Byggðaráð

Undir þessum lið kom á fund byggðarráðs Eyrún Rafnsdóttir, sviðsstjóri félagsmálasviðs, kl. 8:15.

Til umræðu staða mála hvað varðar útleigu og sölu á íbúðum í eigu Dalvíkurbyggðar.

Sveitarfélagið á nú 18 íbúðir á Dalvík og 13 íbúðir á Árskógsströnd eða alls 31 íbúð. Allar íbúðirnar eru í útleigu nema ein á Árskógsströnd.

Stefnt hefur verið á til lengri tíma að sveitarfélagið eigi 4 íbúðir til ráðstöfunar á Dalvík, þar að auki eru 2 fyrir aldraða í Kirkjuvegi og 1 íbúð í Skógarhólum vegna Skammtímavistunar. Á Árskógsströnd er gert ráð fyrir að eiga 3 íbúðir til lengri tíma. Alls 10 íbúðir.

Eyrún vék af fundi kl. 08:51.

Á 704. fundi byggðarráðs þann 21. ágúst 2014 var eftirfarandi bókað:
Með fundarboði byggðarráðs fylgdu gildandi siðareglur kjörinna fulltrúa í Dalvíkurbyggð. Samkvæmt 9. lið reglnanna skulu siðareglur þessar teknar til umræðu í bæjarstjórn í upphafi hvers kjörtímabils og endurskoðaðar ef þörf þykir.

Byggðarráð felur sviðsstjóra fjármála- og stjórnsýslusviðs að uppfæra reglurnar þannig að bæjarfulltrúi verði sveitarstjórnarfulltrúi.
Reglurnar komi fyrir byggðarráð að nýju.

Með fundarboði byggðarráðs fylgdu uppfærð drög í samræmi við ofangreint.

Tekið fyrir erindi frá slökkviliðsstjóra Dalvíkurbyggðar, bréf dagsett þann 26. ágúst 2014, þar sem óskað er eftir viðauka við fjárhagsáætlun 2014 vegna slöngulagnabíls.

Á gildandi fjárhagsáætlun er heimild fyrir kr. 5.000.000. Heildarkostnaður við bílinn er í dag orðinn kr. 4.523.603 og óskað er eftir kr. 1.500.000 til viðbótar.

Á 704. fundi byggðarráðs þann 21. ágúst 2014 var frestað afgreiðslu á eftirfarandi lið frá 253. fundi umhverfisráðs frá 8. ágúst 2014,8. liður, og samþykkt að óska frekari upplýsinga.

201408008 - Umsókn um endurnýjun á byggingarleyfi
Með rafpósti dags. 01. ágúst 2014 óskar Logi Már Einarsson fyrir hönd lóðarhafa Hamars lóð B3 eftir endurnýjun á byggingarleyfi samkvæmt meðfylgjandi gögnum.
Umhverfisráð samþykkir með fjórum atkvæðum og felur sviðsstjóra að ganga frá endurnýjun á leyfinu þegar tilskilin gögn hafa borist. Kristín Dögg Jónsdóttir situr hjá.

Formaður byggðarráðs upplýsti að nýtt deiliskipulag hefur ekki tekið gildi.

Tekið fyrir erindi frá Ríkisútvarpinu, rafpóstur dagsettur þann 25. ágúst 2014, þar sem fram kemur að Útsvar verður á dagskrá áttunda veturinn í röð og óskar eftir staðfestingu á þátttöku sem allra fyrst.
Óskað er jafnframt eftir nöfnum, símanúmerum og netföngum keppenda sem allra fyrst.

Bókað í trúnaðarmálabók.

Til umfjöllunar álagning fasteigna- og þjónustugjalda fyrir árið 2015 í tengslum við vinnu við starfs- og fjárhagsáætlun 2015-2018.

Eftir fund byggðarráðs fór byggðarráð ásamt sveitarstjóra og sviðsstjóra fjármála- og stjórnsýslusviðs í heimsókn í Byggðasafnið Hvol. Forstöðumaður og sviðsstjóri fræðslu- og menningarsviðs buðu sveitarstjórn og menningarráði.