Harry Potter þemadagur!

Það kannast eflaust flestir við unga galdradrenginn Harry Potter úr samnefndum bókaflokki. Fæðingardagur sögupersónunar er skráður 31. júlí 1980 og fyllir Harry því 41 ár nú á þessu ári. 

Að því tilefni langar okkur að bjóða ykkur í afmælisveislu Harry Potter á bókasafni Dalvíkurbyggðar. Dagurinn verður tileinkaður Harry og hans fylgdarliði. Ýmis afþreying verður í boði á safninu allan daginn, hægt verður að föndra sinn eigin galdrasprota, fá andlitsmálingu, lita myndir, útbúa sín eigin gleraugu og aldrei að vita nema hægt verði að skella í smá Þrígaldraleika eða galdraseiðsgerð :) 

Klukkan 13:00 verður fyrsta Harry Potter kvikmyndin, Harry Potter og Viskusteinninn, sýnd á stóru tjaldi í Menningarhúsinu Bergi. Allir velkomnir en börn yngri en 9 ára skulu vera í fylgd með fullorðnum. 

Við hvetjum að sjálfsögðu alla til að koma í búningum og taka fullan þátt í fjörinu.