Íþrótta- og æskulýðsráð

94. fundur 19. september 2017 kl. 08:15 - 10:00 í Múla á 3. hæð í Ráðhúsi Dalvíkur
Nefndarmenn
  • Jón Ingi Sveinsson varaformaður
  • Íris Hauksdóttir Aðalmaður
  • Þórunn Andrésdóttir Aðalmaður
  • Zbigniew Kolodziejczyk aðalmaður
  • Kristinn Ingi Valsson formaður
Starfsmenn
  • Gísli Rúnar Gylfason Starfsmaður
  • Hlynur Sigursveinsson sviðsstjóri
Fundargerð ritaði: Gísli Rúnar Gylfason Íþrótta- og æskulýðsfulltrúi
Dagskrá

1.Fjárhagsstaða Skíðafélags Dalvíkur

201706026

Tekið fyrir erindi frá Skíðafélagi Dalvíkur um aukin styrk árið 2018.
Íþrótta- og æskulýðsráð leggur til að viðbótarstyrkur til skíðafélagsins árið 2018 verði allt að kr. 5.000.000.- eftir framvindu með fyrirvara um að aukning fáist á fjárhagsramma. Vísað er í heildar samantekt undir máli 201705174. Verði styrkurinn samþykktur óskar íþrótta- og æskulýðsráð eftir að framvinduskýrslu vegna framkvæmda og viðhalds verði skilað og greitt verði eftir þeirri skýrslu.

2.Fjárhagsáætlun 2018; aukið fjárframlag

201709012

Tekið fyrir erindi frá Golfklúbbnum Hamar, dagsett þann 31. ágúst 2017, þar sem óskað er eftir auknu fjárframlagi til nokkurra verkefna.
Íþrótta- og æskulýðsráð leggur til að viðbótarstyrkur til Golfklúbbsins árið 2018 verði allt að kr. 5.000.000 vegna vélakaupa með fyrirvara um að aukning fáist á fjárhagsramma. Verði styrkurinn samþykktur óskar íþrótta- og æskulýðsráð eftir að greitt verði samkvæmt útlögðum kostnaði félagsins. Vísað er í heildar samantekt undir máli 201705174.

Íþrótta- og æskulýðsráð sér ekki fyrir sér svæði fyrir golfvöll sem nú þegar er ekki skipulagt eða hefur verið hafnað í íbúakönnun. Ráðið leggur til að beðið verði eftir niðurstöðu umhverfisráðs vegna skipulagsmála um endanlega staðetningu og að næsta haust verði stefnt að því að heildaráætlun um uppbyggingu eða viðhald golfvallar í Dalvíkurbyggð verði tilbúin.

3.Uppbygging á vallarsvæði UMFS á Dalvík

201709001

Tekið fyrir erindi frá stjórn UMFS, dagsett þann 30. ágúst 2017, er varðar uppbyggingu á vallarsvæði UMFS á Dalvík, en stjórnin hefur samþykkt að hefja undirbúning og framkvæmdir á endurbyggingu á íþróttasvæði félagsins á næsta ári.
Samþykkt stjórnar UMFS byggir á aðkomu Dalvíkurbygðar um fjármögnun á framkvæmdakostnaði og árlegs rekstrarstyrks til að reka svæðið.
Ráðið styður uppbyggingu á íþróttamannvirkjum í Dalvíkurbyggð. Ráðið bendir á að núverandi fjárhagsrammi íþrótta- og æskulýðsmála mun að öllu óbreyttu ekki ráða við aukin rekstrarkostnað vegna umbeðinnar uppbyggingar á íþróttavelli. Mikilvægt er að ekki verði skorið af öðrum rekstarliðum málaflokksins til að bregðast við auknum rekstarkostnaði í framtíðinni.

Íþrótta- og æskulýðsráð leggur til að gert verði ráð fyrir uppbyggingu á gervigrasvelli á íþróttasvæði UMFS í fjárhagsáætlun næstu tveggja ára.
Samþykkt með 4 atkvæðum af 5.
Kristinn Ingi Valsson var á móti.

Kristinn Ingi Valsson lagði fram eftirfarandi bókun:
Ég vil að aðstaða til íþróttaiðkunar í Dalvíkurbyggð sé eins góð og fjölbreytt eins og kostur er. Varðandi beiðni UMFS þá hef ég ákveðnar áhyggjur af því að kostnaður, rekstur og viðhald er tengist byggingu gervisgrasvallar sé of stór fjárfesting miðað við fjárhag sveitarfélagsins í dag. Ég tel að ávinningur af gervigrasvelli umfram þeirrar aðstöðu sem nú er í boði sé ekki á pari við kostnaðinn við byggingu gervigrasvallar, rekstur hans og viðhalds. Telji byggðaráð og sveitastjórn að svo sé ekki og að sveitarfélagið geti ráðist í þessa framkvæmd og geti áfram stutt önnur íþróttafélög, viðhald og uppbyggingu, þá fagna ég því og ítreka að ég vil að aðstaða til íþróttaiðkunar sé eins góð og kostur er og gervigrasvöllur myndi bæta aðstöðu til knattspyrnuiðkunar mikið.

Jón Ingi Sveinsson og Þórunn Andrésdóttir lögðu fram eftirfarandi bókun:
Við greiðum atkvæði með tillögunni en tökum heilshugar undir bókun Kristins Inga.

4.Fjárhagsáætlun 2018; aukið framlag vegna strandblaksvallar

201709013

Kristinn Ingi og Jón Ingi véku af fundi kl. 9:09
Tekið fyrir erindi frá Blakfélaginu Rimum, ódagsett, þar sem óskað er eftir auka fjárveitingu vegna uppbyggingar á strandblakvelli í Dalvíkurbyggðar.

Kristinn Ingi og Jón Ingi komu aftur á fundinn kl. 9:17.
Íþrótta- og æskulýðsráð leggur til að viðbótarstyrkur til blakfélagsins árið 2018 verði allt að kr. 591.000. Vísað er í heildar samantekt undir máli 201705174.

5.Fjárhagsáætlun 2018 og þriggja ára áætlun 2019-2021

201705174

Íþrótta- og æskulýðsráð fór yfir fjárhagsramma fyrir árið 2018.
Lagt er til að fjárhagsáætlun fyrir árið 2018 verði eftirfarandi:

Íþrótta-& æskulýðsráð
4.788.367
Æskulýðsfulltrúi
13.984.874
Heilsueflandi Dalvíkurbyggð
376.052
Ungmennaráð
424.828
Aðrir leikvellir
253.890
Sumarnámskeið
160.059
Vinnuskóli
9.245.896
Víkurröst félagsmiðstöð
12.588.595
Íþróttamiðstöð
157.324.334
Rimar
7.015.232
Sundskáli svarfdæla
4.087.127
Sparkvöllur
1.081.391
Styrkir & framlög
63.533.829

Að auki er lagt til eftirfarandi viðbótarstyrki árið 2018:
Blakfélagið Rimar vegna strandblaksvallar: 591.000
Golklúbburinn vegna vélakaupa: 5.000.000.-
Skíðafélag Dalvíkur vegna rekstur og viðhalds skíðasvæðis: 5.000.000.-

Þar að auki er lagt til að endurskoðað verði þau stöðugildi sem eru á íþrótta- og æskulýðssviði sbr. minnisblað íþrótta- og æskulýðsfulltrúa frá 18.09.2017. Áætlaður kostnaður er allt að 5.500.000.- og er sviðsstjóra og íþrótta- og æskulýðsfulltrúa falið að koma með nánari útfærslu á starfinu.

Heildar áætlun er því kr. 290.955.474 eða 11.840.592 umfram útgefinn ramma. Er því óskað eftir aukningu á fjárhagsramma sem því nemur.

Fundi slitið - kl. 10:00.

Nefndarmenn
  • Jón Ingi Sveinsson varaformaður
  • Íris Hauksdóttir Aðalmaður
  • Þórunn Andrésdóttir Aðalmaður
  • Zbigniew Kolodziejczyk aðalmaður
  • Kristinn Ingi Valsson formaður
Starfsmenn
  • Gísli Rúnar Gylfason Starfsmaður
  • Hlynur Sigursveinsson sviðsstjóri
Fundargerð ritaði: Gísli Rúnar Gylfason Íþrótta- og æskulýðsfulltrúi