Byggðaráð

924. fundur 17. október 2019 kl. 13:00 - 16:45 í Upsa á 3. hæð í Ráðhúsi Dalvíkur
Nefndarmenn
  • Gunnþór Eyfjörð Gunnþórsson varaformaður
  • Guðmundur St. Jónsson aðalmaður
  • Þórhalla Karlsdóttir varamaður
Starfsmenn
  • Katrín Sigurjónsdóttir sveitarstjóri
Fundargerð ritaði: Katrín Sigurjónsdóttir sveitarstjóri
Dagskrá
Jón Ingi Sveinsson aðalmaður boðaði forföll.
Þórhalla Karlsdóttir varamaður sat fundinn í hans stað.

1.Trúnaðarmál

201910100

Bókað í trúnaðarmálabók.

2.Trúnaðarmál

201901070

Bókað í trúnaðarmálabók.

3.Fundargerðir Almannavarnarnefndar Eyjafjarðar 2018-2022

201811066

Tekin fyrir fundargerð Almannavarnanefndar Eyjafjarðar frá 8. október 2019.

a) Á fundinum var rædd sameining Almannavarnanefnda í Eyjafirði og Þingeyjarsýslum og leggur nefndin til að þær verði sameinaðar í eina að fengnu samþykki sveitarstjórna á svæðinu.

b) Árgjald hefur verið 100 kr á íbúa í Eyjafirði en mun hærra austan við. Nefndin leggur til að árgjaldið til sameinaðrar Almannavarnarnefndar verði 190 kr á íbúa fyrir árið 2020 að fengnu samþykki sveitarstjórna á svæðinu.
a) Byggðaráð Dalvíkurbyggðar samþykkir samhljóða með 3 atkvæðum, fyrir sitt leyti, tillögu Almannavarnanefndar Eyjafjarðar um að Almannavarnanefndir í Eyjafirði og Þingeyjarsýslum verði sameinaðar í eina.

b) Byggðaráð Dalvíkurbyggðar samþykkir samhljóða með 3 atkvæðum, fyrir sitt leyti, tillögu Almannavarnanefndar Eyjafjarðar um að árgjald sameinaðrar Almannavarnarnefndar verði 190 kr á íbúa fyrir árið 2020.

4.Fundargerð aðalfundar fulltrúaráðs EBÍ

201910044

Til kynningar fundargerð 17. aðalfundar fulltrúaráðs Eignarhaldsfélagsins Brunabótafélag Íslands sem var haldinn í Reykjavík 20. september 2019.
Lagt fram til kynningar.

5.Ágóðahlutagreiðsla 2019

201910055

Tekið fyrir bréf frá Eignarhaldsfélagi Brunabótafélags Íslands, dagsett þann 8. október 2019, þar sem upplýst er að hlutdeild Dalvíkurbyggðar í Sameignarsjóði EBÍ er 1,684% og greiðsla ársins er kr. 842.000 af 50 m.kr. Fram kemur að greitt sé úr sjóðnum þann 16. október 2019.
Lagt fram til kynningar.

6.Umsókn um tækifærisleyfi UMFS vegna viðburðar í Árskógi

201910045

Tekið fyrir erindi frá Sýslumanninum á Norðurlandi eystra dagsett 9. október 2019, beiðni um umsögn um tímabundið áfengisleyfi fyrir Knattspyrnudeild UMFS kt. 430497-3089 vegna viðburðar í Árskógi þann 2. nóvember nk.

Fyrir liggur umsögn frá byggingarfulltrúa og eldvarnaeftirliti án athugasemda.
Byggðaráð gerir ekki athugasemd við umsóknina.

7.Hagkvæm leið til að auka lausafjárstöðu

201910041

Tekið fyrir erindi frá Kríta hf. dagsett 4. október 2019, kynning á þjónustu fyrirtækisins en Kríta hf. er fjártæknifyrirtæki sem fjármagnar reikninga.
Lagt fram til kynningar.

8.Aðalfundarboð

201910039

Tekið fyrir bréf frá stjórn Landsbyggðin lifi, boð á aðalfund samtakanna sem verður haldinn 20. október 2019 kl. 10:00 í Reykjavík. Allir eru velkomnir, bæði á aðalfundinn og umræður.
Lagt fram til kynningar.

9.Fjárhagsáætlun 2020; vegna viðhaldsframkvæmda á Dalbæ og viðræður.

201908062

Á 917. fundi byggðaráðs þann 5. september 2019 var eftirfarandi bókað:
"Tekið fyrir erindi frá stjórn Dalbæjar, dagsett 26. ágúst 2019, ósk um viðræður við Dalvíkurbyggð varðandi næsta starfs- og fjárhagsár 2020.
Fyrir liggur að nauðsynlegt er að ráðast í stórar framkvæmdir við utanhússviðgerðir á Dalbæ. Verið er að vinna uppfærða verk- og kostnaðaráætlun vegna verksins og mun hún verða klár í septembermánuði.
Óskað er eftir fundi með stjórnendum frá Dalvíkurbyggð vegna þessa þegar fyrrnefnd áætlun liggur fyrir.

Byggðaráð samþykkir samhljóða með 3 atkvæðum að fá stjórnendur Dalbæjar á fund ráðsins þegar verk- og kostnaðaráætlun vegna utanhússviðgerða liggur fyrir."

Nú liggur fyrir endanleg verk- og kostnaðaráætlun um framkvæmdina og var hún lögð fram á fundinum. Einnig greindi sveitarstjóri frá fundi sem hann átti með hjúkrunarframkvæmdastjóra Dalbæjar þann 15. október um stöðu mála.

Málið rætt.
Byggðaráð samþykkir samhljóða með 3 atkvæðum að vísa erindinu til fjárhagsáætlunar 2020-2023.

Byggðaráð leggur áherslu á að sveitarfélagið ásamt stjórnendum Dalbæjar fari í viðræður við Ríkið um aðkomu að endurbótunum þar sem málaflokkurinn er á hendi Ríkisins.

10.Selárland-Verðmat

201707019

Vegna áforma Dalvíkurbyggðar um kaup á landi Selár samþykkti byggðaráð samhljóða með 3 atkvæðum á 920. fundi sínum þann 27. september 2019 að óska eftir, fyrir hönd Dalvíkurbyggðar, að landið verði verðmetið af fasteignasölu.

Þá lágu fyrir upplýsingar um að Fjármála- og efnahagsráðuneytið hyggðist leita verðmats af sinni hálfu.

Á fundinum var lögð fram yfirlitsgreining um landið með upplýsingum frá Ríkiseignum.

Málið rætt.
Byggðaráð samþykkir samhljóða með 3 atkvæðum að vísa ofangreindu til fjárhagsáætlunar 2020-2023.

11.Beiðni um viðauka v. launa og tölvubúnaðar

201909083

Á 919. fundi byggðaráðs þann 19. september 2019 var tekið fyrir erindi frá skólastjóra Dalvíkurskóla, dagsett 13. september 2019, beiðni um viðauka fyrir Dalvíkurskóla vegna kaupa á tölvum, prentara og hugbúnaði kr. 1.250.000. Beiðninni fylgdi rökstuðningur ásamt ósk um að viðaukanum verði mætt með lækkun á handbæru fé.

Byggðaráð hefur ásamt fræðsluráði fjallað um beiðnina á fundum sínum og einnig farið yfir stefnu í upplýsinga- og tæknimennt í Dalvíkurskóla sem var unnin í vor.
Byggðaráð samþykkir með 3 atkvæðum viðauka nr. 30/2019 að fjárhæð kr. 1.250.000 við deild 04210, fjárhagslykil 2850, vegna kaupa á tölvum, prentara og hugbúnaði við Dalvíkurskóla samkvæmt ofangreindri beiðni frá skólastjóra. Upphæð fjárhagslykils var 672.907 kr en verður eftir viðaukann kr. 1.922.907 kr. Viðaukanum verði mætt með lækkun á handbæru fé.

12.Starfs- og fjárhagsáætlun 2020 og þriggja ára áætlun 2021-2023

201905027

Börkur Þór Ottósson, sviðsstjóri umhverfis- og tæknisviðs og Steinþór Björnsson, deildarstjóri eigna- og framkvæmdadeildar, mættu á fundinn kl. 14:30.

a) Eignasjóður, farið yfir viðhald og framkvæmdir fyrir fjárhagsáætlun 2020.

Börkur og Steinþór viku af fundi kl. 15:05.

Þorsteinn Þorsteinsson, endurskoðandi KPMG, mætti á fundinn kl. 15:05.

b) Þorsteinn fór yfir stöðu vegna vinnu við fjárhagsáætlun en KPMG var fengið til að aðstoða við fjárhagsáætlunarvinnu. Farið yfir fjárhagslíkan samstæðunnar m.v. stöðu fjárhagsáætlunarvinnu.

Þorsteinn vék af fundi kl. 16:33.

c) Umræða um fjárfestingar og framkvæmdir m.v. uppl. úr a. og b. lið.


Lagt fram til kynningar.

Byggðaráð þakkar Þorsteini fyrir yfirferðina yfir fjárhagsáætlunarstöðuna.

Byggðaráð samþykkir að halda aukafund mánudaginn 21.október nk. kl. 16:00 þar sem farið er í það sem útaf stendur, álagningar og gjaldskrár í heild sinni og áframhaldandi umræðu um fjárfestingar og framkvæmdir.

13.Til umsagnar tillaga til þingsályktunar um búsetuöryggi í dvalar- og hjúkrunarrýmum., 41. mál.

201910065

Tekið fyrir erindi frá Velferðarnefnd Alþingis dagsett 11. október 2019, en til umsagnar er tillaga til þingsályktunar um búsetuöryggi í dvalar- og hjúkrunarrýmum., 41. mál.

Þess er óskað að umsögn berist eigi síðar en 1. nóvember nk.
Lagt fram til kynningar.

14.Til umsagnar tillaga til þingsályktunar um orlofshúsnæði örorkulífeyrisþega, 35. mál.

201910068

Tekið fyrir erindi frá Velferðarnefnd Alþingis dagsett 11. október 2019, en til umsagnar er tillaga til þingsályktunar um orlofshúsnæði örorkulífeyrisþega, 35. mál.

Þess er óskað að umsögn berist eigi síðar en 1. nóvember nk.
Lagt fram til kynningar.

Fundi slitið - kl. 16:45.

Nefndarmenn
  • Gunnþór Eyfjörð Gunnþórsson varaformaður
  • Guðmundur St. Jónsson aðalmaður
  • Þórhalla Karlsdóttir varamaður
Starfsmenn
  • Katrín Sigurjónsdóttir sveitarstjóri
Fundargerð ritaði: Katrín Sigurjónsdóttir sveitarstjóri