Atvinnumála- og kynningarráð

Þjónustu- og upplýsingafulltrúi fór yfir stöðu á lykli 21500 - Risna, móttökur og kynningarmál.

Ljóst er að ekki fæst aukið fjármagn á lykilinn á næsta ári og því farið yfir hugmyndir yfir hvað sé hægt að gera í kynningarmálum fyrir þá fjárhæð sem gert er ráð fyrir á lykli 21500 á árinu 2021.

Íris Hauksdóttir, þjónustu- og upplýsingafulltrúi fór yfir ör-ráðstefnu Dalvíkurbyggðar og SSNE sem haldin var sl. miðvikudag, 25. nóvember.

Hugmyndir um tímasetningu næstu ör-ráðstefnu ræddar og mögulegt þema.

Farið yfir stöðu mála hvað varðar verkefnið Skönnun opinberra vefja en lokaúttekt á vef var 1. desember.

Samkvæmt reglugerð nr. 731/20120, um úthlutun byggðakvóta á fiskveiðiárinu 2020/2021, hefur sjávarútvegs- og landbúnaðarráðherra allt að 4.810 þorskígildistonn af botnfiski til ráðstöfunar til byggðalaga sem falla undir skilyrði a.og b. liðar 1. mgr. 1. gr. reglugerðarinnar.

Nú hefur verið úthlutað á byggðir innan Dalvíkurbyggðar og er úthlutunin svohljóðandi:
Árskógssandur - 4,38% af heild - 210 tonn
Dalvík - 1,46% af heild - 70 tonn
Hauganes - 0,31% af heild - 15 tonn

Samtals koma 295 tonn í hlut Dalvíkurbyggðar.

Með bréfi ráðuneytisins frá 11. september sl. var óskað eftir rökstuddum tillögum sveitarstjórna varðandi sérstök skilyrði um úthlutun byggðakvóta sveitarfélagsins og einstakra byggðalaga. Sá frestur var síðan framlengdur til 30. október þar sem skipting úthlutunar byggðakvóta lá ekki fyrir.

Nú liggur úthlutunin fyrir og er þá sveitarfélögum aftur gefinn frestur til 8. desember til að óska eftir breytingum á þegar innsendum tillögum.

Eftir að sérreglur byggðalaga hafa verið teknar til efnislegrar meðferðar í ráðuneytinu og auglýstar á vef þess mun ráðuneytið beina því til Fiskistofu að auglýsa byggðakvóta fyrir viðkomandi byggðarlög til umsóknar eins fljótt og auðið er.

Lögð fram til kynningar fundargerð og fundargögn aðalfundar Samtaka sjávarútvegssveitarfélaga frá 30. október 2020.

Fundargerð 18. fundar SSNE lögð fram til kynningar

Lagðar fram til kynningar fundargerðir Samtaka sjávarútvegssveitarfélaga 2020, fundargerðir 56.-60. fundar.