Íþrótta- og æskulýðsráð

87. fundur 07. mars 2017 kl. 08:15 - 10:15 í Upsa á 3. hæð í Ráðhúsi Dalvíkur
Nefndarmenn
  • Jón Ingi Sveinsson varaformaður
  • Þórunn Andrésdóttir Aðalmaður
  • Zbigniew Kolodziejczyk aðalmaður
  • Kristinn Ingi Valsson formaður
Starfsmenn
  • Gísli Rúnar Gylfason Starfsmaður
  • Hlynur Sigursveinsson sviðsstjóri
Fundargerð ritaði: Gísli Rúnar Gylfason Íþrótta- og æskulýðsfulltrúi
Dagskrá
Íris Hauksdóttir mætti ekki á fundinn.

1.Vegna framkvæmdastjóra

Málsnúmer 201702061Vakta málsnúmer

Kristinn Ingi Valsson fór yfir stöðuna og gerði grein fyrir fundi með fulltrúum GHD. Skíðafélagið boðaði forföll og náðist ekki að funda með þeim fyrir fund íþrótta- og æskulýðsráðs.

Fyrir næsta fund ráðsins mun GHD senda inn tillögur um framtíðarsýn þeirra á starfinu.

Íþrótta- og æskulýðsráð samþykkir að kalla fulltrúa skíðafélagsins á fund formanns, sviðsstjóra og íþrótta- og æskulýðsfulltrúa fyrir næsta fund.

2.Vorfundur íþrótta- og ækulýðsráðs 2017

Málsnúmer 201703024Vakta málsnúmer

Íþrótta- og æskulýðsráð samþykkir að vorfundur ráðsins verði haldinn 2. maí 2017 kl. 16:00.

3.Útboð á rekstri tjaldsvæðis

Málsnúmer 201311295Vakta málsnúmer

Til umræðu var útboð á rekstri tjaldsvæðis.
Íþrótta- og æskulýðsráð felur formanni ráðsins og sviðsstjóra fræðslu- og menningarráðs að stilla upp samninngi um rekstur á tjaldsvæði sem borinn verður undir ráðið.

4.Framkvæmdir og viðhald við sundlaug Dalvíkur; lokun / opnun í Sundlaug Dalvíkur og í Sundskála Svarfdæla á framkvæmdartíma

Málsnúmer 201408097Vakta málsnúmer

Íþrótta- og æskulýðsfulltrúi hefur lagt fram tillögu að opnun vegna endurbóta á sundlauginni á Dalvík vorið 2017.

Áætlaður verktími er frá 27. mars til 19. júlí 2017.







Íþróttamiðstöðin á Dalvík (ræktin):



Mánudaga-fimmtudaga: 6:15-20:00



Föstudaga: 6:15-19:00



Laugardaga og sunnudag: 9:00-12:00



Hér er nánast sami opnunartími og verið hefur, nema aðeins styttri opnun um helgar. Einnig verður starfsmaður áfram eins og verið hefur fram á kvöld þegar þarf vegna notkunar á íþróttasal.







Sundskáli Svarfdæla:



Mánudaga og miðvikudaga: 7:00-11:00



Fimmtudaga: 17:00-21:00



Laugardaga og sunnudaga: 13:00-17:00



Það mun koma til einhver aksturskostnaður vegna opnunar sundskála, en hann er óverulegur á þessu stutta tímabili (gæti verið á bilinu 30-50.000).





Núverandi launaáætlun getur staðið undir þessari opnun, sem og að áætlun íþróttamiðstöðvar ráði við þennan aksturskostnað.





Vinnuskylda allra starfsmanna er ekki að fullu nýtt með þessari opnun og er hugmyndin sú að það sem upp á vantar fari í vinnu í íþróttamiðstöðinni á Dalvík við ýmsar endurbætur og aðstoð á viðhaldstíma. Einnig eru verkefni sem farið er í í hefðbundinni lokun á vorin.





Á fjárhagsáætlun sundskálans (06570) er gert ráð fyrir heitu vatni og rafmagnskostnaði. Einnig minniháttar viðhaldi. Er ljóst að einhver kostnaður mun myndast við að reka skálann. Það má teljast líklegt að þessi áætlun dugi langt varðandi þann rekstrarkostnað sem til fellur vegna opnunar á framkvæmdartíma.







Lagt er til að ekki verði rukkaður aðgangseyrir í sundskálann á meðan á lokun sundlaugarinnar stendur.



Byggðaráð hefur samþykkt ofangreinda tillögu.

Íþrótta- og æskulýðsráð gerir ekki athugasemdir við ofangreinda tillögu.

5.Reglur um afreks- og styrktarsjóð íþrótta- og æskulýðsráðs

Málsnúmer 201702032Vakta málsnúmer

Farið yfir reglur um afreks- og styrktarsjóð íþrótta- og æskulýðsráðs.

Ekki voru gerðar breytingar á reglunum. Ráðið samþykkir að gerðar verði vinnu- og viðmiðunarreglur fyrir ráðið varðandi úthlutun styrkja. Íþrótta- og æskulýðsfulltrúa falið að útbúa slíkar vinnureglur.

6.Reglur um kjör á íþróttamanni ársins

Málsnúmer 201702031Vakta málsnúmer

Farið yfir reglur um kjör á íþróttamanni ársins. Samþykkt með 3 atkvæðum að breyta ekki reglunum.



Kristinn Ingi Valsson lagði fram eftirfarandi bókun:

Ég tel að gera þurfi breytingar á 1. og 2. grein. Ég tel að iðkandi þurfi að stunda íþróttir með félagi í Dalvíkurbyggð og tel okkur ekki hafa forsendur til að geta tilnefnt sérstaklega aðra en þá sem íþróttafélög tilnefna. Mér finnst að íþróttamaður Dalvíkurbyggðar geti einungis orðið sá sem keppir undir formerkjum íþróttafélags í Dalvíkurbyggð.

Fundi slitið - kl. 10:15.

Nefndarmenn
  • Jón Ingi Sveinsson varaformaður
  • Þórunn Andrésdóttir Aðalmaður
  • Zbigniew Kolodziejczyk aðalmaður
  • Kristinn Ingi Valsson formaður
Starfsmenn
  • Gísli Rúnar Gylfason Starfsmaður
  • Hlynur Sigursveinsson sviðsstjóri
Fundargerð ritaði: Gísli Rúnar Gylfason Íþrótta- og æskulýðsfulltrúi