Menningarráð

69. fundur 19. september 2018 kl. 08:00 - 10:00 í Múla á 3. hæð í Ráðhúsi Dalvíkur
Nefndarmenn
  • Valdemar Þór Viðarsson varaformaður
  • Katrín Sif Ingvarsdóttir 1. varamaður
  • Guðmundur Kristjánsson 1. varamaður
Fundargerð ritaði: Hlynur Sigursveinsson Sviðsstjóri Fræðslu- og menningarsviðs
Dagskrá
Ella Vala Ármannsdóttir, formaður, og Heiða Hilmarsdóttir aðalmaður voru fjarverandi og í stað þeirra komu Guðmundur Kristjánsson og Katrín Sif Ingvarsdóttir, varamenn.

1.Trúnaðarmál

201809086

Undir þessum lið kom Katrín Sigurjónsdóttir sveitarstjóri inná fundinn kl 8:00.
Katrín vék af fundi kl 8:10

2.Starfs- og fjárhagsáætlun menningarráðs 2019

201809067

Fundarboði fylgdu drög að starfsáætlunum byggðasafnsins Hvols og bóka- og héraðsskjalasafns 2019.
Lagt fram til kynningar og umræðu. Drögin verða uppfærð í samræmi við umræður á fundinum og skilað 19. september til sviðsstjóra fjármála- og stjórnsýslusviðs.

3.Ósk um auka fjárveitingu vegna kaupa á listaverki

201709161

Á 839. fundi byggðaráðs þann 12. október 2017 var eftirfarandi bókað:
"Undir þessum lið vék Bjarni Th. Bjarnason af fundi vegna vanhæfis kl. 14:06. Tekið fyrir erindi frá forstöðumanni bóka- og héraðasskjalasafns, ódagsett en móttekið þann 25. september 2017 í rafpósti, þar sem óskað er eftir fjárveitingu til kaupa á verkinu 2,34 eftir listamanninn Guðlaug Arason (GARASON). Óskað hefur verið eftir tilboði frá listamanninum og fylgir það með orðrétt. Í söfnunar- og útlánastefnu Listaverkasafns Dalvíkurbyggðar kemur m.a. fram: "Stefnt er að því, ef fjárhagur leyfir, að kaupa myndverk eftir listamenn sem búsettir eru í sveitafélaginu, þegar þeir halda sína aðra sýningu, hafi sveitafélagið ekki eignast verk eftir öðrum leiðum. Taka þarf sérstaka ákvörðun um önnur form listaverka“. Með vísan í þessa klausu er hér óskað eftir sérstakri ákvörðun um kaup á listaverki sem sennilega myndi flokkast sem annað form listaverka. Verðið á verkinu er 1,3 m.kr. og óskað er eftir kr. 900.000 aukafjárveitingu að upphæð kr. 900.000 við fjárhagsramma 2018 til kaupa á listaverkinu.
Byggðaráð samþykkir samhljóða með 3 atkvæðum að vísa ofangreindu erindi til gerðar fjárhagsáætlunar 2019 og felur forstöðumanni bóka- og héraðsskjalasafns að kanna möguleika á styrkjum til að auka líkur á að sveitarfélagið geti eignast þetta verk, sbr. tilboð og tillögur frá listamanninum."

Byggðaráð samþykkir samhljóða með 3 atkvæðum að vísa ofangreindu erindi til umfjöllunar menningarráðs og óskar eftir rökstuddri tillögu að afgreiðslu. Byggðaráð óskar jafnframt eftir að menningarráð komi með tillögu að stefnu um kaup og viðhald listaverka.
Menningarráð hefur mikinn áhuga á listaverkinu 2,34 í ljósi skírskotunar til byggðalagsins. Í ljósi þess að ekki liggur fyrir stefna Dalvíkurbyggðar um kaup, viðgerðir og varðvörslu listaverka leggur menningarráð til að ákvörðun um kaup á listaverkinu 2,34 verði frestað þar til sú stefna liggur fyrir.

Guðmundur Kristjánsson vék af fundi undir þessum dagskrárlið kl. 9:15.

4.Frá sóknarnefnd Dalvíkurkirkju - fjárhagsáætlun 2019

201808100

Á 876. fundi Byggðaráðs Dalvíkurbyggðar þann 6. september sl., var tekið fyrir umsókn frá sóknarnefnd Dalvíkurkirkju um áframhaldandi styrk vegna Dalvíkurkirkju.

Byggðaráð samþykkir samhljóða með 3 atkvæðum að vísa ofangreindu erindi til menningarráðs til umfjöllunar og óskar eftir rökstuddri tillögu að afgreiðslu. Einnig felur byggðaráð sviðstjóra fræðslu- og menningarsviðs að óska eftir ársreikningi og/eða fjárhagsáætlun sóknarnefndar Dalvíkursóknar með vísan til reglna sveitarfélagsins um almennar styrkumsóknir.
Menningarráð leggur til að orðið verði við beiðni um rekstrarstyrk að fjárhæð kr. 150.000. Styrkurinn tekinn af lykli 5810-9145.
Guðmundur Kristjánsson kom aftur inná fundinn kl.9:20

5.Gjaldskrár Dalvíkurbyggðar 2019

201808068

Hlynur Sigursveinsson sviðsstjóri fræðslu- og menningarráðs lagði fram gjaldskrár fyrir málaflokk 05 árið 2019.

Menningarráð samþykkir gjaldskrár fyrir málaflokk 05 með þremur atkvæðum í samræmi við umræður á fundinum og ábendingar frá forstöðumanni Bóka- og héraðsskjalasafns. Tekið verður mið af gjaldskránum í vinnu við gerð fjárhagsáætlunar fyrir fjárhagsárið 2019.

6.Mánaðarlegar stöðuskýrslur fyrir fagráð og byggðaráð

201604102

Hlynur Sigursveinsson, sviðsstjóri fræðslu- og menningarsviðs kynnti fjármálastöðu málaflokks 05 eins og hún var 31.ágúst 2018.
Lagt fram til kynningar.
Katrín Sif Ingvarsdóttir vék af fundi undir þessum lið kl. 9:27

7.Ungó - samningur um afnot og útleigu 2018 - 2019

201809068

Starfsemi í Ungó veturinn 2018-2019 til umræðu. Fundarboði fylgdu samningar við Leikfélag Dalvíkur og Gísla,Eirík, Helga ehf.
Fyrir liggur að mikill áhugi er hjá Leikfélagi Dalvíkur og Gísla,Eiríki,Helga ehf. á áframhaldandi starfsemi í Ungó veturinn 2018-2019. Menningarráð óskar eftir að lögð verði fram starfsáætlun varðandi áframhaldandi starf í Ungó frá Leikfélagi Dalvíkur og Gísla,Eirík,Helga ehf. sem verða teknar fyrir á næsta fundi Menningarráðs.
Katrín Sif Ingvarsdóttir kom aftur inn á fundinn kl. 9:44

Fundi slitið - kl. 10:00.

Nefndarmenn
  • Valdemar Þór Viðarsson varaformaður
  • Katrín Sif Ingvarsdóttir 1. varamaður
  • Guðmundur Kristjánsson 1. varamaður
Fundargerð ritaði: Hlynur Sigursveinsson Sviðsstjóri Fræðslu- og menningarsviðs