Skólanefnd Tónlistarskólans á Tröllaskaga

Lagt fram til umræðu og kynningar.

Farið yfir rekstur á vinnubíl skólans, akstri kennara og hvað betur má fara. Lögð fram með stöðumati úr fjárhagsáætlun.

Lagt er til að bílamál TÁT verði skoðuð af skólastjóra og einum fulltrúa frá hvoru sveitarfélagi fyrir sig.

Einn af kennurum TÁT fór fram á það við skólastjóra að minnka við sig vinnu úr 100% stöðuhlutfalli niður í 70%.

Skólastjóri leggur til að 30% lækkun stöðuhlutfalls verði deilt á tvo aðra kennara sem mun ekki hafa í för með sér hækkun á launakostnaði TÁT.

Skólastjóri TÁT fór yfir dagskrá tónlistarskólans það sem af er vetri. Þar má nefna foreldraviku og 10 hausttónleika. Framundan er þemavika með Írsku yfirbragði. Þá er framundan námskeið bæði á Sigufirði og Dalvíkurbyggð í írskri þjóðlagatónlist. Þá eru framundan átta jólatónleikar sem haldnir verða 7. til 15. desember auk heimsókna til eldri borgara.

Fram kemur í samningi vegna sameiningar Tónlistarskóla Dalvíkurbyggðar og Tónskóla Fjallabyggðar (sjá 11.gr.) að skipan skólanefndar skuli taka mið af starfsári tónlistarskólans og að fyrsta starfsárið skuli Dalvíkurbyggð skipa 2 fullltrúa og Fjallabyggð 3 fulltrúa. Þar segir jafnframt að það sveitarfélag sem skipar tvö fulltrúa fái jafnframt úthlutað stöðu formanns og varaformaður komi frá því sveitarfélagi sem skipar þrjá fulltrúa ár hvert.

Breyting á nefndarskipan tekur gildi frá og með næsta fundi skólanefndarinnar.