Byggðaráð

a) Viðhald og framkvæmdir Eignasjóðs.



Undir þessum lið komu á fund byggðaráðs Börkur Þór Ottósson, sviðsstjóri umhverfis- og tæknisviðs, og Ingvar Kristinsson, umsjónarmaður fasteigna, kl. 13:43.



Til umræðu áætlun um viðhald Eignasjóðs 2016 og framkvæmdaáætlun Eignasjóðs 2016-2019.

Á 197. fundi fræðsluráðs þann 7. október 2015 var eftirfarandi bókað:

"Tónlistarskóli Dalvíkurbyggðar bauð fræðsluráði í heimsókn í húsakynni skólans með það að markmiði að kjörnir fulltrúar sæju ástand húsnæðisins og þáði ráðið boðið.

Fræðsluráð tekur undir með stjórnendum skólans að afar mikilvægt sé að farið verði í töluvert viðhald á húsnæðinu. Leggur fræðsluráð til við byggðaráð að það fari í heimsókn og skoði húsakynni skólans og leggur mikla áherslu á að forgangsraðað verði í þágu hans við núverandi fjárhagsáætlanagerð. Jafnframt óskar ráðið eftir við sviðsstjóra umhverfis- og tækisviðs að gerð verði heilsufarsleg úttekt á húsnæði skólans og brugðist strax við, reynist ástæða til. Fræðsluráð þakkar starfsfólki Tónlistarskólans fyrir boðið og móttökurnar."



Til umræðu ofangreint.



Ingvar vék af fundi kl. 15:43.

Tekið fyrir erindi frá sviðsstjóra umhverfis- og tæknisviðs, bréf dagsett þann 8. október 2015, þar sem óskað er eftir viðauka við fjárhagsáætlun 2015 vegna endurbóta og framkvæmda við Sundlaug Dalvíkur.



Þar sem tilboði sem barst við endurbætur á Sundlaug (dúklögn) var hafnað í haust er ljóst að ekki er þörf á öllu því fjármagni sem áætlað er árið 2015. Engu að síður er búið að setja í ferli vinnu við hönnun og útboð þar sem stefnt er á að hægt verði að bjóða út alla verkþætti á næsta ári, sem kæmu til framkvæmda á árunum 2016 og 2017. Er því óskað eftir því að tæknideild fái heimild til að nýta af þeim kr. 25.000.000 sem áætlaðar voru til framkvæmda allt að kr. 5.000.000 árið 2015 til að hanna og gera útboðsgögn vegna endurbótanna, þannig að liður 32-200-11603 verði kr. 7.035.000 og liður 32-200-11603 verði kr. 0.

Tekið fyrir erindi frá sviðsstjóra umhverfis- og tæknisviðs, bréf dagsett þann 8. október 2015, þar sem óskað er eftir breytingu á fjárhagsáætlun 2015 vegna framkvæmda við Krílakot. Gert var ráð fyrir á árinu 2015 kr. 88.200.000, en skv. tilboði og samningi verður upphæðin á árinu 2015 kr. 80.283.370. Um er að ræða lækkun að upphæð kr. 7.917.000 á lið 32200-11601.



Börkur Þór vék af fundi kl. 15:55.

Frestað.