Fjárhagsáætlun 2014 -2017; Álagning fasteignagjalda 2014. Til kynningar.

Málsnúmer 201309008

Vakta málsnúmer

Byggðaráð - 672. fundur - 05.09.2013

Til umræðu forsendur vegna álagningar fasteignagjalda fyrir árið 2014 vegna vinnu við fjárhagsáætlun 2014-2017.

Fram kom nokkrar hugmyndir sem verða skoðaðar áfram.

Byggðaráð - 673. fundur - 12.09.2013

Á 672. fundi byggðarráðs þann 5. september s.l. var eftirfarandi bókað:
Til umræðu forsendur vegna álagningar fasteignagjalda fyrir árið 2014 vegna vinnu við fjárhagsáætlun 2014-2017.

Fram komu nokkrar hugmyndir sem verða skoðaðar áfram.
Ofangreint til umræðu.

Byggðaráð - 680. fundur - 24.10.2013

Með fundarboði byggðarráðs fylgdi tillaga að álagningu fasteignagjalda fyrir árið 2014.

Afgreiðslu frestað.Byggðarráð samþykkir  samhljóða með 3 atkvæðum að tillagan verði skoðuð nánar og óskar eftir útskýringum á hækkunum umfram vísitölu þar sem það á við.

Sveitarstjórn - 251. fundur - 19.11.2013

Afgreiðslu frestað með vísan í tillögu í upphafi fundar.

Sveitarstjórn - 254. fundur - 27.12.2013

Á 682. fundi byggðarráðs þann 14. nóvember 2013 samþykkti byggðarráð samhljóða með 3 atkvæðum tillögu til sveitarstjórnar hvað varðar álagningu fasteignaskatts og fasteignagjalda fyrir árið 2014.

Á 251. fundi sveitarstjórnar þann 19. nóvember 2013 var afgreiðslu á ákvörðun sveitarstjórnar vegna álagningar fasteignaskatts- og fasteignagjalda 2014 frestað þar sem sveitarstjórnar samþykkti í upphafi fundar að endurskoða þjónustugjaldskrár fyrir árið 2014.

Á 252. fundi sveitarstjórnar þann 3. desember s.l. voru til umfjöllunar og afgreiðslu meðal annarra gjaldskrár vegna sorphirðu, gjaldskrá fráveitu Dalvíkurbyggðar og gjaldskrá vatnsveitu Dalvíkur og voru þær samþykktar samhljóða.

Með fundarboði sveitarstjórnar fylgir tillaga að álagningu fasteignaskatts og lóðarleigu fyrir árið 2014 sem hér segir:
Fasteignagjöld íbúðarhúsnæðis: A-skattflokkur
Fasteignaskattur A 0,49% af fasteignamati húss og lóðar (var 0,47%).
Fasteignagjöld stofnana: B-skattflokkur
Fasteignaskattur B 1,32% af fasteignamati húss og lóðar (óbreytt).
Fasteignagjöld atvinnuhúsnæðis: C-skattflokkur
Fasteignaskattur C 1,65% af fasteignamati húss og lóðar (óbreytt
Lóðarleiga
Lóðarleiga íbúðahúsalóða 1,28% af fasteignamati lóðar (var 1,50%).
Lóðarleiga atvinnulóða 2,90 % af fasteignamati lóðar (óbreytt).
Lóðarleiga ræktarlands 3,00% af fasteignamati lóðar (óbreytt).

Gjalddagar og greiðsla fasteignagjalda
Gjalddagar fasteignagjalda eru tíu talsins og eru gjöldin innheimt frá 5. febrúar til 5. nóvember. Eindagi fasteignagjalda er 30 dögum eftir gjalddaga.

Til máls tók:
Svanfríður Inga Jónasdóttir.
Sveitarstjórn samþykkir samhljóða með 6 atkvæðum ofangreinda tillögu, þ.e.  fasteignaskattur A verði 0,49% af fasteignamati húss og lóðar, fasteignaskattur B verði 1,32% af fasteignamati húss og lóðar og fasteignaskattur C verði 1,65% af fasteignamati húss og lóðar, lóðarleiga íbúðahúsaslóða verði 1,28% af fasteignamati lóðar, lóðarleiga atvinnulóða verði 2,9% af fasteignamati lóðar og lóðarleiga ræktarlands verði 3,00% af fasteignamati lóðar. Sveitarstjórn samþykkir jafnframt samhljóða með 6 atkvæðum ofangreinda tillögu hvað varðar gjalddaga og greiðslu fasteignagjalda, þ.e. gjalddagar fasteignagjalda eru tíu talsins og eru gjöldin innheimt frá 5. febrúar til 5. nóvember. Eindagi fasteignagjalda er 30 dögum eftir gjalddaga.