Félagsmálaráð

Trúnaðarmál - 201902157

Bókað í trúnaðarmálabók

Trúnaðarmál - 20190341

Bókað í trúnaðarmálabók

Trúnaðarmál - 201903040

Bókað í trúnaðarmálabók

Tekið fyrir erindi um starfsemi og rekstur Dalvíkurbygggðar, vinnuhóp 2 félagsmálasvið. Farið yfir tillögur vinnuhópsins.

Lagt fram til kynningar rafbréf dags. 22. febrúar 2019 frá Ásmundi Einari Daðasyni félags- og barnamálaráðherra um stefnumótun í málefnum barna og endurskoðun á félagslegri umgörð þeirra og þjónustu. Fram kemur í bréfinu að ráðherra hafi boðað heildarendurskoðun á barnaverndarlögum, endurskoðun á félagslegri umgjörð og stuðningi við börn á Íslandi með áherslu á snemmtæka íhlutun og samvinnu kerfa. Vakin er athygli að að framundan er vinna við þessa endurskoðun á lögum og aðgerðum. Skipuð hefur verið þverpólitísk nefnd til að hafa yfirumsjón með mótun stefnunnar. Hins vegar geta einstaklingar sem hafa áhuga á slíkri vinnu komið upplýsingum á framfæri og/eða óskað eftir þátttöku í hliðarhópum og opnum fundum.

Lögð fram Hagstofuskýrsla fyrir félagsþjónustu Dalvíkurbyggðar fyrir árið 2018. Í Hagstofuskýrslu kemur fram að félagsþjónusta sinnir 47 heimilum með heimilsþjónustu og alls fengu 29 heimili fjárhagsaðstoð á árinu.

Lögð fram til kynningar frávikagreining félagsmálasviðs vegna fjárhagsáætlunar ársins 2018 sem og staðan á fjármálum sviðsins það sem af er ári 2019

Lagt fram til kynningar erindi frá nefndarsviði Alþingis dags. 21.febrúar. Sent var til umsagnar þingsályktun um velferðartækni, 296. mál.

Lagt fram til kynningar erindi frá nefndarsviði Alþingis dags. 21.febrúar til umsagnar frumvarp til laga um rétt barna sem aðstandendur, 255.mál

Lagt fram til kynningar erindi frá nefndarsviði Alþingis dags. 31.janúar 2019. Til umsagnar er frumvarp til laga um breytingu á lögum um málefni aldraðra (Framkvæmdasjóð aldraðra) 306. mál.
Erindi þetta var einnig tekið fyrir á fundi byggðaráðs þann 11.febrúar 2019 og var eftirfarandi bókað:

201901111 - Til umsagnar frumvarp til laga um breytingu á lögum um málefni aldraðra (Framkvæmdarsjóður aldraðra) 306. mál.

Tekinn fyrir rafpóstur frá nefndasviði Alþingis þar sem Velferðarnefnd Alþingis sendir til umsagnar frumvarp til laga um breytingu á lögum um málefni aldraðra (Framkvæmdarsjóður aldraðra) 306. mál. Þess er óskað að undirrituð umsögn berist eigi síðar en 21. febrúar n.k.

Byggðaráð samþykkir samhljóða með 3 atkvæðum að vísa ofangreindu til félagsmálaráðs og senda upplýsingar um ofangreint til hjúkrunarframkvæmdastjóra Dalbæjar.

Tekið fyrir erindi frá Félagsmálanefnd Fjallabyggðar dags. 12.febrúar 20109 en þar kemur fram að félagsmálanefnd Fjallabyggðar óski eftir fundi með félagsmálaráði Dalvíkurbyggðar. Tilgangur fundarins er að ræða ýmis sameiginleg verkefni s.s. málefni fatlaðs fólks, notendaráð félagsþjónustu og önnur þau mál er varða félagsþjónustu sveitarfélaganna. Lagt er til að fundur verði haldinn á Siglufirði í mars.

Á fundi félagsmálaráðs 225.fundi var tekið fyrir erindi vegna styrkveitingar í bílakaup á Dalbæ, heimili aldraðra á Dalvík. Þar var bókað; Félagsmálaráð leggur til að samningurinn verði ítarlegri og felur sviðsstjóra að vinna frekar að endurskoðun samnings með hjúkrunarforstjóra Dalbæjar og sveitarstjóra Dalvíkurbyggðar.
Lagður er fram endurskoðaður samningur sbr. bókun ráðsins.

Tekið fyrir erindi frá Barnaheill dags. 25.02.2019 þar sem kynnt er að Barnaheill- Save the children á Íslandi hefji von bráðar hjólasöfnun sína í áttunda sinn. Frá upphafi hjólasöfnunar hafa hátt í 1800 börn notið góðs af því að fá hjól úr söfnuninni. Hjólasöfnunin er unnin í samstarfi við Æskuna-barnahreyfingu IOGT og ýmsa aðra velunnara. Markmið hjólasöfnunarinnar er að börn og ungmenni í félagslega eða fjárhagslega erfiðri stöðu eignist reiðhjól. Almenningur er hvattur til að gefa reiðhjól til söfnunarinnar og sjá sjálfboðaliðar um viðgerðir á hjólunum áður en þeim er úthlutað. Umsóknareyðublöð eru á skrifstofu félagsþjónustu og verða sendar þaðan. Barnaheill hefur síðan samband við skjólstæðinga vegna úthlutunar. Barnaheill hefur verið í samstarfi við Eimskip/Flytjanda sem hafa flutt hjólin á milli landshluta.