Ungmennaráð

Ungmennaráð leggur til að hátíðarhöldum á 17. júní verði frestað og fjármagn sem áætlað er til hátíðarhaldanna verði notað seinna í sumar til að búa til skemmtun fyrir börn og ungmenni. Ráðið leggur til að reynt verði að hafa fjallkonu og hátíðarræðu með rafrænum hætti.

Ungmennaráðið gerir engar athugsemdir við núverandi reglur.

Á 938. fundi byggðaráðs var tekinn fyrir rafpóstur frá Unicef á Íslandi, dagsettur 25. febrúar 2020, tilboð um þátttöku í verkefninu barnvæn sveitarfélög. Um er að ræða verkefni sem styður sveitarfélög í innleiðingu Barnasáttmála Sameinuðu þjóðanna, sem var lögfestur hér á landi árið 2013. Byggðaráð vísaði erindinu til umsagnar í fræðsluráði, ungmennaráði og félagsmálaráði. Tekinn fyrir fyrrgreindur póstur en þar kemur fram að í kjölfar lögfestingar Barnasáttmálans á Íslandi árið 2013 varð aukning í eftirspurn eftir fræðsluefni og stuðningi við innleiðingu sáttmálans. UNICEF á Íslandi hefur þróað verkefni fyrir innleiðingu Barnasáttmálans innan sveitarfélaga - verkefnið barnvæn sveitarfélög. Að sveitarfélög innleiði Barnasáttmálann þýðir samþykki að nota sáttmálann sem viðmið í sínu starfi og að forsendur hans gangi sem rauður þráður gegnum starfsemi þess.

Ungmennaráð leggur til að Dalvíkurbyggð taki þátt í verkefninu Barnvæn samfélög.

Rætt um atvinnu fyrir ungt fólk í sumar. Búið er að sækja um ýmis átaksverkefni þar sem reiknað er með því að margt ungt fólk fái ekki vinnu í sumar.