Ungmennaráð

21. fundur 12. mars 2019 kl. 16:00 - 17:45 í Upsa á 3. hæð í Ráðhúsi Dalvíkur
Nefndarmenn
  • Daníel Rosazza
  • Magnús Rosazza
  • Þröstur Ingvarsson
  • Þormar Ernir Guðmundsson
  • Rebekka Ýr Davíðsdóttir
Starfsmenn
  • Gísli Rúnar Gylfason starfsmaður
Fundargerð ritaði: Gísli Rúnar Gylfason Íþrótta- og æskulýðsfulltrúi Dalvíkurbyggðar
Dagskrá

1.Vinabæjarmót í Borgå Finnlandi 26.-28.06.2019

201902153

"Tekið fyrir bréf frá Jukka-pekka Ujula, borgarstjóra í Borgå í Finnlandi. Boðið er til vinabæjarmóts í Borgå dagana 26.-28.06.2019. Reiknað er með 2-6 þátttakendum og 2-6 ungmennum frá hverjum vinabæ. Skila skal þátttökutilkynningu fyrir 14.apríl 2019.
Byggðaráð samþykkti á fundi sínum að vísa ofangreindu máli til íþrótta- og æskulýðsfulltrúa og ungmennaráðs til umsagnar.
Einnig var íþrótta- og æskulýðsfulltrúa falið að kanna fyrir umfjöllun Ungmennaráðs hvort og hvaða styrkir eru í boði ef lagt er til að ungmenni frá Dalvíkurbyggð sæki vinabæjamótið.
Íþrótta- og æskulýðsfulltrúi gerði grein fyrir þeim styrkjum sem mögulegt er að sækja um ef ungmennaráð myndi sækja vinabæjarmótið. Besti möguleiki á að fá styrk er í gegnum Nordplus, en umsóknarfrestur rann út í febrúar og því ekki hægt að sækja um þar fyrir komandi vinabæjarmót. Fræðilega er möguleiki á að setja vinabæjarmótið upp sem ungmennaskipti, en þá þurfa öll löndin í vinabæjarsamstarfinu að koma að verkefninu og heppilegast er að slík umsókn færi fram hjá gestgjafa. Íþrótta- og æskulýðsfulltrúi þekkir ekki fleiri staði sem hægt væri að sækja um styrki.

Ungmennaráð tekur mjög jákvætt í erindið og telur þetta góðan vettvang til að ræða jafn mikilvægt málefni og umhverfismál. Allir aðalmenn ráðsins eru tilbúnir að gefa kost á sér að fara til Finnlands í sumar ef eftir því verður leitað. Ef aðilar ungmennaráðs fara út á slíkt vinabæjarmót telur ráðið mikilvægt að þeir sem fara, muni miðla af reynslunni til annarra ungmenna.

2.Starfsemi og rekstur Dalvíkurbyggðar - vinnuhópar

201901038

Vinnuhópar um rekstur Dalvíkurbyggðar hafa verið að störfum undanfarið og eru að skila inn tillögum.
Íþrótta- og æskulýðsfulltrúi kynnti fyrir ráðinu þá vinnu sem farið hefur fram hjá vinnuhópunum. Ekki var farið efnislega yfir þær tillögur sem hafa komið fram. Ungmennaráð óskar eftir því að ef ákveðið verði að gera breytingar sem tengjast börnum og ungmennum að ráðið fái slíkt til umsagnar.

3.Reglur hjólabrautar

201902081

Reglur um hjólabraut voru unnar til bráðabirgða sl vor. Óskaði íþrótta- og æskulýðsfulltrúi eftir umsögn um reglurnar hjá ráðinu. Farið var yfir reglurnar frá síðasta sumri.
Ráðið yfirfór reglur um hjólabrautina við Dalvíkurskóla og lagði til nokkrar orðalagsbreytingar á reglunum. Aðeins var samþykkt ein efnisleg breyting, en það var að fækka hámarks fjölda í brautinni úr sex í fjóra.

4.Niðurstöður könnunar um vinnuskóla fyrir ungmenni

201902079

Síðastliðið sumar sendi umboðsmaður barna út könnun um vinnuskóla fyrir ungmenni. Gísli Rúnar, íþrótta- og æskulýðsfulltrúi svaraði fyrir hönd Dalvíkurbyggðar. Helstu niðurstöður könnunarinnar eru þær að meirihluta ungmenna á aldrinum 13-15 ára stendur til boða starf í vinnuskóla sveitarfélaga eða um 95%. Í ljós kom að talsverður munur er á þeim launum sem ungmennum eru greidd fyrir starf í vinnuskólanum og veita fæst sveitarfélögin ungmennum endurgjöf að starfi loknu þrátt fyrir að megintilgangur vinnuskólans sé að veita þeim undirbúning fyrir þátttöku á almennum vinnumarkaði.
Íþrótta- og æskulýðsfulltrúi gerði grein fyrir því að Vinnuskóli Dalvíkurbyggðar veitir endurgjöf á störf nemenda.
Skýrslan lögð fram til kynningar.

Fundi slitið - kl. 17:45.

Nefndarmenn
  • Daníel Rosazza
  • Magnús Rosazza
  • Þröstur Ingvarsson
  • Þormar Ernir Guðmundsson
  • Rebekka Ýr Davíðsdóttir
Starfsmenn
  • Gísli Rúnar Gylfason starfsmaður
Fundargerð ritaði: Gísli Rúnar Gylfason Íþrótta- og æskulýðsfulltrúi Dalvíkurbyggðar