Íþrótta- og æskulýðsráð

Gísli Bjarnason, sviðsstjóri fræðslu- og menningarsviðs kynnti upphaf af vinnu við fjárhagsáætlunargerð.

Erindi frá forstöðumönnum sundlauga í Fjallabyggð og Dalvíkurbyggð lagt fyrir. Í erindinu fellst ótímabundið samstarf sundlauga sveitarfélaganna á þeim grundvelli að korthafar á hvorum stað fyrir sig hafi aðgang að sundlaugum beggja sveitarfélaga í gegnum kort sín.

Í kjölfar erfiðs rekstrar vegna óheppilegra veðuraðstæðna í fjallinu sækir Skíðafélag Dalvíkur um aukinn styrk til reksturs skíðasvæðisins.

Skíðafélagið óskar eftir frekari styrk til byggingar troðarahúss þar sem það framkvæmdafé sem ætlað var til verksins er búið. Framkvæmdin við húsið er ekki komin það langt að það sé komið í nothæft og varðveisluhæft ástand.