Byggðaráð

Á 665. fundi byggðarráðs þann 6. júní 2013 var eftirfarandi bókað:
Tekið fyrir erindi frá leikskólastjóra Krílakots, dagsett þann 6. maí 2013, þar sem óskað er eftir viðauka að upphæð kr. 697.676 við fjárhagsáætlun skólans vegna veikinda starfsmanna.

Byggðarráð samþykkir samhljóða með 2 atkvæðum að fresta afgreiðslu um beiðni um viðauka.

Á 665. fundi byggðarráðs þann 6. júní 2013 var eftirfarandi bókað:
Tekið fyrir erindi frá forstöðumanni bóka- og héraðsskjalasafns, bréf dagsett þann 30. maí 2013, þar sem óskað er eftir viðauka við fjárhagsáætlun safnanna vegna veikinda og breytinga í starfsmannamálum safnanna. Að frádregnu framlagi frá Vinnumálastofnun er óskað eftir viðauka að upphæð kr. 1.942.590 fyrir söfnin.

Byggðarráð samþykkir samhljóða með 2 atkvæðum að fresta afgreiðslu um beiðni um viðauka.

Tekið fyrir erindi frá sviðsstjóra félagsmálasviðs, Eyrúnu Rafnsdóttur, bréf dagsett þann 12. október 2013, þar sem hún óskar eftir aukafjárveitingu við deild 02-11; fjárhagsaðstoð að upphæð kr. 4.000.000 þannig að sá liður hækki úr 7,6 m.kr. í 11,6 m.kr.

Gert er einnig grein fyrir að launakostnaður vegna deildar 02-15;heimilishjálp mun ekki standast áætlun en sviðsstjóri hefur svigrúm innan rammans að mæta því.

Frumvarp að starfs- og fjárhagsáætlun Dalvíkurbyggðar 2014-2017 var tekið til fyrri umræðu í sveitarstjórn þann 29. október s.l. og var samþykkt samhljóða að vísa áætluninni til síðari umræðu í sveitarstjórn.

Þann 30. október s.l. bárust nýjar upplýsingar um áætluð framlög Jöfnunarsjóðs 2014, sbr. gögn með fundarboði byggðarráðs.

Tekið fyrir erindi frá leikskólastjóra Krílakots og Kátakots, bréf dagsett þann 5. nóvember 2013, þar sem leikskólastjóri vísar til frumvarps að starfs- og fjárhagsáætlun Dalvíkurbyggðar 2014-2017 þar sem gert er ráð fyrir að viðbyggingu við Krílakot verði dreift á árin 2016 og 2017. Leikskólastjóri vonar að ákvörðun varðandi viðbyggingu við Krílakot verði tekin að mjög svo ígrunduðu máli og verði ekki breytt heldur frekar lögð áhersla á að hefja undirbúning árið 2015 og halda fyrri áætlun um byggingu árið 2016. Í starfsáætlun fræðslu- og menningarsviðs með tillögu að fjárhagsáætlun 2014-2017 segir; Sameining Káta- og Krílakots, stefnt er að viðbyggingu við Krílakot árið 2016 og að húsnæði Kátakots verði selt. Fagleg samræming á starfi, námskrám og öðrum gögnum mun eiga sér stað á tímabilinu þar til þetta verður einn og sami skólinn.

Á 244. fundi umhverfisráðs þann 16. október 2013 var eftirfarandi bókað um ofangreint:
Umhverfisráð hefur kynnt sér málið og hvetur Dalvíkurbyggð til að taka þátt í umhverfis-og náttúruverndar málum í framtíðinni. Ráðið vill minna á að gera þarf ráð fyrir fjármunum til þessara mála.

Með fundarboði byggðarráðs fylgdi minnisblað frá verkefnahópi Upplýsingamiðstöðvar Dalvíkurbyggðar; upplýsingafulltrúa, íþrótta- og æskulýðsfulltrúa, sviðsstjóra fjármála- og stjórnsýslusviðs og sviðsstjóra fræðslu- og menningarsviðs.

Með tilvísun í bókun og afgreiðslu byggðarráðs frá 660. fundi er gert grein fyrir í minnisblaðinu starfsemi Upplýsingamiðstöðvar og tillögur varðandi rekstur hennar í framhaldinu. Í tillögu að starfs- og fjárhagsáætlun 2014-2017 er gert ráð fyrir að Upplýsingamiðstöðin verði með óbreyttu sniði nema að gert er ráð fyrir starfsmanni á deild 13-70 í 100% starfi yfir sumarið í stað deild 06-50.

Á fundinum var lagt fram og kynnt undirritað kauptilboð, dagsett þann 24. október 2013, í Klapparstíg 1, fastanúmer 215-6673, frá Eyþóri Antonssyni, kt. 280180-5489, að upphæð kr. 10.000.000.

Sveitarstjóri gerði byggðarráði grein fyrir samráðsfundum sem fulltrúar Dalvíkurbyggðar hafa átt með fulltrúum Fjallabyggðar hvað varðar hugmyndir um samstarfsverkefni.

Jóhann Ólafsson vék af fundi kl. 10:00 til annarra starfa.

Byggðarráð fór ásamt sveitarstjóra og sviðsstjóra fjármála- og stjórnsýslusviðs í heimsókn í Dalvíkurskóla, kl. 10:00.