Byggðaráð

Undir þessum lið kom á fund byggðarráðs Börkur Þór Ottósson, sviðsstjóri umhverfis- og tæknisviðs.

Börkur Þór kynnti tillögu að starfs- og fjárhagsáætlun sviðsins ásamt eftirfarandi gögnum:
Tillögur að framkvæmdum og viðhaldi.
Beiðni um nýkaup.

Sviðsstjóri umhverfis- og tæknisviðs lagði fram drög að starfslýsingu fyrir umhverfisstjóra, um er að ræða nýtt starf í stað starfs garðyrkjustjóra.

Sviðsstjóri óskar eftir heimild til að auglýsa starfið miðað við 100% stöðugildi með það að markmiði að nýr starfmaður tæki til starfa 1.1.2014.

Börkur Þór vék af fundi kl. 10:00.

Á 674. fundi byggðarráðs þann 26. september s.l. var til umfjöllunar erindi frá stjórn UMFS hvað varðar byggingu á gervigrasvelli ásamt frjálsíþróttavelli á íþróttasvæði félagsins á Dalvík. Óskað er aðkomu Dalvíkurbyggð með aðstoð við fjármögnun allt að 85% af framkvæmdarkostnaði sem er áætlaður 330 m.kr.

Til umræðu ofangreint og hver möguleg aðkoma Dalvíkurbyggðar gæti orðið.

Tekið fyrir erindi frá Ungmennafélagið Atla, rafbréf dagsett þann 19. september 2013, þar sem óskað er eftir aðkomu Dalvíkurbyggðar að endurbótum á samkomuhúsinu Höfða með einhverjum hætti.

Á 39. fundi menningarráðs þann 13. september 2013 var eftirfarandi bókað um ofangreint erindi:
Tekið var fyrir erindi, dagsett 29. ágúst 2013, frá Félagi eldri borgara þar sem óskað er eftir styrktarsamningi til þriggja ára til að styrkja starf og rekstur félagsins. Byggðaráð vísaði erindinu til menningarráðs og félagsmálaráðs.

Menningarráð hafnar styrktarsamningi en samþykkir að veita félaginu styrk vegna fasteignagjalda á árinu 2014 allt að 180.000 kr. Í framhaldinu þarf að sækja um niðurgreiðslu vegna fasteignagjalda árlega þegar auglýst er eftir erindum vegna fjárhagsáætlunar.

Á 172. fundi félagsmálaráðs þann 17. september 2013 var eftirfarandi bókað um ofangreint erindi:
Lagt var fram erindi frá 672. fundi Byggðarráðs Dalvíkurbyggðar frá 5. september 2013. Erindið er frá stjórn Félags eldri borgara, dagsett þann 29. ágúst, þar sem fram kemur beiðni um styrktarsamning til þriggja ára þannig að árlegur styrkur nemi kr. 500.000,- Erindinu er vísað til félagsmálaráðs og menningarráðs til afgreiðslu.

Félagsmálaráð lýsir yfir vilja sínum til að gera styrktarsamning til 3 ára við félag eldri borgara að upphæð 300.000 pr. ár en fjárhagsrammi ársins 2014 rúmar ekki þá upphæð. Þar af leiðandi vísar félagsmálaráð málinu til byggðaráðs.

Tekið fyrir erindi frá skóla- og foreldraráði Árskógarskóla, bréf dagsett í október 2013, er varðar félagsheimilið Árskóg. Skóla- og foreldraráð Árskógarskóla hvetur byggðarráð til þess að tryggja að öryggi barna og starfsfólks verði bætt strax á árinu 2014 eða fyrr ef það er mögulegt enda hafi ráðið sýnt vilja til að gera vel í málum fasteigna í Árskógi með breytingum í Árskógarskóla.

Tekið fyrir erindi frá Landsbyggðin lifir, bréf dagsett 2. október 2013, þar sem óskað er eftir styrk að upphæð kr. 100.000 til að sinna grunnstarfsemi samtakanna, en markmið þeirra er að vera samstarfsvettvangur fyrir félög, áhugamannahópa og einstaklinga sem hafa það að markmiði að styrkja sína heimabyggð og byggð á landinu.

Tekið fyrir erindi frá Velferðarráðuneytinu, bréf dagsett þann 25. september 2013, þar sem fram kemur að ráðherra stefnir að sameiningu heilbrigðsstofna á Suðurlandi, Vestfjörðum og Norðurlandi þannig að Heilsugæslustöðin á Dalvík yrði hluti af Heilbrigiðsstofnunum Blönduósi, Sauðárkróki, Fjallabyggð, Þingeyinga og Heilsugæslustöðinni á Akureyri.

Sveitarfélaginu er gefinn kostur á að tjá sig um fyrrgreind áform um sameiningu og óskað er eftir að athugasemdir eða ábendingar berist eigi síðar en 15. október n.k.

Tekið fyrir erindi frá innanríkisráðuneytinu, bréf dagsett þann 18. september 2013, þar sem ráðuneytið vekur athygli á því að þann 6. mars s.l. var Barnasáttmáli Sameinuðu þjóðanna lögfestur á Íslandi með lögum nr. 19/2013. Stjórnvöld hafa meðal annars komið á laggirnar Vitundarvakningu um kynferðislegt, andlegt og líkamlegt ofbeldi gegn börnum. Vitundarvakning stendur að fræðsluþingum víða um land í otkóber 2013. Ráðuneytið hvetur kjörna fulltrúa, embættismenn og aðra starfsmenn sveitarfélaga eftir því sem við á til þess að sækja fræðsluþing í sínum landshluta.

Tekið fyrir bréf frá fjárlaganefnd Alþingis, dagsett þann 26. september 2013, þar sem fjárlaganefnd býður fulltrúum sveitarfélaga og/eða landshlutasamtaka þeirra til viðtals um fjármála sveitarfélaga í tengslum við vinnu nefndarinnar vegna fjárlagafrumvarps 2014. Fundardagar eru áætlaðir dagana 28. og 29. október n.k. og fyrir hádegi 30. október og 1. nóvember. Mælt er með því að sveitarfélögin nýti sér fjarfundarfyrirkomulag. Fulltrúar sveitarfélaga sem óska eftir fundi eru beðnir að hafa samband eins fljótt og verða má.

Tekið fyrir erindi frá vinabænum Hamar í Noregi þar sem fulltrúum Dalvíkurbyggðar er boðin þátttaka, ásamt Lundi, Viborg og Borgá, á norrænu málþingi 22. og 23. október n.k. undir heitinu Veien videra for nordisk samarbeide. Óskað er eftir svari um hvort Dalvíkurbyggð taki þátt í síðasta lagi 15. október n.k.

Tekið fyrir erindi frá Sambandi íslenskra sveitarfélagsa, bréf dagsett þann 23. sepember 2013, er varðar stöðu stöðu mála hvað varðar samninga sveitarfélaga og Fjölíss.

Tekið fyrir erindi frá Birni Björnssyni og Sigríði Guðmundsdóttur, rafbréf dagsett þann 27. september 2013, þar sem þau óska eftir niðurfellingu fasteignagjalda á húsnæði við Steðja.

Bókað í trúnaðarmálabók.

Bókað í trúnaðarmálabók.