Trúnaðarmál

Málsnúmer 202012055

Vakta málsnúmer

Byggðaráð - 971. fundur - 17.12.2020

Bókað í trúnaðarmálabók.

Byggðaráð - 972. fundur - 07.01.2021

Bókað í trúnaðarmálabók.

Byggðaráð - 973. fundur - 14.01.2021

Bókað í trúnaðarmálabók.

Sveitarstjórn - 331. fundur - 19.01.2021

Með fundarboði sveitarstjórnar fylgdi eftirfarandi tillaga frá sveitastjóra fyrir hönd byggðaráðs, dagsett þann 15. janúar 2021.

Á 329. fundi sveitarstjórnar þann 24. nóvember 2020 upplýsti sveitarstjóri að sviðsstjóri veitu- og hafnasviðs muni láta af störfum þann 30. apríl 2021 vegna aldurs. Með fundarboði fylgdi uppsögn sviðsstjóra úr starfi og starfslýsing sviðsstjóra veitu- og hafnasviðs frá ágúst 2020. Sveitarstjórn samþykkir samhljóða með 7 atkvæðum uppsögn sviðsstjóra veitu- og hafnaviðs vegna aldurs og afgreiðslu byggðaráðs um að fela sveitarstjóra úrvinnslu mála vegna starfsloka sviðsstjóra veitu- og hafnasviðs.

Í framhaldi af úrvinnslu sveitarstjóra leggur byggðaráð til við sveitarstjórn skipulagsbreytingar sem eru eftirfarandi, samanber bókun byggðaráðs á fundi sínum þann 14.01.2021 í trúnaðarmálabók:

Umhverfis- og tæknisvið og Veitu- og hafnasvið verði sameinuð í eitt nýtt svið; Framkvæmdasvið. Samhliða þessu verði stöður sviðsstjóra veitu- og hafnasviðs og sviðsstjóra umhverfis- og tæknisviðs lagðar niður. Ný staða sviðsstjóra framkvæmdasviðs (100% stöðugildi) og ný staða byggingar- og skipulagsfulltrúa (100% stöðugildi) verða til. Jafnframt leggur byggðaráð til við sveitarstjórn að staða sviðsstjóra framkvæmdasviðs verði auglýst laus til umsóknar.

Meðfylgjandi eru drög að skipuriti fyrir nýtt framkvæmdasvið skv. ofangreindri tillögu að skipulagsbreytingum.

Til máls tóku:
Katrín Sigurjónsdóttir.
Gunnþór Eyfjörð Gunnþórsson, sem leggur til tillögu að bókun og afgreiðslu sveitarstjórnar.
Guðmundur St. Jónsson.
Þórhalla Karlsdóttir.
Dagbjört Sigurpálsdóttir.



Sveitarstjórn samþykkir samhljóða með 7 atkvæðum ofangreinda tillögu að skipulagsbreytingum þannig að eftirfarandi breytingar verði á skipulagi og störfum hjá sveitarfélaginu:

Meginmarkmið skipulagsbreytinganna er að auka skilvirkni í stjórnkerfinu, bæta þjónustu og samhæfa rekstur og starfssemi þeirra málaflokka er undir hið nýja svið heyra.

Umhverfis- og tæknisvið og Veitu- og hafnasvið verða sameinuð í eitt nýtt svið; Framkvæmdasvið. Samhliða þessu er staða sviðsstjóra veitu- og hafnasviðs lögð niður sem og staða sviðsstjóra umhverfis- og tæknisviðs lögð niður. Til verður ný staða sviðsstjóra framkvæmdasviðs (100% stöðugildi) yfir hinu nýja sviði. Til verður ný staða byggingar- og skipulagsfulltrúa (100% stöðugildi) á nýju framkvæmdasviði.

Sveitarstjórn samþykkir að bjóða sviðsstjóra umhverfis- og tæknisviðs starf byggingar- og skipulagsfulltrúa á hinu nýja sviði og felur sveitarstjóra úrvinnslu.
Sveitarstjórn samþykkir samhljóða með 7 atkvæðum að staða sviðsstjóra framkvæmdasviðs verði auglýst laus til umsóknar og felur sveitarstjóra undirbúning og úrvinnslu.
Sveitarstjórn samþykkir samhljóða með 7 atkvæðum meðfylgjandi drög að skipuriti fyrir nýtt framkvæmdasvið samkvæmt ofangreindri samþykkt að skipulagsbreytingum.


Byggðaráð - 977. fundur - 01.03.2021

Á 332. fundi sveitarstjórnar þann 23. febrúar sl. var til umfjöllunar ráðning sviðsstjóra framkvæmdasviðs. Sú tillaga var samþykkt samhljóða með 7 atkvæðum að hafna öllum umsækjendum um starfið og auglýsa það að nýju.

Á 331. fundi sveitarstjórnar þann 19. janúar sl. var samþykkt samhljóða með 7 atkvæðum að bjóða sviðsstjóra umhverfis- og tæknisviðs nýtt starf byggingar- og skipulagsfulltrúa á hinu nýja sviði. Sviðsstjóri umhverfis- og tæknisviðs mun ekki þiggja boð um starf byggingar- og skipulagsfulltrúa.

Fyrir liggur því að auglýsa þarf 2 nýjar stöður; sviðsstjóri framkvæmdasviðs og byggingar- og skipulagsfulltrúi.

Til umræðu auglýsingar um ofangreindar stöður.
Byggðaráð samþykkir samhljóða með 3 atkvæðum að fela sveitarstjóra úrvinnslu málsins og auglýsa ofangreind störf í samræmi við umræður á fundinum.

Byggðaráð - 978. fundur - 11.03.2021

Bókað í trúnaðarmálabók.

Sveitarstjórn - 333. fundur - 16.03.2021

Á 977. fundi byggðaráðs þann 1. mars 2021 var eftirfarandi bókað og samþykkt;
"Á 332. fundi sveitarstjórnar þann 23. febrúar sl. var til umfjöllunar ráðning sviðsstjóra framkvæmdasviðs. Sú tillaga var samþykkt samhljóða með 7 atkvæðum að hafna öllum umsækjendum um starfið og auglýsa það að nýju.

Á 331. fundi sveitarstjórnar þann 19. janúar sl. var samþykkt samhljóða með 7 atkvæðum að bjóða sviðsstjóra umhverfis- og tæknisviðs nýtt starf byggingar- og skipulagsfulltrúa á hinu nýja sviði. Sviðsstjóri umhverfis- og tæknisviðs mun ekki þiggja boð um starf byggingar- og skipulagsfulltrúa.

Fyrir liggur því að auglýsa þarf 2 nýjar stöður; sviðsstjóri framkvæmdasviðs og byggingar- og skipulagsfulltrúi.

Til umræðu auglýsingar um ofangreindar stöður.

Byggðaráð samþykkir samhljóða með 3 atkvæðum að fela sveitarstjóra úrvinnslu málsins og auglýsa ofangreind störf í samræmi við umræður á fundinum."
Enginn tók til máls.

Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.