Byggðaráð

Með fundarboði byggðarráðs fylgdi tillaga að reglum um lækkun og niðurfellingu fasteignaskatts tekjulágra elli- og örorkulífeyrisþega samkvæmt ákvörðun sveitarstjórnar fyrir árið 2014.

Með fundarboði byggðarráðs fylgdi tillaga að reglum um styrki til greiðslu fasteignaskatts til félaga og félagasamtaka fyrir árið 2014. Ekki eru gerðar tillögur um efnislegar breytingar frá fyrra ári.

Með fundarboði byggðarráðs fylgdi tillaga frá framkvæmdastjórn ( sveitarstjóri og sviðsstjórar) hvað varðar endurskoðun á reglum Dalvíkurbyggðar um notkun og greiðslur á síma fyrir starfsmenn Dalvíkurbyggðar.

Óskar Óskarsson kom á fundinn undir þessum lið kl. 08:40.

Tekið fyrir erindi frá forsætisráðuneytinu, bréf dagsett þann 27. desember 2013, þar sem tilkynnt er að ákveðið hefur verið að veita kr. 10.000.000 styrk til viðgerðar á steyptum útveggjum húss Leikfélags Dalvíkur (Ungó). Skal styrkurinn nýttur til endurnýjunar á gluggum í upprunalegri gerð.

Á 636. fundi bæjarrráðs þann 25. september 2012 lagði bæjarráð til við bæjarstjórn að Sparisjóður Svarfdæla verði áfram viðskiptabanki Dalvíkurbyggðar þar til annað verður ákveðið, þar sem fyrir lá að Landsbankinn féll frá kaupum á Sparisjóðnum.

Nú liggur fyrir að Sparisjóður Svarfdæla hefur sameinast Sparisjóði Norðurlands undir nafni Sparisjóðs Norðurlands.

Bókað í trúnaðarmálabók.

Bókað í trúnaðarmálabók.

Með fundarboði byggðarráðs fylgdu 810. og 811. fundargerð stjórnar Sambands íslenskra sveitarfélaga.

Undir þessum lið kom á fund byggðarráðs, Margrét Víkingsdóttir, upplýsingafulltrúi, kl. 09:44.

Kristján E. Hjartarson gerði grein fyrir vanhæfi sínu og vék af fundi undir þessum lið kl. 9:44. Varaformaður tók við fundarstjórn.

Tekið fyrir erindi frá Ferðatröllum, bréf dagsett þann 18. desember 2013 þar sem vísað er í fund þann 17. desember 2013 með forsvarsmönnum frá bæði Fjallabyggð og Dalvíkurbyggð. Farið var meðal annars í gegnum hvernig Norðurland er kynnt á vefnum og hvernig kynningarmálum á hverju svæði fyrir sig er háttað. Í framhaldi af kynningu um síður sem ýmist hafa verið fjármagnaðar að fullu eða hluta af opinberum aðilum og í sumum tilfellum í samstarfi við samtök ferðaþjónustuaðila óskar ferðamálafélagið Ferðatröll hér með eftir formlegu samstarfi við Dalvíkurbyggð og Fjallabyggð um að koma slíkri ferðamálasíðu í loftið fyrir utanverðan Tröllaskaga.

Áætlaður kostnaður við kaup á vefkerfi með hönnun og uppsetningu er um kr. 700.000 án vsk.

Margrét vék af fundi kl. 09:59.