Landbúnaðarráð

117. fundur 11. maí 2018 kl. 13:30 - 15:15 í Múla á 3. hæð í Ráðhúsi Dalvíkur

Nefndarmenn

Jón Þórarinsson Formaður
Freyr Antonsson Varaformaður
Guðrún Erna Rudolfsdóttir Aðalmaður
Gunnsteinn Þorgilsson Aðalmaður

Starfsmenn

Börkur Þór Ottósson Sviðstjóri

Fundargerð ritaði: Börkur Þór Ottósson sviðsstjóri Umhverfis- og tæknisviðs

Dagskrá

Guðrún Anna Óskarsdóttir boðaði forföll og engin kom í hennar stað.

1.Frá 867. fundi byggðaráðs þann 11.05.218; Frá Prima lögmönnum; Vegna umsóknar um lóðarstækkun - samningar um beitiland.

Málsnúmer 201711054 Vakta málsnúmer

Undir þessum lið komu á fund landbúnaðarráðs Bjarni Th. Bjarnason, sveitastjóri, og Guðmundur St. Jónsson, aðalmaður í byggðaráði, kl. 13:30.

Á 867. fundi byggðaráðs þann 11. maí 2018 var eftirfarandi bókað:
"Á 861. fundi byggðaráðs þann 28. mars 2018 var eftirfarndi bókað:
'Á 858. fundi byggðaráðs var m.a. samþykkt eftirfarandi: 'Á 855. fundi byggðaráðs þann 8. febrúar 2018 var m.a. eftirfarandi bókað: Byggðaráð samþykkir samhljóða með 3 atkvæðum að fela sviðsstjóra fjármála- og stjórnsýslusviðs að hafa samband við bæjarlögmann og fela honum að taka málið áfram í samræmi við umræður á fundinum. Sviðsstjóri fjármála- og stjórnsýslusviðs og sviðsstjóri umhverfis- og tæknisviðs gerðu grein fyrir framvindu málsins. Lagt fram til kynningar.' Með fundarboði byggðaráðs fylgdi erindi frá Prima lögmönnum, dagsett þann 20. mars 2017, til Dalvíkurbyggðar og Pacta lömanna er varðar fyrirhugaða hesthúsalóð. Til umræðu ofangreint.
Byggðaráð samþykkir samhljóða með 3 atkvæðum að fela bæjarlögmanni að taka málið áfram í samræmi við umræður á fundinum. '

Ofangreint mál var einnig áfram til umfjöllunar á fundum byggðaráðs nr. 864 og nr. 865.

Með fundarboði byggðaráðs fylgdi drög að samkomulagi við Viðarholt ehf., Freydísi Dönu Sigurðardóttur, kt. 010672-5549, Árskógi lóð 1, vegna fyrirhugaðrar byggingar hesthúss í Dalvíkurbyggð.

Til umræðu ofangreint.

Byggðaráð samþykkir samhljóða með 3 atkvæðum að óska eftir að landbúnaðarráð fjalli um málið á fundi sínum í dag kl. 13:30 vegna samninga um beitiland. Byggðaráð leggur áherslu á að farið verði yfir þau atriði sem standa út af og felur bæjarlögmanni að fara yfir málin með forsvarsmönnum Viðarholts ehf. og lögmanni þeirra."

Bjarni Th. Bjarnason, sveitastjóri, og Guðmundur St. Jónsson, aðalmaður í byggðaráði, viku af fundi kl. 13:57.
Ráðið þakkar þeim Bjarna og Guðmundi fyrir yfirferð á stöðu málsins.

Landbúnaðarráð felur sviðsstjóra að ræða við umsækjendur samkvæmt umræðum á fundinum og gera uppkast að nýjum leigusamningi.
Ráðið leggur til að haldinn verði aukafundur eftir hádegi mánudaginn 14. maí vegna málsins.

2.Fundargerðir Fjallskiladeilda 2017

Málsnúmer 201710042 Vakta málsnúmer

Til umræðu sameiginleg greinargerð Guðrúnar V. Steingrímsdóttur lögfræðings Bændasamtakanna og Ólafs Dýrmundssonar fyrrverandi ráðunautur Bændasamtakanna vegna fjallskilamála í Dalvíkurbyggð.

Samkvæmt niðurstöðu greinagerðarinnar er ekki heimilt að leggja dagsverk á sauðlausar jarðir í Dalvíkurbyggð án samþykkis viðkomandi umráðamanns þar sem eingöngu er stuðst við fjárfjölda við niðurröðun dagsverka. Þar sem grunnviðmið við álagningu gangnadagsverka í Dalvíkurbyggð er fjárfjöldi en ekki landverð eins og heimilt er í lögum að nota.
Ef landverð væri notað sem viðmið þá myndi það þurfa að gilda á allar jarðir í sveitarfélaginu.

Að gefnu tilefni vill landbúnaðarráð benda á að allir umráðendur lands í Dalvíkurbyggð skulu smala sín heimalönd samhliða fyrstu og öðrum göngum og gera skil á ókunnu fé sem þar kann að vera.
Ráðið vill beina því til fjallskilastjóranna að þeir ítreki ábendingar til landeigenda hvað varðar heimalöndin jafnt og send er út niðurröðun fjallskila.

Þá skal því beint til fjallskilastjóra að þeir noti í öllum deildunum þremur sömu viðmiðunartölu til mats á dagsverkum sem yrði þá fyrir næstkomandi haust kr. 8.870,-

3.Göngur og réttir í Dalvíkurbyggð 2018

Málsnúmer 201805030 Vakta málsnúmer

Til umræðu ákvörðun um fjallskil og göngur haustið 2018.

Samkvæmt fyrri samþykktum og skoðanakönnunum leggur landbúnaðarráð til að fyrstu göngur í Svarfaðardalsdeild, Dalvíkurdeild og Árskógsdeild verði helgina 7. til 9. september og seinni göngur í öllum deildum viku síðar eða um helgina 14. til 16 september. Framvegis verður reiknað með að önnur og þriðja helgi í september verði fastar gangnahelgar.

Hrossasmölun og eftirleit í Skíðadalsafréttum verði 6. október og 7. október.

Samþykkt með fjórum atkvæðum.

4.Ósk um breytingu á gangnadögum haustið 2018

Málsnúmer 201804104 Vakta málsnúmer

Með innsendu erindi dags. 24. apríl 2018 óskar Zophonías Jónmundsson eftir breytingu á gangnadögum samkvæmt meðfylgjandi gögnum.

Vegna beiðni frá Zophoníasi Jónmundssyni um að fá að framkvæma fyrstu göngur 25. til 26. ágúst eða 1.-2. september 2017, samþykkir landbúnaðarráð Dalvíkurbyggðar að veita frávik um viku frá auglýstum gangnadögum og þá með þeim skilyrðum að leggja til gangnamenn helgina 7.-9. september á Ytra- Holtsdal samhliða auglýstum gangnadögum.

Landbúnaðarráð vill benda á að ekki hafa verið gerðar athugasemdir við að bændur smali sín heimaupprekstarlönd á sína ábyrgð vegna sumarslátrunar óháð auglýstum gangnadögum, en taka skal fram að ef komi fram ókunnugt fé við þannig smölun þá skal því komið aftur á fjall.

Samþykkt með fjórum atkvæðum.

5.Mánaðarlegar stöðuskýrslur fyrir fagráð og byggðaráð

Málsnúmer 201604102 Vakta málsnúmer

Stöðuyfirlit á málaflokk 13210 frá 1. janúar til 1.mars 2018.

Lagt fram til kynningar.

6.Ábendingar og kvartanir.

Málsnúmer 201804066 Vakta málsnúmer

Til umræðu ábending íbúa vegna kattahalds ofl. á Dalvík.

Landbúnaðarráð Dalvíkurbyggðar áréttar við alla hunda- og kattaeigendur að fylgja þeim reglum sem í gildi eru í sveitarfélaginu, samanber samþykktir um hunda- og kattahald í Dalvíkurbyggð.

7.Upplýsingaskilti við Tungurétt

Málsnúmer 201805031 Vakta málsnúmer

Formaður landbúnaðarráðs leggur til að komið verði upp upplýsingaskilti við Tungurétt nú í sumar.

Landbúnaðarráð leggur til að útbúið verði skilti þar sem fram kemur byggingarsaga réttarinnar ofl.
Sviðsstjóra falið að koma málinu í farveg.
Samþykkt með fjórum atkvæðum.

Fundi slitið - kl. 15:15.