c) þeirra breytingar sem gerðar hafa verið í byggingarnefnd. Samningsfjárhæðin er kr. 166.985.267,-.



Börkur Þór vék af fundi kl. 09:08.





Byggðaráð samþykkir samhljóða með 2 atkvæðum drög að samningi við Tréverk eins og hann liggur fyrir og veitir heimild til þess að ganga frá samningi.

Byggðaráð samþykkir samhljóða með 2 atkvæðum að fá fyrir næsta fund byggðaráðs nákvæma skiptingu niður ár áhrif á fjárhagsáætlun með tilliti til viðauka við fjárhagsáætlun 2015."





Með fundarboði byggðaráðs fylgdi undirritaður verksamningur við Tréverk, dagsettur þann 25. júní 2015, vegna viðbyggingu við Krílakot, samningsupphæð er kr. 166.985.267.



Fyrir liggur eftirfarandi skipting niður á ár:

Vegna nýframkvæmda








Alls:
181.649.267







Ár:
Áætlun
Ný áætlun
Tekjur
Tekjur
Nettó:
Breyting:
Skipting:

2015
88.200.000
80.283.370
1.500.000
130.000
78.653.370
9.546.630
45,00%

2016
72.164.000
101.365.897
3.241.000
493.000
97.631.897
-25.467.897
55,00%










Alls:
160.364.000
181.649.267
4.741.000
623.000
176.285.267
-15.921.267
100%





Byggðaráð samþykkir samhljóða með 3 atkvæðum samninginn eins og hann liggur fyrir.

10.Frá sviðsstjóra umhverfis- og tæknisviðs; Útboð á sorphirðu 2015

Málsnúmer 201501055Vakta málsnúmer

Undir þessum lið kom á fund byggðaráðs Þorsteinn K. Björnsson, sviðsstjóri veitu- og hafnasviðs, kl. 09:11.



Tvö tilboð bárust í sorpútboð 2015 frá Gámaþjónustu Norðurlands og Íslenska Gámafélaginu. Lægra tilboðið reyndist vera frá GN og lagt er til að veita sveitarstjóra og sviðsstjóra umhverfis- og tæknisviðs heimild til að ganga til samninga við GN um sorphirðu.

Tilboð frá Gámaþjónustu Norðurlands er kr. 178.652.940.

Tilboð frá Íslenska Gámafélaginu er kr. 179.610.000.



Börkur Þór og Þorsteinn viku af fundi kl. 09:43.
Byggðaráð samþykkir samhljóða með 3 atkvæðum ofangreinda tillögu, þ.e. að gengið verði til samninga við Gámaþjónustu Norðurlands á grundvelli tilboðs.

11.Frá Sýslumanninum á Norðurlandi eystra; Umsókn um nýtt rekstrarleyfi - Kondóbar.

Málsnúmer 201507002Vakta málsnúmer

Tekið fyrir erindi frá Sýslumanninum á Norðurlandi eystra, bréf dagsett þann 30. júní 2015, þar sem óskað er umsagnar um umsókn Stefáns Bjarmar Stefánssonar, kt. 280278-5059, Karlsbraut 19 á Dalvík, fyrir hönd Kondóbar ehf., kt. 541014-0630, um nýtt rekstrarleyfi til sölu veitingu veitinga á Kondóbar, Hafnarbraut 5, 620. Dalvík. Flokkur III.
Byggðaráð gerir ekki athugasemdir við umsóknina.

12.Frá Sýslumanninum á Norðurlandi eystra; Umsókn um nýtt rekstrarleyfi - UMF.Atli fyrir Höfða

Málsnúmer 201507006Vakta málsnúmer

Tekið fyrir erindi frá Sýslumanninum á Akureyri, bréf dagsett þann 3. júlí 2015, þar sem óskað er umsagnar um umsókn frá Einari Hafliðasyni, kt. 211285-3119, sem sækir um sem forsvarsmaður fyrir Ungmennafélagið Atla, kt. 480581-0599, um nýtt rekstrarleyfi til sölu gistingar í samkomuhúsinu Höfða, 621. Dalvík. Flokkur II.
Byggðaráð gerir ekki athugasemdir við umsóknina.

13.Frá sveitarstjóra; Tilkynning um úrsögn úr Rótum bs.

Málsnúmer 201507010Vakta málsnúmer

Með vísan til undanþágubeiðnar samkvæmt 2. mgr. 4. gr. laga nr. 59/1992 um málefni fatlaðs fólks sem dagsett er 3. maí 2015 og send til félagsmálaráðherra þá var tilkynnt úrsögn Dalvíkurbyggðar úr Rótum bs. þann 30.júní s.l. með bréfi sem er meðfylgjandi fundarboði byggðaráðs.

Úrsögn þessi var gerð með eftirfarandi fyrirvörum:



Að ráðherra samþykki undanþágubeiðnina.



Að félagsmálaráð Dalvíkurbyggðar hafi fengið ráðrúm til að fjalla um málið og veiti umsögn.



Að sveitarstjórn/byggðaráð Dalvíkurbyggðar staðfesti úrsögn úr Rótum bs.



Tilkynning þessi er gerð með 6 mánaða fyrirvara eins og fram kemur í 12. gr samþykkta Róta bs. og miðast því úrsögn við áramótin 2015/2016.



Með fundarboði byggðaráðs fylgdi einnig afrit af umsögn Sambands íslenskra sveitarfélaga til velferðarráðuneytisins um þrjú erindi sveitarfélaga sem varða undanþágur frá lágmarksíbúafjölda þjónustusvæða í málefnum fatlaðs fólks. Umrædd sveitarfélög eru: Dalvíkurbyggð og Fjallabyggð, Grindavíkurbær, Sandgerðisbær, Sveitarfélagið Garður og Sveitarfélagið Vogar.
Byggðaráð samþykkir samhljóða með 3 atkvæðum tilkynningu um úrsögn úr Rótum bs.

14.Frá sveitarstjóra; Smávirkjanir í Dalvíkurbyggð

Málsnúmer 201407032Vakta málsnúmer

Tekið fyrir minnisblað sveitarstjóra þar sem eftirfarandi kemur fram:

"Þann 2. júlí sl. kom maður að nafni Garðar Lárusson, verkefnisstjóri hjá Íslenskri vatsnorku ehf. á fund sveitarstjóra.

Íslensk vatnsorka ehf. er m.a. í eigu Eyþórs Arnalds, sem jafnframt er stjórnarformaður, og fleiri fjárfesta. Þeir hafa m.a. verið að skoða kosti Hagavatnsvirkjunar ásamt mörgum öðrum virkjanakostum.

Garðar hafði heyrt af úttekt Dalvíkurbyggðar á smávirkjanakostum og reifaði ýmsa möguleika á aðkomu síns fyrirtækis að uppbyggingu smávirkjana í sveitarfélaginu. Hann óskar eftir því að koma fram með hugmynd að virkjun Brimnesár á opnum fundi á haustdögum þegar skýrsla Mannvits um smávirkjanakosti í byggðarlaginu verður opinberlega kynnt."
Lagt fram til kynningar.

15.Frá Fiskideginum mikla; Vegna minnisstöpla Fiskidagsins mikla við Byggðasafnið Hvol

Málsnúmer 201503172Vakta málsnúmer

Guðmundur St. Jónsson vék af fundi undir þessum lið kl. 10:01 vegna vanhæfis.



Á 731. fundi byggðaráðs þann 9. apríl 2015 var eftirfarandi bókað:

"Guðmundur St. Jónsson sat ekki fundinn undir þessum lið vegna vanhæfis, Valdís Guðbrandsdóttir sat fundinn undir þessum lið í hans stað. Undir þessum lið komu á fund byggðaráðs Valur Þór Hilmarsson, umhverfisstjóri og Júlíus Júliusson, framkvæmdastjóri Fiskidagsins mikla, kl. 14:37. Á 730. fundi byggðaráðs þann 30. mars 2015 var eftirfarandi bókað: "Frá Fiskideginum mikla: Vegna minnisstöpla Fiskidagsins mikla við Byggðasafnið Hvol - 201503172 Undir þessum lið sat fundinn Valdís Guðbrandsdóttir, varamaður Guðmundar St. Jónssonar, vegna vanhæfis Guðmundar. Tekið fyrir erindi frá Fiskideginum mikla, bréf dagsett þann 23. mars 2015, þar sem fram kemur ósk um að Dalvíkurbyggð formlega taki við og sjái um minnisstöpla við Byggðasafnið Hvol vegna heiðrunar Fiskidagsins mikla. Einnig er óskað eftir að minnisstöplunum verði breytt í samræmi við fyrri umræðu og er vísað í meðfylgjandi teikningu frá fyrrverandi garðyrkjustjóra frá tveimur árum. Einnig kemur fram sú beiðni um að nýtt fyrirkomulag minnisstöpla yrði vígt á 15 ára afmæli Fiskidagsins mikla í ár. Til umræðu ofangreint. Afgreiðslu frestað. Byggðarráð samþykkir samhljóða með 3 atkvæðum að fá Júlíus Júlíusson, umhverfisstjóra og sviðsstjóra umhverfis- og tæknisviðs á fund byggðaráðs. " Til umfjöllunar ofangreint. Valur Þór og Júlíus viku af fundi kl. 14:57.

Byggðaráð samþykkir samhljóða með 3 atkvæðum að fela umhverfisstjóra, Valdísi Guðbrandsdóttur og Heiðu Hilmarsdóttur ásamt 2 - 3 fulltrúum frá Fiskideginum mikla að skoða hugmyndir að nýrri staðsetningu á hafnarsvæðinu, í samráði við Hafnarstjóra. Guðmundur St. Jónsson kom inn á fundinn að nýju kl. 15:01.



Í rafpósti frá sviðsstjóra umhverfis- og tæknisviðs þann 16. júní s.l. sem svar við fyrirspurn sviðsstjóra fjármála- og stjórnsýslusviðs kemur fram að hann hafi rætt við umhverfisstjóra um stöðu málsins og að það sé í vinnslu hjá þeim sem skipaðir voru til þess. Næsta skref væri að taka einn minnisstöpul niður og prófa að setja þetta upp við smábátahöfnina.
Lagt fram til kynningar.

16.Frá kvenfélaginu Tilraun; Ósk um að fá greiddan út eignarhlut félagsins vegna Rima.

Málsnúmer 201506133Vakta málsnúmer

Guðmundur St. Jónsson kom inn á fundinn að nýju undir þessum lið kl. 10:03.



Tekið fyrir erindi frá kvenfélaginu Tilraun, dagsett þann 25. júní 2015, þar sem fram kemur að félagið óskar eftir að Dalvíkurbyggð greiði félaginu helmings eignarhlut félagsins í Rimum fyrir 1. mars 2016. Samkvæmt upplýsingum sem félagið fékk frá Dalvíkurbyggð er eignarhlutur félagsins kr. 5.143.464.



Það skal áréttað að ekki er um eignarhluta að ræða í Rimum heldur er félagið eitt af svokölluðum aðildarfélögum en gengið var frá því með þinglýstum samningum 22. maí 1998 að félögin fengu stofnfé sitt endurgreitt í samræmi við ákvæði aðildarsamninganna sem og viðauka sem gerður var síðar, ef félögin færu fram á það.
Byggðaráð samþykkir með 3 atkvæðum að vísa ofangreindu erindi til skoðunar við gerð fjárhagsáætlunar 2016-2019.

17.Frá Þjóðskrá Íslands; Fasteignamat 2016

Málsnúmer 201506134Vakta málsnúmer

Tekið fyrir bréf frá Þjóðskrá Íslands, dagsett þann 24. júní 2015, þar sem fram kemur að fasteignamats allra fasteigna ber að endurmeta 31. maí ár hvert. Þjóðskrá Íslands skal kynna sveitarfélögum og eigendum fasteigna niðurstöður endurmatsins í júní mánuði og tekur nýtt fasteignamat gildi næsta 31. desember, sbr. 32. gr. laga nr. 6/2001, um skráningu og mat fasteigna. Með vísan til þess sendir Þjóðskrá Íslans meðfylgjandi lista þar sem fram kemur heildarfjárhæð gildandi fasteignamats og þar af landsmats 2015 og heildarfjárhæð nýja matsins sem og landsmats 2015 miðað við stöðuna 31. maí s.l. ásamt hlutfallsbreytingu milli ára.
Lagt fram til kynningar.

18.Frá Húsabakka ehf; Fjárhagsáætlun 2015; ábendingar um viðhald.

Málsnúmer 201408038Vakta málsnúmer

Á 736. fundi byggðaráðs þann 28. maí 2015 var eftirfarandi bókað:

"Undir þessum lið komu á fund byggðaráðs kl. 13:00 Arnar Guðmundsson, formaður stjórnar Húsabakka ehf., Hjörleifur Hjartarson og Elín Gísladóttir, stjórnarmenn í Húsabakka ehf., og Auðunn Bjarni Ólafsson, framkvæmdastjóri Húsabakka ehf. Á 734. fundi byggðaráðs þann 7. maí 2015 var eftirfarandi bókað: "Undir þessum lið komu á fund byggðaráðs Auðunn Bjarni Ólafsson, framkvæmdastjóri Húsabakka ehf. og Hjörleifur Hjartarson, stjórnarmaður, kl. 9:05. Á 729. fundi byggðaráðs þann 27. mars 2015 var eftirfarandi bókað: "201408038 - Frá Húsabakka ehf; Fjárhagsáætlun 2015; ábendingar um viðhald. Á 720. fundi byggðaráðs þann 11. febrúar 2014 var eftirfarandi samþykkt: "Byggðarráð samþykkir samhljóða með 3 atkvæðum beiðni stjórnar Húsabakka ehf. um að draga til baka fyrri ákvörðun um uppsögn á leigusamningi á milli Dalvíkurbyggðar og Húsabakka ehf. Ný ákvörðun um framhald leigusamnings verði tekin eftir viðræður við stjórn Húsabakka ehf., í síðasta lagi 1. júní 2015. Byggðarráð samþykkir samhljóða með 3 atkvæðum að fela sveitarstjóra að leita eftir viðræðum við forsvarsmenn Húsabakka ehf. og að sveitarstjóri leiði þær viðræður fyrir hönd Dalvíkurbyggðar. Byggðarráð ítrekar fyrri bókun sína um vilja til að framlengja samning um Rima til 1. júní 2015 og verði hann tekinn til endurskoðunar í viðræðum um samninginn við Húsabakka. Byggðarráð ítrekar afstöðu sína um vilja til að selja húsnæði Húsabakka." Til umræðu ofangreint. Byggðarráð samþykkir samhljóða með 3 atkvæðum að óska eftir forsvarsmönnum Húsabakka ehf. á fund byggðarráðs." Til umræðu ofangreint. Stefnt að funda næst um ofangreint fimmtudaginn 28.maí 2015. Auðunn Bjarni og Hjörleifur viku af fundi kl. 09:40. Lagt fram til kynningar. Byggðarráð samþykkir samhljóða með 3 atkvæðum að fela sveitarstjóra að ganga frá málum hvað varðar leigusamning um Rima." Forsvarsmenn Húsabakka ehf. lögðu fram minnisblað dagsett þann 27. maí 2015 frá aðalfundi Húsabakka ehf. varðandi ofangreind mál og hvernig stjórn og hluthafar sjá fyrir sér næstu skref. Til umræðu ofangreint. Arnar, Hjörleifur, Elín og Auðunn Bjarni viku af fundi kl. 13:33.

Byggðaráð samþykkir samhljóða með 3 atkvæðum að fela sveitarstjóra að setja upp minnisblað í samráði við framkvæmdastjóra Húsabakka ehf. um næstu skref fyrir næsta fund byggðaráðs. Byggðaráð samþykkir samhljóða með 3 atkvæðum að fresta ákvörðun um framhald leigusamnings og ákvörðun um ný tímamörk verður tekin þegar ofangreint minnisblað liggur fyrir, en markmiðið var að ný ákvörðun lægi fyrir í síðasta lagi 1. júní n.k. "



Með fundarboði byggðaráðs fylgdi minnisblað sveitarstjóra og framkvæmdastjóra Húsabakka ehf. dagsett þann 8. júlí 2015 þar sem fram kemur eftirfarandi:



Minnisblað þetta er gert í þeim tilgangi að hnykkja á sameiginlegum skilningi undirritaðra vegna hugmynda Dalvíkurbyggðar um sölu á skólabyggingum á Húsabakka en þær eru:

-Skólabygging A (fastanúmer 215-5822) var byggð 1953 og er 675,8 fm og þar af kennaraíbúð sem er 100,3 fm. Hlutur ríkisins í árslok 2004 var 32,44% í skólabyggingunni og 75% í íbúðinni.

-Skólabygging B (fastanúmer 215-5823) var byggð 1966 og er 556,4 fm og þar af kennaríbúð sem er 117,9 fm. Hlutur ríkisins í árslok 2004 var 28,96% í skólabyggingunni og 75% í íbúðinni.



Undirritaðir forsvarsmenn Dalvíkurbyggðar og Húsabakka ehf. eru sammála um neðangreind atriði:

-Aðilar munu gefa sér tíma fram til 15. september að ná niðurstöðu um hugsanleg kaup Húsabakka ehf. á ofangreindum fasteignum.

-Farið verður m.a. yfir þær spurningar sem hafa vaknað meðal hluthafa Húsabakka ehf. og í því sambandi er vísað til bréfs stjórnar Húsabakka ehf. til Dalvíkurbyggðar frá 27.05.2015.

Lagt fram til kynningar.

Byggðaráð samþykkir samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að senda inn erindi til ríksins er varðar eignarhluta þess í byggingum á Húsabakka.

19.Frá formanni byggðaráðs; Úttekt og samanburður á tekjum og þjónustu sveitarfélaga.

Málsnúmer 201507012Vakta málsnúmer

Gert var fundarhlé kl. 10:25 vegna skóflustungu viðbyggingar við Krílakot og fundið áframhaldið kl. 10:51.





Breytingar hafa verið gerðar á hitaveitumálum þannig að nú er greitt orkugjald í stað rúmmetragjalds. Lagt er til að tekið verði saman áhrif þessa fyrir notendur Hitaveitu Dalvíkur. Skoðað verði hver hitaveitugjöldin eru í samanburði við önnur sveitarfélög.



Einnig er lagt til að gerður verði samanburður á því hvað kostar að búa í Dalvíkurbyggð miðað við önnur sveitarfélög og hvert þjónustustigið er t.d. útgjöld til íþróttamál og fleira. Farið verði ofan í saumana á öllum gjöldum s.s. útsvari, fasteignagjöldum, lóðarleigu, veitugjöldum, sorphirðugjöldum, ÆskuRækt o.fl.
Byggðaráð samþykkir samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að setja ofangreinda vinnu af stað í samræmi við umræður á fundinum en ætlunin er að nota þessa upplýsingar í vinnu við starfs- og fjárhagsáætlun 2016-2019.

20.Veitu- og hafnaráð Dalvíkurbyggðar - 33

Málsnúmer 1506009Vakta málsnúmer

Enginn tók til máls og ekkert þarfnast afgreiðslu.

Fundi slitið - kl. 12:30.

Nefndarmenn
  • Gunnþór Eyfjörð Gunnþórsson Formaður
  • Kristján Guðmundsson Varaformaður
  • Guðmundur St. Jónsson Aðalmaður
Starfsmenn
  • Bjarni Theódór Bjarnason Sveitarstjóri
  • Guðrún Pálína Jóhannsdóttir Sviðstjóri
Fundargerð ritaði: Guðrún Pálína Jóhannsdóttir sviðsstjóri fjármála- og stjórnsýslusviðs