Umferðaröryggisáætlun Dalvíkurbyggðar - Endurskoðun 2025

Málsnúmer 202501029

Umhverfis- og dreifbýlisráð - 28. fundur - 10.01.2025

Til umræðu uppfærsla á Umferðaröryggisáætlun, en eldri áætlun var unnin árið 2017.

Umhverfis- og dreifbýlisráð er sammála um að mikilvægt sé að uppfæra Umferðaröryggisáætlunina. Ráðið felur Deildarstjóra að uppfæra eldri áætlun eins og hægt er fyrir næsta fund. Umhverfis- og dreifbýlisráð hyggst senda drög að uppærðri áætlun til umsagnar í önnur ráð sveitarfélagsins.
Samþykkt samhljóða með fimm atkvæðum.

Umhverfis- og dreifbýlisráð - 29. fundur - 07.02.2025

Farið yfir fyrstu drög að uppfærlsu á eldri Umferðaröryggisáætlun. Taka þarf afstöðu til þess hvernig áfram verði unnið að uppfærslunni.

Umhverfis- og dreifbýlisráð leggur til að leitað verði álits íbúa á umferðaröryggismálum með könnun á heimasíðu sveitarfélagsins. Einnig verði gönguleiðir skólabarna kannaðar aftur. Niðurstöður úr þessum könnunum verði svo nýttar við uppfærslu á áætluninni.
Samþykkt samhljóða með fimm atkvæðum.

Umhverfis- og dreifbýlisráð - 39. fundur - 05.12.2025

Fyrir fundinum lágu drög að uppfærslu á Umferðaröryggisáætlun Dalvíkurbyggðar.

Umhverfis- og dreifbýlisráð leggur til að gerð verði önnur könnun meðal skólabarna um gönguleiðir og að þær fyriráætlanir sem koma fram í deiliskipulagi þjóðvegarins í gegn um Dalvík verði teknar inn í áætlunina.
Deildarstjóra er falið að vinna verkefnið áfram.
Samþykkt samhljóða með fimm atkvæðum.

Umhverfis- og dreifbýlisráð - 41. fundur - 13.03.2026

Farið yfir drög að uppfærðri Umferðaröryggisáætlun Dalvíkurbyggðar þar sem búið er að taka inn í hana áherslur nýsamþykkts deiliskipulgs fyrir þjóðveginn í gegn um Dalvík.

Umhverfis- og dreifbýlisráð vísar framlögðum drögum að uppfærðri Umferðaröryggisáætlun inn í önnur fagráð sveitarfélagsins til umsagnar.
Samþykkt samhljóða með fimm atkvæðum.

Byggðaráð - 1179. fundur - 09.04.2026

Á 41. fundi umhverfis- og dreifbýlisráðs þann 13.mars sl. var eftirfarandi bókað:
"Farið yfir drög að uppfærðri Umferðaröryggisáætlun Dalvíkurbyggðar þar sem búið er að taka inn í hana áherslur nýsamþykkts deiliskipulgs fyrir þjóðveginn í gegn um Dalvík.
Niðurstaða : Umhverfis- og dreifbýlisráð vísar framlögðum drögum að uppfærðri Umferðaröryggisáætlun inn í önnur fagráð sveitarfélagsins til umsagnar.
Samþykkt samhljóða með fimm atkvæðum."

Með fundarboði byggðaráðs fylgdi ofangreind tillaga að Umferðaröryggisáætlun Dalvíkurbyggðar ásamt fylgigögnum.

Byggðaráð samþykkir eftirfarandi ábendingar með 3 atkvæðum:
Að þriggja manna teymi verði ábyrgt fyrir umsjón með áætluninni í stað þess að einn starfsmaður verði tilnefndur tengiliður.
Að aðgerðaráætlunin þurfi að vera með skírskotun í gildandi starfs- og fjárhagsáætlun hverju sinni.
Að Framkvæmdaráð taki til skoðunar að Umferðaröryggisáætlunin verði birt íbúum til umsagnar.

Fjölskylduráð - 1. fundur - 14.04.2026

Fjölskylduráð vekur athygli á að gott væri að bæta við gangbraut á Böggvisbraut milli Hólavegar og Mímisvegar.

Skólafólk fór af fundi kl. 09:00

Veitu- og hafnaráð - 155. fundur - 15.04.2026

Til umsagnar drög að uppfærðri Umferðaröryggisáætlun Dalvíkurbyggðar. Á 41. fundi Umhverfis- og dreifbýlisráðs, þann 13. mars sl., var drögunum vísað til umsagnar í öðrum fagráðum sveitarfélagsins.

Áður tekið fyrir í byggðaráði þann 9. apríl sl. og í umhverfis- og dreifbýlisráði þann 13. mars sl.

Veitu- og hafnaráð samþykkir samhljóða með fimm atkvæðum að við vinnu við umferðaröryggisáætlun Dalvíkurbyggðar verði sérstaklega hugað að öryggismálum við ferjubryggjur m.t.t. gangandi og akandi vegfarenda.

Framkvæmdaráð - 1. fundur - 15.04.2026

Lögð fram til umsagnar drög að uppfærðri Umferðaröryggisáætlun Dalvíkurbyggðar. Á 41.fundi umhverfis- og dreifbýlisráðs þann 13. mars sl. var drögunum vísað til umsagnar í öðrum fagráðum sveitarfélagsins.

Framkvæmdaráð tekur undir bókun byggðaráðs frá 9.apríl sl. þar sem lagt er til að myndað verði þriggja manna teymi sem sjái um utanumhald með uppfærslu á umferðaröryggisáætlun hverju sinni.
Samþykkt samhljóða með fimm atkvæðum.