Byggðaráð

Á 692. fundi byggðarráðs þann 6. mars 2014 var til umræðu gildandi Samþykkt um stjórn Dalvíkurbyggðar og mögulegar breytingar á Samþykktunum og ráðum/nefndum.
Lagt fram til kynningar.

Með fundarboði byggðarráðs fylgdi tillaga að frá sveitarstjóra að breytingum á 46. gr. Samþykkta um stjórn Dalvíkurbyggðar er varðar fastanefndir, aðrar nefndir, stjórnir og ráð sem sveitarfélagið á aðild að.

Á 671. fundi byggðarráðs þann 29. ágúst 2013 var til umfjöllunar drög að skipuriti Dalvikurbyggðar í samræmi við nýja Samþykkt um stjórn Dalvíkurbyggðar. Skipuritið var rætt og ræddar voru hugmyndir og breytingar. Afgreiðslu frestað.

Á 691. fundi byggðarráðs þann 20. febrúar s.l. var eftirfarandi bókað:
Með fundarboði byggðarráðs fylgdu ný drög að skipuriti fyrir Dalvíkurbyggð.
Til umræðu á fundinum.

Með fundarboði byggðarráð fylgdu óbreytt drög.
Á fundinum var farið yfir drögin.

689. fundi byggðarráðs þann 23. janúar 2014 til umfjöllunar fyrirhuguð verkefnavinna um ímynd Dalvíkurbyggðar, sbr. starfs- og fjárhagsáætlun 2014. Byggðarráð fól upplýsingafulltrúa og sviðsstjóra fjármála- og stjórnsýslusviðs að vinna áfram að málinu og koma með nánari útfærslur á verkefninu.

Á 691. fundi byggðarráðs þann 20. febrúar s.l. var eftirfarandi bókað:
Með fundarboð byggðarráðs fylgdu drög að verkefnaáætlun til upplýsingar.
Lagt fram til kynningar.

Undir þessum lið kom á fund byggðarráðs Margrét Víkingsdóttir, upplýsingafulltrúi, kl. 9:00.

Með fundarboði byggðarráðs fylgdi drög að verkferla- og tímaáætlun vegna verkefnisins um Ímynd Dalvíkurbyggðar.

Verkefnið skiptist í eftirfarandi áfanga:
a) Dalvíkurbyggð sem vinnuveitandi / vinnustaður.
b) Dalvíkurbyggð sem þjónustufyrirtæki.
c) Dalvíkurbyggð sem samfélag.

Gert er ráð fyrir meðal annars að nýta AirOpera aðferð í vinnu með greiningarhópum. Gert er ráð fyrir aðstoð frá Símey og áætlaður kostnaður vegna þess er kr. 153.000

Til umræðu ofangreint.

Margrét vék af fundi kl. 09:43.

Tekið fyrir rafpóstur frá Náttúrusetrinu á Húsabakka ses., dagsettur þann 31. mars 2014, þar sem boðað er til aðalfundar Náttúrusetursins á Húsabakka á Húsabakka, fimmtudaginn 10. apríl kl 16:00.

Með fundarboði byggðarráðs fylgdi drög að samkomulagi á milli Dalvíkurbyggðar og Náttúrseturs að Húsabakka um Friðland Svarfdæla.

Lögð fram til kynningar 814. fundargerð stjórnar Sambands íslenskra sveitarfélaga.