Byggðaráð

Á 5. fundi atvinnumála- og kynningarráð þann 5. desember s.l. var eftirfarandi bókað:

Á 19. fundi veitu- og hafnarráðs þann 22. október s.l. var eftirfarandi bókað: "Með vísan til 12. fundar veitu- og hafnaráðs,4. tl., en þar var lagður fram kynningarbæklingur um framangreint mál. Úlfar Eysteinsson,Magnús Garðarsson og Guðjón Steindórsson óskaðu eftir því að koma á fund ráðsins til þess að kynna verkefnið frekar. Veitu- og hafnaráð vísar erindinu til atvinnumála- og kynningarráðs og umhverfisráðs til skoðunar. Ráðið felur hafnastjóra að vinna málið áfram fram að næsta fundi."

Á 257. fundi umhverfisráðs þann 7. nóvember 2014 var ofangreint tekið fyrir og bókað að umhverfisráð hefur kynnt sér verkefnið.

Atvinnumála- og kynningarráð hefur kynnt sér málið og leggur til að óskað verði eftir ítarlegi stofn- og viðskiptaáætlun þar sem fram kemur hvernig standa eigi að kostnaði við framkvæmdir á hafnarsvæðinu, fjármögnun og framtíðar rekstri verkefnisins.

Einnig leggur atvinnumála- og kynningarráð til að tekið verið saman hver áhrifin verði á hafnarsvæðið varðandi framkvæmdir og kostnað við uppbyggingu vegna starfseminnar.

Þorsteinn K. Björnsson víkur af fundi kl. 12:35

Lilja Björk Ólafsdóttir víkur af fundi kl. 12:37.

Á 21. fundi veitu- og hafnaráðs þann 3. desember s.l. var eftirfarandi bókað:

Þessu erindi var frestað á 20. fundi ráðsins.
Á 257. fundi Umhverfisráðs Dalvíkurbyggðar þann 7. nóvember sl., var tekið fyrir ofangreint erindi.Lagður fram til staðfestingar endurnýjaður samstarfssamningur milli Dalvíkurbyggðar og Ferðafélags Svarfdæla. Á fundi umhverfisráðs var eftirfarandi fært til bókar. "Þar sem greiðslur vegna þessa styrkjar hafa verið greiddar af umhverfisverkefnum veitna undanfarin ár vísar umhverfisráð samningnum til veitu- og hafnaráðs."

Veitu- og hafnaráð hafnar erindinu og vísar því til byggðarráðs til afgreiðslu.

Tekið fyrir erindi frá Slysavarnarfélaginu Landsbjörg, rafpóstur dagsettur þann 26. nóvember 2014 þar sem þess er óskað að sveitarfélagið kosti upplýsingaskjá fyrir ferðamenn í Íþróttamiðstöð Dalvíkurbyggðar.

Slysavarnarfélaginu Landsbjörg langar að setja upp skjáupplýsingakerfi en óskar eftir að Dalvíkurbyggð fjármagni verkefnið sem er áætlað að kosti kr. 290.000 án vsk. Í þeirri upphæð er innifalið eftirfarandi:
sjónvarpið, tölvan og uppsetning á því efni sem þarna verður sett fram og rekstur á kerfinu um aldur og ævi sem Slysavarnarfélagið Landsbjörg sér um.

Tekinn fyrir rafpóstur dagsettur þann 12. desember 2014 frá sviðsstjóra umhverfis- og tæknisviðs þar sem meðfylgjandi eru í viðhengi nýjustu teikningar af viðbyggingu við Krílakot sem væntanlega verða lokateikningar. Upplýst er að stærð viðbyggingar hefur örlítið stækkað, eða um 7 m2.

Næstu skerf eru að fá hönnuði til að fara á fullt í áframhaldandi hönnun.

Á 718. fundi byggðarráð þann 20. nóvember 2014 var eftirfarandi bókað:

Undir þessum lið kom á fund byggðarráðs Margrét Víkingsdóttir, upplýsingafulltrúi, kl. 8:42.

Á 691. fundi byggðarráðs þann 20. febrúar 2014 var kynnt drög að verkefnalýsingu og verkefnaáætlun vegna verkefnavinnu um Ímynd Dalvíkurbyggðar.

Í ferlinu er nú komið að því að setja saman vinnuhóp vegna áfanga #3; Ímynd Dalvíkurbyggðar sem samfélags. Lagt er til að vinnuhópinn skipi; vinnuhópurinn sem hefur komið að áfanga #1 og #2, 2-3 kjörnir fulltrúar og 2 úr samfélaginu.

Þeir sem eru nú í vinnuhópnum eru:
Margrét Víkingsdóttir, upplýsingafulltrúi.
Guðrún Pálína Jóhannsdóttir, sviðsstjóri fjármála- og stjórnsýslusviðs.
Hildur Ösp Gylfadóttir, sviðsstjóri fræðslu- og menningarsviðs.
Eyrún Rafnsdóttir, sviðsstjóri félagsmálaviðs.
Ingvar Kristinsson, umsjónarmaður fasteigna.
Óli Þór Jóhannsson, starfsmaður veitu- og hafnasviðs.
Íris Ólöf Sigurjónsdóttir, forstöðumaður Byggðasafnsins Hvols.

Margrét vék af fundi kl. 08:57.

Byggðarráð samþykkir samhljóða með 3 atkvæðum að fela upplýsingafulltrúa að auglýsa á www.dalvikurbyggd.is eftir íbúum í ofangreindan vinnuhóp.

Sviðsstjóri fjármála- og stjórnsýslusviðs upplýsti um hvað kom út úr auglýsingu sveitarfélagsins eftir áhugasömum íbúum í vinnuhópinn.

Á 718. fundi byggðarráðs þann 20. nóvember s.l. var meðal annars eftirfarandi bókað:

Í samráði við fulltrúa stjórnar UMFS á fundinum samþykkir byggðarráð með 2 atkvæðum að setja saman 6 manna vinnuhóp; 3 fulltrúa frá UMFS og 3 fulltrúa frá Dalvíkurbyggð. Byggðarráð felur íþrótta- og æskulýðsfulltrúa að gera drög að erindisbréfi fyrir vinnuhópinn, í samráði við stjórn UMFS, og að erindisbréfið fari síðan fyrir byggðarráð til umfjöllunar og afgreiðslu. Hluti af verkefni þessa vinnuhóps væri að fara yfir framtíðarsýn hvað varðar uppbyggingu á íþróttasvæðinu.

Á 63. fundi íþrótta- og æskulýðsráðs þann 9. desember 2014 var eftirfarandi bókað:
Á fundi Byggðaráðs þann 20.11.2014 var samþykkt að setja saman 6 manna vinnuhóp; 3 fulltrúa frá UMFS og 3 fulltrúa frá Dalvíkurbyggð. Byggðarráð fól íþrótta- og æskulýðsfulltrúa að gera drög að erindisbréfi fyrir vinnuhópinn. Samkvæmt drögum að erindisbréfinu er einn af þessum 6 fulltrúum aðili frá íþrótta- og æskulýðsráði en einnig mun íþrótta- og æskulýðsfulltrúi starfa með hópnum.

Íþrótta- og æskulýðsráð samþykkir erindisbréfið fyrir sitt leyti og tilnefnir Kristinn Inga Valsson sem fulltrúa ráðsins.

Til kynningar undirritaðar fundargerðir aðalfundar Greiðrar leiðar 10. júní s.l. og framhaldsaðalfundar 14. ágúst s.l.