Fjárhagsáætlun 2026; Frá UMFS; fjármögnun starfsmanns

Tekið fyrir erindi frá knattspyrnudeild Ungmennafélags Svarfdæla og Barna- og unglingaráði, dagsett þann 19. ágúst sl., þar sem knattspyrnudeildin óskar eftir fjármagni frá Dalvíkurbyggð til að ráða starfsmann sem sinnir daglegu starfi og uppbyggingu innan deildarinnar sem og styðja við starf annarra deilda UMFS.

UMFS hefur sótt um styrk vegna fjármögnunar á starfi starfsmanns fyrir félagið.

Erindi frá knattspyrnudeild um að ráða starfsmann hjá UMFS.

Umræður um ósk UMFS um styrk til ráðningar starfsmanns fyrir félagið. Ljóst er að ekkert verður af því að UMSE og UMFS verði með sameiginlegan starfsmann og því þarf að endurmeta möguleikana.

Jón Stefán Jónsson, íþróttafulltrúi, kominn inn á fundinn kl. 13:26.

Á 178. fundi íþrótta- og æskulýðsráðs þann 30. september sl. var eftirfarandi bókað:
"Umræður um ósk UMFS um styrk til ráðningar starfsmanns fyrir félagið. Ljóst er að ekkert verður af því að UMSE og UMFS verði með sameiginlegan starfsmann og því þarf að endurmeta möguleikana.
Niðurstaða : Íþrótta - og æskulýðsráð er fylgjandi því að starfsmaður verði ráðinn og vísar málinu til Byggðaráðs Dalvíkurbyggðar í vinnu við fjárhagsáætlun fyrir fjárhagsárið 2026. Íþrótta - og æskulýðsráð óskar eftir að íþróttafulltrúi fylgir málinu eftir inn í Byggðaráð."

Íþróttafulltrúi gerði grein fyrir ofangreindu og mögulegri sviðsmynd fyrir samstarfi íþrótta- og æskulýðsfélaganna í Dalvíkurbyggð og hvernig stöðugildi starfsmanns kæmi mögulega þar inn.

Jón Stefán vék af fundi kl.14:05.