Atvinnumála- og kynningarráð

Atvinnuvegaráðuneytið hefur móttekið sérreglur frá Dalvíkurbyggð sem samþykktar voru í sveitarstjórn 28. október sl.

Sérreglurnar voru samþykktar í kjölfar sérfræðiálits.

Annað hvert ár fer fram úttekt á opinberum vefjum og er verkefnið framkvæmt af stafrænu Íslandi sem er á vegum stjórnarráðs Íslands.

Þjónustu- og upplýsingafulltrúi hefur móttekið fyrstu úttekt af tveimur og er sveitarfélaginu gefinn kostur á úrbótum fyrir 1. desember nk. en þá fer lokaúttekt fram.

Verkefni sem liggja fyrir á Norðurstrandarleið (Arctic coast way) eru fjölmörg. Dalvíkurbyggð var meðal annarra málsaðili ásamt Markaðsstofu Norðurlands að verkefni sem kallast sögur.

Unnið er að því um þessar mundir að safna sögum en stefnt er að því að setja upp 1 sögu að minnsta kosti á hvern áfangastað sem snýr að upplifun heimamanna á staðnum eða sérstökum atburðum sem orðið hafa í byggðalögunum.

Ástandið á síðustu mánuðum hefur ekki gert ráðinu kleift að halda fyrirtækjaþing og kalla aðila sem reka fyrirtæki í Dalvíkurbyggð saman á fund.

Lagt er til að halda ör-ráðstefnu í fjarfundi fyrir aðila í fyrirtækjarekstri. Hugmyndin er að halda eina slíka þann 25. nóvember nk. ef aðstæður leyfa og er undirbúningur fyrir það hafinn í samstarfi við Samtök sveitarfélaga á Norðurlandi eystra, SSNE.

Á ör-ráðstefnunni yrði áhersla lögð á að fjölga og efla smáfyrirtæki í byggðalaginu með það markmiði að hækka þjónustustigið og mögulega skapa fleiri atvinnutækifæri.

Fundargerðir Samtaka sveitarfélaga á Norðurlandi eystra nr. 14 og 15 lagðar fram til kynningar.