Umhverfis- og dreifbýlisráð

Á fundinn mættu þau Snorri Snorrason, Gitta Unn Ármannsdóttir og Jónas Þór Leifsson úr Fjallskilanefnd Árskógsstrandar til að fylgja eftir erindi sínu varðandi Fjallgirðingasjóð Árskógsstrandar. Nefndin hefur óskað eftir upplýsingum um sjóðinn og stöðu hans fyrir árin 2022-2025.

Tekið fyrir erindi frá SSNE, rafpóstur dagsettur þann 20. janúar sl., þar sem meðfylgjandi er erindi til sveitarfélaga ásamt lokadrögum að loftlagsstefnu Norðurlands eystra.

Fram kemur að á 79. stjórnarfundi SSNE, sem haldinn var 8. janúar s.l., voru meðfylgjandi drög að loftslagsstefnu Norðurlands eystra lögð fram, en starfshópur SSNE um sameiginlega loftslagsstefnu landshlutans hefur nú lokið störfum. Stjórn samþykkti að drögin yrðu send til umfjöllunar í sveitarstjórnum innan SSNE. Drögin eru því hér með send til umfjöllunar í sveitarstjórnum sveitarfélaga innan SSNE og er óskað eftir því að athugasemdir eða ábendingar berist SSNE í síðasta lagi þann 4. mars næstkomandi. Stefnt er að því að loftslagsstefnan verði staðfest á ársþingi SSNE sem haldið verður þann 26. mars næstkomandi.

Farið yfir rekstur þeirra málaflokka sem heyra undir ráðið fyrir allt árið 2025.

Farið yfir lokastöðu verkefna og framkvæmda ársins 2025.

Til umræðu fjárfestinga- og framkvæmdaáætlun ársins 2026. Fyrirhugað er að halda opinn verktakafund í Bergi miðvikudaginn 11. febrúar þar sem helstu verkefni ársins verða kynnt.

Með rafpósti, dagsettum 27. janúar 2026, tilkynnir Úrvinnslusjóður að árið 2026 verði greitt mánaðarlega fyrir sérstaka söfnun sveitarfélaga á umbúðum úr pappa, plasti, gleri og málmi. Búið er að koma upp gagnagátt þar sem þjónustuaðilar skila inn söfnunargögnum frá sveitarfélaögum og mikilvægt að fylgst sé með því að þau berist.

Farið yfir stöðu á eftirliti með efnisnámum í landi Dalvíkurbyggðar og innheimtu gjalda fyrir efnisnám. Búið er að mæla upp námurnar og áætla magn þess efnis sem tekið hefur verið á árunum 2022-2024. Mælingarnar voru gerðar af COWI með drónamyndatöku.

Fyrir fundinum lágu skógræktaráætlanir fyrir Bögg og Brúarhvammsreit unnar af Skógræktarfélagi Eyfirðinga. Búið er að halda tvo kynningarfundi fyrir íbúa vegna framtíðaráætlana fyrir skógarreitina í nóvember sl.

Lögð fram til kynningar fundargerð 245. fundar Heilbrigðisnefndar Norðurlands eystra frá 17. desember 2025.