Ungmennaráð

Bríet Þóra og María Aðalrós kynntu fyrir nefndarmeðlimum ferð sína á Húsavík á Ungmennaþingi SSNE 2026.

Farið var yfir helstu niðurstöður þingsins, þar sem meðal annars kom fram að ungt fólk kallar eftir skýrara hlutverki ungmennaráða, auknum raunverulegum áhrifum í ákvarðanatöku sveitarfélaga og bættri eftirfylgni mála.

Ungmennaráð ræddi þessi atriði og lýsti yfir áhuga á að funda oftar og taka fleiri mál til umfjöllunar.

Ungmennaráð fagnar erindinu og hefur mikinn áhuga á að taka þátt í verkefninu þegar frekari útfærsla liggur fyrir.

Ungmennaráð fagnar erindinu um þátttöku í verkefninu Barnvænt sveitarfélag og að málið hafi verið lagt fyrir ráðið.

Ungmennaráð lýsir fullum stuðningi við að Dalvíkurbyggð innleiði verkefnið, hefur áhuga á að fylgjast með framhaldinu og er reiðubúið að leggja sitt af mörkum við innleiðingu þess.

Ungmennaráð er fullt af góðum hugmyndum varði framtíð Dallas og þetta ónýtta rými. Fram komu hugmyndir um listasmiðju, upptöku- og myndaver, eldhús, píluaðstöðu, tölvuver fyrir rafíþróttaklúbb, rými til líkamsræktar, fablab o.fl.

Ungmennaráð bendir á að rýmið gæti orðið veruleg búbót fyrir starfsemi félagsmiðstöðvarinnar Dallas. Slík framkvæmd myndi efla starfsemina og gera félagsmiðstöðinni kleift að bjóða upp á enn fjölbreyttara starf. Ráðið lýsir yfir vilja til að taka þátt í frekari mótun og þróun verkefnisins í samstarfi við viðeigandi aðila.