Byggðaráð

a) Sviðsstjóri fjármála- og stjórnsýslusviðs og sveitarstjóri kynntu tillögu að heildarviðauka II við fjárhagsáætlun 2015; þ.e. þeir viðaukar sem samþykktir hafa verið við fjárhagsáætlun 2015 eftir 16. júní s.l.



b) Bókað í trúnaðarmálabók.

Sviðsstjóri fjármála- og stjórnsýslusviðs og sveitarstjóri kynntu tillögu að fjárhagsáætlun 2016-2019; fjárhagsáætlunarlíkan.

Tekið fyrir erindi frá sveitarstjóra er varðar ritun sjávarútvegssögu Dalvíkurbyggðar.



Markmið verkefnisins er að gefa eins heildstæða mynd af sjávarútvegssögu Dalvíkurbyggðar á 20. öld og fram á þá 21. eins og frekast er unnt. Sagan tekur til sjávarútvegs í tveimur af þeim þremur sveitarfélögum sem sameinuðust í sveitarfélagið Dalvíkurbyggð árið 1998 þ.e. Dalvíkurbæ og Árskógshreppi. Í því skyni þarf víða að leita fanga. Ritaðar heimildir liggja víða, fundagerðarbækur, greinar í blöðum, bókum og tímaritum, ýmis gögn frá sjávarútvegsfyrirtækjum á Dalvík og síðast en ekki síst verði tekin viðtöl við fjölmarga þá sem stóðu í eldlínunni t.d. stjórnendur fyrirtækja, sjómenn og aðra, til þess að varpa skemmtilegu, áhugaverðu og lifandi ljósi á viðfangsefnið. Fyrsta skrefið þarf að vera söfnun munnlegra heimilda og ljósmynda. Samkvæmt kostnaðaráætlun er miðað við að öll heimildaöflun kosti samtals um 3,3 milljónir. Lagt er til að árið 2016 verji Dalvíkurbyggð 1/3 af þeirri upphæð eða um 1,1 milljón til að afla munnlegra heimilda og ljósmynda.

Tekið fyrir erindi frá Íbúðalánasjóði, bréf dagsett þann 8. október 2015, þar sem fram kemur að Íbúðalánasjóður er um þessar mundir að hafa samband við sveitarfélög þar sem sjóðurinn á fasteignir og bjóða þeim til viðræðna um að kaupa eignirnar af sjóðnum.



Í Dalvíkurbyggð á Íbúðalánasjóður samtals 11 eignir en þá eru ekki meðtaldar þær eignir sem dótturfélag Íbúðalánasjóðs, Leigufélagið Klettur ehf., kann að eiga í sveitarfélaginu.

Tekinn fyrir rafpóstur frá innanríkisráðuneytinu, dagsettur þann 16. október 2015, þar sem fram kemur að reikningsskila- og upplýsinganefnd hefur unnið drög að endurskoðari reglugerð um bókhald, fjárhagsáætlanir og ársreikninga sveitarfélaga. Reglugerðardrögin eru nú til kynningar og er unnt að senda ráðuneytinu umsagnir til og með 30. október n.k.