Byggðaráð

Íris Daníelsdóttir, þjónustu- og innheimtufulltrúi kom inn á fundinn kl. 08:02

Tekin fyrir kauptilboð sem borist hafa í Brimnesbraut 35. Tvö tilboð bárust í eignina og fór Íris yfir tilboðin og skilmála þeirra.

Íris vék af fundi kl. 08:09.

Katrín Dóra Þorsteinsdóttir, starfandi sviðsstjóri fjármála- og stjórnsýslusviðs kom inn á fundinn kl. 08:10 og sat fundinn undir dagskrárliðum 2 og 3.

Frá upplýsinga- og tækniteymi sveitarfélagsins, beiðni um viðauka vegna NAV uppfærslu.

Microsoft gaf út í lok síðasta ára að lokað yrði á frekari uppfærslumöguleika í Business Central 14 eftir október 2020. Það þýðir að Dalvíkurbyggð fær ekki nýjar uppfærslur fyrr en eftir um 1,5-2 ár skv. Wise.

UT teymi Dalvíkurbyggðar leggur fyrir byggðaráð tillögu um að farið verði í uppfærsluna þegar á árinu 2020 og viðbótarfjármagn á málaflokk 21, kr. 2.585.700 verði samþykkt samanber meðfylgjandi beiðni um viðauka nr. 17/2020. Viðaukanum verði mætt með lækkun á handbæru fé.

Á 929. fundi byggðaráðs þann 16. desember 2019 samþykkti byggðaráð samhljóða tillögu sveitastjóra um að fresta yfirferð um skipurit, erindisbréf ráða og samþykkt um stjórn Dalvíkurbyggðar. Síðan þá hefur verið unnið í samþykktum í samvinnu við lögfræðinga Sambandsins og stjórnsýsludeild KPMG og eru því öll gögnin nú lögð fram til fyrri umræðu að nýju.
a) Skipurit Dalvíkurbyggðar
b) Samþykkt um stjórn Dalvíkurbyggðar
c) Erindisbréf fagráða í Dalvíkurbyggð

Katrín Dóra og sveitarstjóri fóru yfir þær breytingar sem gerðar hafa verið í samvinnu ofangreindra aðila undanfarna mánuði.
Málin rædd.

Katrín Dóra vék af fundi kl. 08:57.

Tekið fyrir erindi frá Sýslumanninum á Norðurlandi eystra dagsett, 29.04.2020, ósk um umsögn um rekstarleyfi gistingar fyrir Bergmenn ehf kt. 430657-0119 vegna Karlsár.

Fyrir liggur að byggingarfulltrúi og slökkviliðssstjóri gera ekki athugasemdir við að umrætt leyfi sé veitt.

Tekið fyrir erindi frá Sýslumanninum á Norðurlandi eystra dagsett, 29.04.2020, ósk um umsögn um rekstarleyfi gistingar fyrir Bergmenn ehf kt. 430657-0119 vegna Klængshóls.

Fyrir liggur að byggingarfulltrúi og slökkviliðssstjóri gera ekki athugasemdir við að umrætt leyfi sé veitt.

Tekinn fyrir tölvupóstur frá Ráðgjafanefnd Jöfnunarsjóðs sveitarfélaga, en á fundi nefndarinnar þann 24. apríl sl. var ákveðið í ljósi væntanlegs samdráttar á tekjum sjóðsins að lækka áætlaðar mánaðargreiðslur til sveitarfélaga vegna útgjaldajöfnunarframlaga og framlaga vegna lækkunar tekna af fasteignaskatti um 12,5%.
Vonir standa til þess að sjóðnum berist ný spá um áætlaðar skatttekjur ríkissjóðs og útsvarstekjur sveitarfélaga á næstu dögum, en þá fyrst verður unnt að enduráætla framlög ársins.

Tekin fyrir innsend bréf til sveitarstjórnar frá Bessa Skírnissyni dags. 26. apríl og frá Halldóri Áskelssyni dags. 27. apríl 2020. Bæði erindin varða friðun Eyjafjarðar fyrir laxeldi.

Tekinn fyrir tölvupóstur frá nefndasviði Alþingis, dagsettur 30. apríl 2020, þar sem Allsherjar- og menntamálanefnd Alþingis sendir til umsagnar frumvarp til laga um breytingu á ýmsum lögum er varða eignarráð og nýtingu fasteigna (aðilar utan Evrópska efnahagssvæðisins, landeignaskrá, ráðstöfun landeigna, aukið gagnsæi o.fl.),715. mál.

Þess er óskað að undirrituð umsögn berist eigi síðar en 21. maí nk.

Lögð fram til kynningar fundargerð 882. fundar stjórnar Sambands íslenskra sveitarfélaga frá 29. apríl 2020.