Efnistaka í landi Dalvíkurbyggðar

Umhverfis- og dreifbýlisráð felur starfsmönnum Framkvæmdasviðs að vinna áfram að úttekt á efnisnámum í landi sveitarfélagsins ásamt því að breyta verklagsreglum vegna innheimtu.
Samþykkt samhljóða með fimm atkvæðum.

Umhverfis- og dreifbýlisráð leggur til að sótt verði um viðauka til Byggðaráðs til uppmælinga á námum sveitarfélagsins og mati á efnisgerð.
Samþykkt samhljóða með fimm atkvæðum.

Vinna við gerð deiliskipulags fyrir efnistöku-, iðnaðar- og athafnasvæði við Hrísamóa er á forgangslista skipulagsráðs. Stefnumörkun fyrir efnistöku og efnislosun í sveitarfélaginu er vísað til aðalskipulagsgerðar.
Samþykkt samhljóða með fimm atkvæðum.

Umhverfis- og dreifbýlisráð telur nauðsynlegt að efla enn frekar eftirlit með efnistökusvæðum í landi sveitarfélagsins. Innheimta gjalda fyrir efnistöku er í greinilegu ósamræmi við magnmælingar á efni í námunum. Ráðið felur deildarstjóra að kanna leiðir og kostnað við uppsetningu á myndavélakerfi á efnistöku- og efnislosunarsvæðunum.
Samþykkt samhljóða með 5 atkvæðum.