Félagsmálaráð

Bessi Víðisson vék af fundi vegna vanhæfis kl 8:17

Trúnaðarmál - 202511052

Bókað í trúnaðarmálabók

Bessi Víðisson kom inn á fund aftur kl 8:20

Trúnaðarmál - 202601036

Bókað í trúnaðarmálabók.

Trúnaðarmál 202602024

Bókað í trúnaðarmálabók

Tekið fyrir erindi dags. 01.12.2025 frá Innviðaráðuneytinu. En samkvæmt 20.gr reglugerðar nr. 1250/2018 um notendastýrða persónulega aðstoð greiðir jöfnunarsjóður, á grundvelli umsókna umsýsluaðila, framlög til að standa straum af viðbótarútgjöldum vegna langtímaveikinda aðstoðarfólks. Kostnaðarþátttaka Jöfnunarsjóðs er sú sama og í NPA samningnum sjálfum eða 25%

Tekið fyrir erindi dags. 25.11.2025 frá Félags- og húsnæðismálaráðuneytinu þar sem fram kemur að Félags- og húsnæðismálaráðuneytið leggi ríka áherslu á að efla þjónustu við eldra fólk, með sérstakri áherslu á uppbyggingu hjúkrunarrýma og dagdvalarrýma um land allt. Á síðustu árum hefur myndast veruleg uppsöfnuð þörf fyrir ný hjúkrunarrými og er því brýnt að ráðast í markvissar aðgerðir til að bregðast við þeirri stöðu.
Samhliða uppbyggingu hjúkrunarheimila verði áfram unnið að því að styðja við eldra fólk til að búa á eigin heimili eins lengi og kostur er. Til þess verður lögð áhersla á frekari eflingu og þróun dagdvala, sem eru mikilvægur þáttur í því að styðja sjálfstæða búsetu, draga úr félagslegri einangrun og efla lífsgæði eldra fólks.
Undanfarin ár hefur ráðuneytið veitt styrki til ráðningar tengiráðgjafa sem höfðu það hlutverk að vinna gegn félagslegri einangrun og einmanaleika viðkvæmra hópa. Tengiráðgjafarnir hafa gegnt veigamiklu hlutverki og unnið ötullega að markmiði sínu, auk þess sem þeir hafa verið mikilvægur þáttur í undirbúningi og innleiðingu samþættrar heimaþjónustu á þróunarsvæðum Gott að eldast.
Styrkveitingar til ráðningar tengiráðgjafa voru hluti af viðbrögðum stjórnvalda við félags- og heilsufarslegum afleiðingum Covid-19 heimsfaraldursins. Sérstökum mótvægisaðgerðum til að sporna gegn afleiðingum heimsfaraldursins er nú lokið. Af þeim sökum er ekki unnt að veita áframhaldandi styrki til ráðningar tengiráðgjafa.
Ráðuneytið mun áfram leggja ríka áherslu á að efla stuðningsúrræði og uppbyggingu þjónustu fyrir eldra fólk, tryggja samfellu í þróun þjónustu og vinna að fjölbreyttum lausnum sem styrkja bæði einstaklinga og nærumhverfi þeirra.

Dalvíkurbyggð er þátttakandi í tilraunaverkefninu Gott að eldast og var ráðinn tengiráðgjafi á tilraunatímabilinu eða út árið 2027. Búið er að senda bréf til byggðarráðs vegna þessa í samvinnu við forstöðumann Dalbæjar.

Tekið fyrir erindi dags. 10.12.2025 frá Jafnréttisstofu. Kynnt er skýrsla þar sem fjallað er um umönnunarbil milli fæðingarorlofs og leikskóladvalar barna sem hefur verið áskorun fyrir fjölskyldur. Ný skýrsla Jafnréttisstofu sýnir að án heildstæðrar stefnu og jafnréttismats geta kerfisbreytingar fest kynjahlutverk í sessi og aukið kynjabil í tekjum og tækifærum.

Tekið fyrir erindi dags. 13.11.2025 frá Sambandi Íslenskra sveitarfélaga. Samband íslenskra sveitarfélaga fundaði með samtökum stjórnenda í velferðarþjónustu sveitarfélaga 7. nóvember þar sem tilefni fundar var að ræða mögulegar athugasemdir varðandi drög að gæðaviðmiðunum í félagsþjónstu, erindi frá Gæða- og eftirlitsstofnun. Ákveðið var á fundinum að fela sérfræðingi á Stjórnsýslusviði Sambandsins að taka saman tillögur og móta hugmyndir. Lögð var síðan frá umsögn í nafni allra Velferðasviða um gæðaviðmiðin.

Tekið fyrir erindi dags.07.01.26 frá ME félags Íslands. Óskað eftir styrk til að búa til fræðslumyndband um ME, umbrot,hönnun og slíkt. Alls er gert ráð fyrir kostnaði að upphæð 1.600.000,-

Tekið fyrir erindi dags. 09.01.2026 frá Öryrkjabandalagi Íslands. Vakin er athygli á drögum að breytingu á reglugerð um starfsemi Fasteignasjóðs Jöfnunarsjóðs sveitarfélaga sem komin er í samráðsgátt.

Lagt fram til kynningar að félags- og húsnæðismálaráðuneytið hefur opnað fyrir umsóknir um framlög úr Framkvæmdasjóði aldraðra fyrir árið 2026

Lögð fram til kynningar mánaðarleg skýrsla félagsmálasviðs 2026