Fjárhagsáætlun 2018; Frá Golfklúbbnum Hamar; aukið fjárframlag

Byggðaráð samþykkir samhljóða með 3 atkvæðum að vísa ofangreindu erindi til umfjöllunar íþrótta- og æskulýðsráðs og umhverfisráðs vegna skipulagsmála og að ráðin komi með tillögu til byggðaráðs um afgreiðslu.

Umhverfisráð leggur til að forsvarsmenn golfklúbbsins verði boðaðir á fund umhverfisráðs þar sem farið verði yfir innsent erindi.
Samþykkt með fimm atkvæðum.

Afgreiðslu frestað. Auka fundur ákveðinn þriðjudaginn 19. september kl. 8:15.

Íþrótta- og æskulýðsráð leggur til að viðbótarstyrkur til Golfklúbbsins árið 2018 verði allt að kr. 5.000.000 vegna vélakaupa með fyrirvara um að aukning fáist á fjárhagsramma. Verði styrkurinn samþykktur óskar íþrótta- og æskulýðsráð eftir að greitt verði samkvæmt útlögðum kostnaði félagsins. Vísað er í heildar samantekt undir máli 201705174.

Íþrótta- og æskulýðsráð sér ekki fyrir sér svæði fyrir golfvöll sem nú þegar er ekki skipulagt eða hefur verið hafnað í íbúakönnun. Ráðið leggur til að beðið verði eftir niðurstöðu umhverfisráðs vegna skipulagsmála um endanlega staðetningu og að næsta haust verði stefnt að því að heildaráætlun um uppbyggingu eða viðhald golfvallar í Dalvíkurbyggð verði tilbúin.

Bjarni og Indíana véku af fundi kl 08:52.
Umhverfisráð sér ekki fyrir sér að breyta núverandi Aðalskipulagi til að koma fyrir nýjum golvelli né að nýta Fólkvanginn sem þegar hefur verið hafnað í íbúakönnun. Þau svæði sem voru til umræðu eru 405-íb og 407-Ó sem ætluð eru til framtíðarnota fyrir þéttbýli. Þar er ekki heimilt að ráðstafa landi á þann hátt að hindri nýtingu landsins undir byggð síðar.
Á fundinum kom einnig fram að stjórn golfklúbbsins Hamars hafi á síðasta stjórnarfundi tekið ákvörðun um að fara í uppbyggingu og endurbætur á Arnarholtsvelli.