Framkvæmdaráð

2. fundur 28. apríl 2026 kl. 14:00 - 15:05 í Upsa á 3. hæð í Ráðhúsi Dalvíkur
Nefndarmenn
  • Katrín Sif Ingvarsdóttir formaður
  • Gunnþór Eyfjörð Sveinbjörnsson varaformaður
  • Emil Júlíus Einarsson aðalmaður
  • Júlíus Magnússon, aðalmaður boðaði forföll og Bessi Ragúels Víðisson varamaður, sat fundinn í hans stað.
Starfsmenn
  • María Markúsdóttir skipulagsfulltrúi
  • Helga Íris Ingólfsdóttir deildarstjóri
  • Ólafur Elvar Júlíusson Verkefnastjóri byggingarmála
Fundargerð ritaði: María Markúsdóttir Skipulagsfulltrúi
Dagskrá

1.Hesthúsasvæði Hringsholti - nýtt deiliskipulag

Málsnúmer 202409139Vakta málsnúmer

Lögð fram tillaga á vinnslustigi að nýju deiliskipulagi hesthúsasvæðis í Hringsholti, unnin af teiknistofunni Landslagi ehf.
Framkvæmdaráð samþykkir framlagða tillögu á vinnslustigi og að tillagan verði kynnt skv. 4. mgr. 40. gr. skipulagslaga nr. 123/2010.
Samþykkt samhljóða með fjórum atkvæðum.

2.Hinriksmýri Árskógssandi - deiliskipulag

Málsnúmer 202603054Vakta málsnúmer

Kynningu skipulagslýsingar fyrir nýtt deiliskipulag við Hinriksmýri á Árskógssandi lauk þann 16.apríl sl.
Umsagnir bárust frá Samgöngustofu, Mílu, Minjastofnun Íslands, Rarik, veitum Dalvíkurbyggðar, Vegagerðinni og Heilbrigðiseftirliti Norðurlands eystra.
Ein athugasemd barst.
Framkvæmdaráð felur skipulagsfulltrúa að vinna áfram að tillögu á vinnslustigi í samráði við umsækjanda.
Samþykkt samhljóða með fjórum atkvæðum.

3.Ytra Holt - fyrirspurn um breytta notkun atvinnuhúsnæðis

Málsnúmer 202602153Vakta málsnúmer

Erindi dagsett 30.mars 2026 þar sem Arnór Bergur Kristinsson f.h. Mannverks ehf. leggur fram fyrirspurn um breytta notkun atvinnuhúsnæðis á lóð Ytra Holts í Svarfaðardal.
Framkvæmdaráð samþykkir að heimila umsækjanda að leggja fram tillögu að deiliskipulagi fyrir svæðið til samræmis við erindið.
Samþykkt samhljóða með fjórum atkvæðum.

4.Skáldalækur syðri - fyrirspurn um lóð fyrir frístundahús

Málsnúmer 202604080Vakta málsnúmer

Erindi dagsett 16.apríl 2026 þar sem Dóróþea Guðrún Reimarsdóttir sækir um leyfi fyrir byggingu frístundahúss í landi Skáldalækjar syðri.
Svæðið er skilgreint sem landbúnaðarsvæði L1 í gildandi Aðalskipulagi Dalvíkurbyggðar 2008-2020.
Framkvæmdaráð samþykkir að að heimila byggingu eins frístundahúss á jörðinni.
Áformin kalla á breytingu á Aðalskipulagi Dalvíkurbyggðar 2008-2020 og er framhaldi málsins vísað til yfirstandandi vinnu við nýtt Aðalskipulag Dalvíkurbyggðar 2025-2045.
Samþykkt samhljóða með fjórum atkvæðum.

5.Bárugata 12 - umsókn um byggingu skjólveggs

Málsnúmer 202604079Vakta málsnúmer

Erindi dagsett 16.apríl 2026 þar sem Katrín Eva R. Guðmundsdóttir sækir um heimild til byggingar skjólveggs á lóðamörkum Bárugötu 12 við Brimnesbraut.
Ekki er í gildi deiliskipulag á svæðinu.
Framkvæmdaráð samþykkir áformin með fyrirvara um jákvæða umsögn byggingarfulltrúa, lögreglu og framkvæmdasviðs Dalvíkurbyggðar.
Samþykkt samhljóða með fjórum atkvæðum.

6.Skógarhólar 19 - umsókn um lóð

Málsnúmer 202604046Vakta málsnúmer

Erindi dagsett 7.apríl 2026 þar sem Jökull Þorri Helgason sækir um lóð nr. 19 við Skógarhóla.
Framkvæmdaráð samþykkir erindið.
Deiliskipulagsskilmálar ásamt almennum byggingarskilmálum gilda.
Samþykkt samhljóða með fjórum atkvæðum.

7.Hríshöfði - umsókn um byggingarleyfi fyrir tengivirki

Málsnúmer 202604064Vakta málsnúmer

Erindi dagsett 15.apríl 2026 þar sem Landsnet sækir um byggingarleyfi fyrir viðbyggingu við spennistöð í Hríshöfða.
Ekki er í gildi deiliskipulag á svæðinu.
Meðfylgjandi eru aðaluppdrættir.
Framkvæmdaráð samþykkir að áformin verði grenndarkynnt skv. 44.gr. skipulagslaga nr. 123/2010.
Grenndarkynnt skal fyrir lóðarhöfum Höfða lóðar (L151842), Árgerðis og Friðlandsnefnd Svarfdæla.
Samþykkt samhljóða með fjórum atkvæðum.

8.Vinnuskóli Dalvíkurbyggðar - staða og framtíð

Málsnúmer 202401136Vakta málsnúmer

Á 388. fundi sveitarstjórnar þann 17. mars sl. var samþykkt samhljóða að vísa tillögu Kristins Boga Antonssonar um að auglýst verði nokkur almenn sumarstörf fyrir 18 ára og eldri hjá Eigna- og framkvæmdadeild í sumar til umræðu í framkvæmdaráði.
Á 1. fundi framkvæmdaráðs þann 15. apríl sl. var samþykkt að auglýsa störf fyrir 18 ára ungmenni í sumar laus til umsóknar skv. minnisblaði starfsmanna. Umrædd störf yrðu þá auglýst eins og störf fyrir 17 ára ungmenni og yrðu starfsmenn hluti af vinnuskólanum.
Á 389. fundi sveitarstjórnar þann 21. apríl sl. var samþykkt að beina því til framkvæmdaráðs að taka til skoðunar hvort hægt sé að bæta 19 ára ungmennum við og auglýsa laus störf fyrir þau líka.
Framkvæmdaráð samþykkir að lágmarksaldur fyrir flokkstjóra hjá Dalvíkurbyggð verði lækkaður úr 20 árum í 19 ár og störfin auglýst á nýjan leik fyrir sumarið 2026.
Samþykkt samhljóða með fjórum atkvæðum.

9.Fundargerðir svæðisskipulagsnefndar 2026

Málsnúmer 202604057Vakta málsnúmer

Lagðar fram til kynningar fundargerðir 18.fundar, dags. 17.desember 2025 og 19.fundar, dags. 8.apríl 2026.
Lagt fram til kynningar.

Fundi slitið - kl. 15:05.

Nefndarmenn
  • Katrín Sif Ingvarsdóttir formaður
  • Gunnþór Eyfjörð Sveinbjörnsson varaformaður
  • Emil Júlíus Einarsson aðalmaður
  • Júlíus Magnússon, aðalmaður boðaði forföll og Bessi Ragúels Víðisson varamaður, sat fundinn í hans stað.
Starfsmenn
  • María Markúsdóttir skipulagsfulltrúi
  • Helga Íris Ingólfsdóttir deildarstjóri
  • Ólafur Elvar Júlíusson Verkefnastjóri byggingarmála
Fundargerð ritaði: María Markúsdóttir Skipulagsfulltrúi